Kampuni ya Champion Rise Sports kutoa tuzo za waogeleaji bora.

Watanzania wametakiwa kijitokeza kwa wingi katika tuzo maalum kwa ajili ya kuogelea zilizoandaliwa na kampuni ya michezo ya Champion Rise Sports yenye makao makuu yake Upanga Jijini Dar es salaam.

Mkurugenzi Mtendaji wa kampuni ya Champion Rise Sports Bi. Amina Mfaume akiongea na waandishi wa habari leo jijini dar es salaam.

Hayo yameelezwa mapema leo Disemba 17, 2021 na Mkurugenzi Mtendaji wa kampuni hiyo Bi. Amina Mfaume katika mkutano na Waandishi wa uliyofanyika katika ofisi za shirika hilo.

Mkurugenzi huyo amesema kuwa tuzo hizo zilianza rasmi Mwaka Jana na hii itakuwa Mara ya pili kutolewa kwa tuzo hizo ambazo ni mahususi kwa washiriki wa kuogelea, japokuwa kampuni hiyo inajihusisha na michezo ya aina mbalimbali.

Ameongeza kuwa licha ya kuwa ni mara ya pili lakini Bado muitikio Ni mdogo kwa Tanzania, kwani kwa Mwaka Jana peke yake ambapo tuzo hizo zilianzishwa waliweza kupata washiriki 120 na mwisho kuweza kupata washindi 100 na kwa Mwaka huu wamepata washiriki 160 na washindi Ni watu 60.

Aidha amesema kuwa katika tuzo hizo zitakazo tolewa siku ya tarehe 19 Mwaka huu mgeni rasmi anatarajiwa kuwa Naibu Waziri wa Sanaa, Utamaduni na Michezo ambapo ataambatana na wageni mbalimbali bwakiwemo wadau wa Michezo kama Baraza la Michezo, Chama Cha kuogelea nk.

Na mwisho ameongeza kwa kusema kuwa katika sherehe za utoaji wa tuzo hizo, kutakua na vipengele mbalimbali ikiwemo kipengele cha muogeleaji wa mwaka, muogeleaji chipukizi wa mwaka na meneje wa club wa mwaka n.k

Afisa Masoko wa kampuni ya Champion Rise Sport Bw. Ally Nchahaga, akitoa ufafanuzi wa jambo fulani mapema leo jijini Dar es salaam.

Kwa upande wake Afisa Masoko wa kampuni hiyo Bw. Ally Nchahaga

Amesesema kuwa mchezo huo umekuwa ukionekana kama ni wa watu wa hadhi Fulani Kama watu wenye kipato kikubwa na siyo watu wa Hali ya chini.

Ameongeza kuwa tiketi za kawaida laki moja, VIP ni million moja na milioni moja na nusu kwa meza maalum kwa ajili ya taasisi au familia na kusema kuwa tiketi hizo zinapatikana ofisini kwao Upanga karibu na shule ya Shaban Robrt.

Kumbuka kuwa Tuzo hizo zimedhaminiwa na Pepsi, Deloitte, Justfit, Vision sports,Debbie's,Myrtha pools na Hyatt Regency.