MCHUNGAJI GWAJIMA AFUNGUKIA ZIARA YAKE YA CLAUDS,SOMA HAPO KUJUA

Askofu wa kanisa la Ufufuo na uzima Joseph Gwajima 

Dar es Salaam. Askofu wa kanisa la Ufufuo na uzima Joseph Gwajima amezungumza na waandishi wa habari  wa Clouds Media Group  na kusema kilichomfanya afike katika ofisi hizo ni kutoa pole kwa kuwa yeye ni sehemu ya sababu za uvamizi huo.

“Isingekuwa busara watu wavamiwe na mimi ni mhusika mkuu halafu nisije kutoa pole,” alisema

Hatua ya Gwajima imekuja baada ya tukio la kituo hicho kuvamiwa na mkuu wa mkoa wa Dar es salaam Paul Makonda akiwa na polisi wenye silaha.

Gwajima amewasilia saa 4:00 asubuhi akiwa na msafara wa magari zaidi ya manne na walinzi wake takribani 30 na alipofika alipokelewa na Mkurugenzi wa vipindi na Uzalishaji Ruge Mutahaba na kufanya mazungumzo na waandishi wa habari  na baadaye na uongozi wa kituo hicho.

Amewataka Clouds kuendelea na kazi zao za kawaida na kutaka suala hilo lisichukuliwe kisiasa huku akikisitiza kuwa Mkuu wa mkoa alikosea.

MCHUNGAJI MSIGWA AMLIMA WALAKA RAIS MAGUFULI,NI KUHUSU MAKONDA,SOMA HAPO KUJUA


Abraham Lincoln...mmoja wa marais wa zamani wa USA alipata kusema serikali bora ni ile ya watu, inayotokana na watu, kwaajili ya watu". Katiba ya Jamhuri ya Muungano imesisitiza kuwa wananchi ndiyo msingi wa madaraka yote na serikali itapata madaraka na mamlaka yote kutoka kwa wananchi. Katika ulimwengu wa kidemokrasia, kushirikisha na kuheshimu maoni ya wananchi ndiyo njia ya kwanza na ya msingi kabisa kwa serikali kutimiza mamlaka ya mwisho waliyonayo wananchi.

Sasa huyu anayepuuza maoni, malalamiko na ushahidi wa wazi wa wananchi dhidi ya Bashite, amepoteza sifa zote za uongozi zinazokubalika duniani.

Baba wa Taifa, Nyerere, alipata kusema "madaraka hulevya, na madaraka zaidi hulevya zaidi"

Huyu anayesema hapangiwi, haonyweshi njia ya kupita, eti aliamua mwenyewe kuwa Rais baada ya kujiona anafaa; huyu anayedhani kujiamini ni kutosikiliza wananchi na kumlinda yule ampendaye yeye tu; sio Kiongozi tena. Ni Mlevi wa Madaraka. Hii ni fursa nyingine kwa Watanzania kutafakari na kuchukua hatua sahihi dhidi ya hatari inayotukabili ya kuendelea kuongozwa na Mlevi

Pale uvunjaji wa sheria na ukosefu wa haki inapokuwa , jambo la kawaida katika jamii yetu .hasa inapofanywa na viongozi wetu ,kuipinga hali na tabia hiyo inapaswa kuwa wajibu wetu sote!

Peter Msigwa The MP

RIPOTI YA WAZIRI NAPE YAMWACHA MTUPU RC MAKONDA,SOMA HAPO KUJUA


Mkuu wa mkoa wa Dar es Salaam amedaiwa kuwatishia kuwafunga jela miezi 6 au kuwapa tuhuma za dawa za kulevya bila kupitia mahakamani wafanyakazi wa kituo cha utangazaji cha Clouds kwa kukataa kurusha habari aliyoitaka.

Hayo yamebainika katika ripoti ya uchunguzi wa tukio la mkuu huyo wa mkoa kuvamia katika kituo cha utangazaji cha Clouds akiwa na askari wenye silaha, ripoti ambayo pia imependekeza mamlaka husika kumchukulia hatua za kinidhamu.

Akiwasilisha ripoti hiyo kwa Waziri wa Habari, Utamaduni, Sanaa na Michezo mbele ya wanahabari katika ukumbi wa Habari Maelezo jijini Dar es Salaam, Mwakilishi wa Kamati ya uchunguzi Deodatusi Balile amesema kamati hiyo haikuweza kumpata Paul Makonda kwa ajili ya mahojiano.

Akitaja mambo yaliyobainika katika sakata hilo, Balile amesema kamati hiyo iliyohoji watu mbalimbali wakiwemo wafanyakazi 14 wa kituo cha Clouds, imejiridhisha pasipo shaka kuwa Mkuu wa Mkoa wa Dar es Salaam Paul Makonda alivamia katika kituo hicho saa 4:30 usiku wa Machi 17 akiwa anaendesha gari yenye namba za usajili T553 BFH.

Amesema uchunguzi wa kamati umebaini kuwa sababu ya uvamizi huo ni habari iliyodaiwa kumuhusu mwanamke aliyedai kuzaa na Mchungaji Josephati Gwajima ambapo alitaka habari hiyo iruke kwenye kipindi..

Pia kamati hiyo imethibitisha kuwa Makonda na askari waliingia hadi katika vyumba ambavyo hawakupaswa kuingia, na waliingia hadi kwenye studio ambayo inarusha matangazo na kutoa vitisho kwa watangazaji, waandaji na wafanyakazi wengine, kiasi cha baadhi yao kuagua vilio.

“Vitisho hivyo ni askari wenye silaha za moto, kuingia ndani ya studio kibabe wakiwa na silaha za moto, Makonda aliwatisha usiku huo kwamba angewafunga jela miezi sita, pia angewakagua watangazaji wa kipindi kama wanahusika na dawa za kulevya, au kuwabana wadhamini wa kipindi na pengine kuwaingiza kwenye orodha ya wahusika wa dawa za kulevya endapo wangeendelea na msimamo wao” Amesema Balile

Pia amesema kamati imebaini kuingiliwa kwa uhuru wa habari kinyume cha sheria kwa kulazimisha kutangazwa kwa habari isiyokidhi vigezo.

Kuhusu wafanyakazi kupigwa, Balile amesema kamati hiyo haikuona uthibitisho wowote kuwa kuna watu walipigwa, isipokuwa wapo waliolia kutokana na vitisho vya kupelekwa jela miezi 6.

Kamati hiyo imetoa mapendekezo manne ikiwa ni pamoja kumtaka Makonda aombe radhi kwa tasnia ya habari, kumtaka Waziri kuwasilisha malalamiko kwa mamlaka yake ya uteuzi ili hatua zichukuliwe, vyombo vya dola vianzishe uchunguzi wa ndani dhidi ya askari walioingia.

Amesema kamati hiyo ilijiridhisha kuwa Makonda hakuwa tayari kuhojiwa wala kutumia fursa ya kujieleza jambo ambalo hata hivyo halikuathiri uchunguzi wa kamati hiyo.

"Tulianza kwa kumpigia simu, lakini hakupokea, tukaamua kumpelekea ujumbe hakuujibu, tukatumia wasaidizi, wakatutaka tufike ofisini kwake, tulifanya hivyo, tulifika lakini ilielezwa kuwa ana mgeni, ulipofika muda akatuita, tukaelekezwa kupita ngazi za mbele lakini yeye akapita mlango wa nyuma akaondoka. Tukaambiwa tumsubiri, tukasubiri lakini baadaye tukaambiwa amepata shughuli nyingine kwa hiyo hataweza kurejea ofisini". Amesema Balile

Mara baada ya kupokea ripoti hiyo, Waziri Nape amesema ataifikisha katika mamlaka husika kwa ajili ya hatua kuchukuliwa huku akiwataka wanahabari kuendelea kuwa na imani na serikali katika kulinda uhuru wa habari.

"Juu yangu kuna Waziri Mkuu, kuna Makamu wa Rais na kuna Rais, nitawakabidhi ripoti hii, nawaomba wanahabari, tuendelee kuwa watulivu, Rais wetu Magufuli ana nia njema na tasnia ya habari na ndiyo maana akaipitisha haraka sheria inayoipa hadhi tasnia hii... Wakati mwingine madhaifu yakitokea kwa mtendaji mmoja mmoja, yasiwe tope kwa serikali nzima....Mimi nitaipeleka taarifa kwa wenzangu, wataiangalia na litakuwa ni funzo kwa watu wengine" Amehitimisha Waziri Nape

MASIKINI RC MAKONDA,WANAHABARI WATANGAZA RASMI KUTOTANGAA HABARI ZAKE,SOMA HAPO KUJUA


Jukwaa la Wahariri Tanzania(TEF) leo  limevitaka vyombo vya habari nchini kutokuandika au kutangaza habari zozote zinazomhusisha Mkuu wa Mkoa wa  Dar es Salaam, Paul Makonda.

TEF wameyasema hayo leo katika  taarifa yao na kulaani vikali kitendo cha Makonda cha kuvamia kituo cha Utangazaji cha Clouds usiku wa Machi 17 akiwa na askari wenye silaha.

“Kwa mantiki hiyo, tunamtangaza Ndugu Paul Makonda kuwa ni Adui wa Uhuru wa Habari, na yeyote yule atakayeshirikiana naye katika kukandamiza uhuru wa habari nchini,” ilisema taarifa hiyo ya TEF iliyoandikwa na Mwenyekiti wake, Theophil Makunga.


DINI YA KIISLAMU INATOA KIPAUMBELE KWA WANAWAKE: SHEIKH JALALA



DHEHEBU LA SHIA LIMEADHIMISHA SIKU YA KUZALIWA KWA BI. FATMA A.S)
 
Na Mwandishi wetu,
IMEELEZWA kuwa dini ya Kiislamu inamtizama mwanamke kama ni mtu muhimu katika kuchangia maendeleo ya familia na taifa kwa ujumla na kwamba wanaodhani Uislamu haujampendelea Mwanamke hawaufahamu vizuri Uislamu.
 
Hayo yameelezwa na Kiongozi wa dini ya kiislamu, dhehebu la Shia ithnasheria, Shehe Hemed Jalala wakati alipokuwa anazungumza na waandishi wa habari kuhusu maadhimisho ya Kuzaliwa kwa Mjukuu wa Mtume Muhammad(Rehma na Amani ziwe juu yake), Bi. Fatma, aliyezaliwa mwaka wa 615 AD

Katika Maadhimisho hayo,Sheikh Jalala amesema siku hiyo ni muhimu wanapomuenzi mwanamke aliyefanya mambo makubwa katika dini ikiwa ni pamoja na kuhubiri habari njema.

Amesema kuwa zamani wanawake hawakuruhusiwa kuingia kwenye nyumba za ibada lakini Mtume kwa kuonyesha umuhimu wa mwanamke alimruhusu Bi Fatma kusimama mbele za msikiti na kutoa khutba kama anavyofanya Mwanaume.
 
Alifafanua kuwa mwanamke amekamilika kama alivyo mwanaume kwani ndiye anatengeneza umma, watu na wanaume wanaoleta maendeleo katika jamii na kusisitiza kuwa penye maendeleo ya mwanaume nyuma yake yupo mwanamke.

"Kumekuwa na maneno kuwa uislamu una aina fulani ya dhuluma kwa mwanamke, la hasha anapatiwa haki zake zote anazostahili ikiwemo  haki ya kuzungumza mbele ya watu kufuata misingi ya dini. Bi Fatma alienda kwenye msikiti na kutoa hutuba mbele za watu," alisema
 
Aliongeza kuwa mwanamke anayo haki ya kurithi, haki ya kuongoza, haki ya kufanya kazi mbalimbali kwa kuzingatia maslahi na heshima yake kwa misingi ya dini na sheria

Chumba cha kaburi alimozikwa Yesu chafunguliwa tena Israel

 NA DEBORA SENYAGWA,
Chumba kidogo kinachofunika kaburi ambako inaaminika Yesu Kristo alizikwa kimefunguliwa rasmi tena baada ya kufanyiwa ukarabati kwa miezi tisa.

Chumba hicho ambacho kinapatikana katika Kanisa la Kaburi la Yesu Kristo katika maeneo ya mji wa zamani wa Jerusalem kilikuwa kimekuwa dhaifu sana kiufundi.

Aidha, kilikuwa limebadilika rangi na kuwa karibu rangi nyeusi kutokana na masizi ya mishumaa mingi ambayo huwashwa eneo hilo.

Mzozo kati ya madhehebu matatu ambayo kwa pamoja husimamia kanisa hilo - Kanisa la Kiothodoksi la Ugiriki, Kanisa la Kiarmenia na Kanisa Katoliki la Kirumi - ulichelewesha ukarabati huo kwa miongo mingi.

Antonia Moropoulou, aliyesimamia ukarabati, amesema chumba hicho sasa kimepata tena rangi yake asili inayokaribia hudhurungi.

Chumba hicho kilifanyiwa ukarabati mara ya mwisho mwaka 1810.

JUKWAA LA WAHARIRI TANZANIA LALAANI KITENDO CHA PAUL MAKONDA KUVAMIA CLOUDS...



TEF yamtangaza Makonda adui wa uhuru wa habari

Jukwaa la Wahariri Tanzania(TEF) leo  limevitaka vyombo vya habari nchini kutokuandika au kutangaza habari zozote zinazomhusisha Mkuu wa Mkoa wa  Dar es Salaam, Paul Makonda.

TEF wameyasema hayo leo katika  taarifa yao na kulaani vikali kitendo cha Makonda cha kuvamia kituo cha Utangazaji cha Clouds usiku wa Machi 17 akiwa na askari wenye silaha.

“Kwa mantiki hiyo, tunamtangaza Ndugu Paul Makonda kuwa ni Adui wa Uhuru wa Habari, na yeyote yule atakayeshirikiana naye katika kukandamiza uhuru wa habari nchini,” ilisema taarifa hiyo ya TEF iliyoandikwa na Mwenyekiti wake, Theophil Makunga.

Advertisement

RC Makonda afunguliwa Mashtaka Matano

Meya wa Manispaa ya Ubungo, Boniphace Jacob amemfungulia mashitaka matano Mkuu wa Mkoa wa Dar es Salaam, Paul Makonda ambayo ameyawasilisha kwenye Tume ya Maadili ya Viongozi wa Umma.
Mashtaka yaliyofunguliwa dhidi ya Makonda ni pamoja na kughushi vyeti, kupokea zawadi bila kutangaza, jambo ambalo ni kinyume na sheria za utumishi wa umma, kujipatia mali kutoka kwa watuhumiwa wa biashara ya madawa ya kulevya, kuwadhalilisha watu kwa kuwataja kwenye tuhuma za madawa ya kulevya bila kuwa na vielelezo na kutumia madaraka vibaya.

Hatua hiyo ya meya Jacob, imekuja siku chache baada ya mkuu huyo wa mkoa, kudaiwa kuvamia kwenye ofisi za Clouds Media, kushinikiza kipindi kilichorekodiwa kikiwa na habari ya Mchungaji Josephat Gwajima, kirushwe hewani wakati kipindi cha Shilawadu kikiendelea.

Kitendo hicho kilimlazimu Waziri Nape Nnauye, mwenye dhamana ya kuwalinda waandishi wa habari, aunde tume maalum kuchunguza sakata hilo, ambayo ilipewa muda wa saa 24 kukamilisha kazi yake, lakini mpaka sasa bado ripoti yake haijatoka

LHRC YAMKALIA KOONI MAKONDA...YAPENDEKEZA RC MAKONDA KUPELEKWA JELA


Mkurugenzi Mtendaji wa kituo cha sheria na haki za binadamu Dkt Kijo Bisimba akifafanua jambo kuhusu tukio la Makonda kuvamia ofisi za Clouds. Kulia ni Mkurugenzi wa Utetezi na Maboresho wa Kituo cha Sheria na Haki za Binadamu nchini Tanzania (LHRC) Bi
Ana Henga,

NA MWANDISHI WETU

Licha ya Rai wa Jamuhuri ya Muungano wa Tanzania John Pombe Magufuri  kutangaza hadharani juu ya hatma ya vitendo vya Mkuu wa Mkoa wa Dar es salaam, Mh. Paul Makonda, kituo cha sheria na haki za binadamu kimeibuka na kutaka hatua zaidi kuchukuliwadhidi yake.

Akizungumza na waandishi wa habari ofisini kwake, Mkurugenzi mtendaji wa kituo hicho Dkt.  Helen Kijo Bisimba amesema kitendo alichofanya Makonda hakipaswi kufumbiwa macho na kwamba wananchi wana uhuru kisheria kufungua kesi mahakamani kwa kuwa kitendo hicho kinavunja misingi iliyowekwa na katiba ya Jamuhuri ya muungano wa Tanzania ya mwaka 1977

 Hivi karibuni, Mkuu wa mkoa wa Dar es saalam alidaiwa kuvamia kituo cha televisheni cha Clouds kwa lengo la kushinikiza chombo hicho cha habari kurusha taarifa ambayo kituo hicho kiliona hakina sifa ya kwenda kwa mlaji. 

Taarifa hiyo ambayo ilitakiwa kurushwa kupitia kipindi cha The week end chart show ambacho kinaruka kila Ijumaa, ilishindika kwenda hewani baada ya kugundua kuwa ilikuwa ni ya upande mmoja.

DKT Hellen Kijo Bisimba akilaani vikali tukio hilo

Bi Helen Kijobi Simba alisema inafahamika kuwa kuna sheria kandamizi juu ya vyombo vya habari na hata muda mwingine hutishia kufungia vyombo hivyo. lakini hakuna sheria inayomtaka kiongozi yeyote kutumia chombo cha habari kwa maslahi yake binafsi.
 
Walisema kuwa wanampongeza raisi kwa kauli yake mbiu ya “HAPA KAZI TU” kwa kuwa inawapa motisha wananchi wa kufanya kazi kwa bidii. Lakini walishangazwa na raisi huyo baada ya kutoa onyo kwa Bw. Makonda kwa alichokifanya lakini matokeo yake ameweza kupongeza kwa kumwambia wewe piga kazi tu usisikilize maneno yao hii inaonyesha kuwa raisi John Pombe Magufuli karidhika na kitendo iko.
Waandishi wa habari wakiwa kazini


TECNO YAJA NA SIMU BOMBA KABISA,SOMA HAPO KUJUA


NA KAROLI VINSENT.
KATIKA kuhakikisha wanawasaidia watanzania kupata simu zenye kuwarahisishia mawasiliano katika kipindi hiki nchini inapokwenda kwenye uchumi wa Viwanda.
Kampuni ya simu inayofanya vizuri nchini ya TECNO imezindua simu mpya ya Tecno L9 plus ,ambapo wataaramu wanaitaja simu hiyo kufanya vizuri kwenye soko kutokana na kuja na ufumbuzi wa Tatizo la Chaji.
Akizingumzia simu hiyo Meneja Mauzo rejareja wa Kampuni ya Tecno,Moses Mtweve amesema lengo la Kampuni hiyo kuzindua simu hiyo ni kwa ajili ya kuwasaidia watanzania .
“Tecno L9 Puls itakuwa msaada mkubwa kwa watanzania na wateja wetu kwa ujumla ukizingatia kua umeme katika nchi yetu haujatengemaa kabisa kwa baaadhi ya mikoa kwahiyo watu wengi wanapata shida ya chaji,kwahiyo simu hii itawaondolea kadhia hiyo,”amesema Mtweve.
Mtweve ameongeza kuwa simu hiyo itaweza kukaa na chaji kwa saa 72  huku mtumiajia akifurahia huduma mbali mbali za mawasiliano.
“Simu ya Tecno kupitia L9 plus inawakikishia wateja kua watakaa saa 72 bila kuwaza lolote kuhusu chaji huku akiwa anafurahia huduma,ambapo hata chaji ikiisha ikichajiw akwa dakika tano mtumiajia ataweza kutumia kwa kupiga picha zaidi ya elfu moja  kwa chaji hiyo ya Dakika tano”ameongeza kusema Mtweve.
Mtweve pia, ametaja faidi nyingine kwa mtumiaji wa simu hiyo ni kufaudi picha kutokana na simu iyo kuwa na kamera ya nyuma na mbele pamoja kuwa tecnolojia ya usalama wa vidole.

Hata hivyo,Mtweve amewataka watanzania kujitokeza kwenye mawakala wa Tecno nchini kujipatia simu hiyo kwa bei nafuu.

SERIKALI YA MAGUFULI YAKOMALIA POMBE ZA VIROBA,YAIBUKA NA HILI LEO,SOMA HAPO KUJUA


Serikali imefuta usajili na utoaji vibali vya uzalishaji, uingizwaji, usambazaji na uuzwaji wa pombe kali iliyofungashwa katika karatasi maarufu kiroba, na pombe zilizofungashwa katika chupa ndogo zenye ujazo chini ya mililita 200 kuanzia Machi Mosi, mwaka huu.

Waziri wa Afya, Maendeleo ya Jamii, Jinsia, Wazee na Watoto, Ummy Mwalimu amesema hayo Dar es Salaam leo katika Mkutano wake na waandishi wa habari.

"Kwa viroba ambavyo tumevikamata tunasubiri maelekezo toka ofisi ya waziri mkuu iwapo viharibiwe au virudishwe viwandani vikafungashwe katika vifungashio vinavyokubalika kitaifa     

KINGWANGALA ATAJA SABABU YA KUSHINDWA KUWATAJA MASHOGA,SOMA HAPO KUJUA

Naibu Waziri wa Afya, Maendeleo ya Jamii, Jinsia, Wazee na Watoto Mhe. Dkt Hamis Kigwangalla kwa mara ya kwanza ametoa sababu ya yeye kushindwa kuweka wazi orodha ya watu wanajihusisha na mapenzi ya jinsia moja (mashoga)

Amesema hakuweza kuyataja hadharani majina hayo kwa kuwa alisikiliza ushauri aliopewa na jamii inayomzunguka.

“Mimi nashaurika, sikuweka majina hadharani kwa sababu nashaurika, listi ya watu ninayo na tunachukuwa hatua kimya kimya hili ni kosa la jinai na mtu anayekutwa na hatia anafungwa kifungo cha miaka 30 jela”Amesema Dkt. Kigwangalla

Dkt. Hamisi Kigwangalla amesema, hayo wakati akiwa kwenye maadhimisho ya siku ya Ustawi wa Jamii Duniani ambayo kitaifa imefanyika jijini Dar es Salaam.

Katika maadhimisho hayo Kigwangalla ameeleza kuwa kufanya mapenzi ya jinsia moja ni kosa kibaiolojia na hairuhusiwi mtu kuvutiwa na mtu wa jinsia yake.

Aidha, amesema katika sheria iliyotungwa mwaka 2012 ya kukazia adhabu ya mapenzi ya jinsia moja, kuna kipengele kinachotaka mtu achukuliwe hatua endapo ikithibitika amekaa mapozi yasiyoeleweka na ikabainika kuwa ni kwa lengo la mapenzi ya jinsia moja atafunguliwa mashtaka.

Mhe. Kigwangalla amewaonya wanajihusisha na mapenzi ya jinsia moja na kusisitiza kwamba serikali inawachukulia hatua kimya kimya.

KITABU CHA UWIANO WA TAKWIMU ZA WANAWAKE NA WANAUME CHAZINDULIWA JIJIJINI DAR ES SALAAM

 Meneja wa Takwimu za Watu na Jamii kutoka Ofisi ya Taifa ya Takwimu (NBS), Sylvia Meku (katikati) akiwa na wadau wakionesha kitabu cha uwiano wa takwimu za  wanawake na wanaume wakati wa hafla ya kuzindua kitabu hicho iliyofanyika jijini Dar es Salaam leo. Kutoka kushoto ni Mkurugenzi wa Habari na Ulaghibishi wa Tume ya Kudhibiti Ukimwi Tanzania (Tacaids), Jumanne Issango, Ofisa wa Takwimu kutoka nchini Sweden, Cath Craiger, Mtakwimu kutoka Sweden, Ana Morkuda na Mwanahabari Philip..Kitabu hicho kimeandikwa na wanafunzi watano kutoka Tanzania waliopata mafunzo ya miezi 11 nchini Sweden.

RAHCO YAPIGILIA MSUMARI UBOMOAJI KWA WAVAMIZI WA HIFADHI YA RELI,SOMA HAPO KUJUA


Mkurugenzi mtendaji  Kampuni Hodhi ya Rasilimali za Reli (RAHCO) Bw. Masanja Kadogosa akizungumza na waandishi  habari leo jijini Dar es Salaam kuzungumzia  zoezi la ubomoji wa nyumba zilizopo kwenye hifadhi ya reli


 Afisa Uhusiano wa RAHCO,Catherine Moshi  akitoa maelezo kwa waandishi wa habari waliokuwepo kwenye mkutano huo leo jijini Dar es Salaam

NA KAROLI VINSENT
 Kampuni Hodhi ya Rasilimali za Reli (RAHCO) imesema zoezi la ubomoaji wa majengo yaliyomo katika hifadhi ya reli linaloendelea nchini limezingatia taratibu na sheria za uendeshaji wa reli na kwamba matangazo ya notisi ya kuwataarifu waanchi waliovamiwa hifadhi hizo zilizotolewa mapema ili wananchi hao waweze kuhama.

Akiongea leo Jijini Dar es Salaam Mkurugenzi mtendaji RAHCO Bw. Massanja Kadagosi amesema Ubomoaji huo unaoendelea haupo kwa ajili ya kumuonea mtu bali upo kwa ajili ya kulinda miundombinu ya reli ikiwemo pia kujali usalama wa wananchi waliojenga kwenye hifadhi ya reli.

‘’Sheria ya Reli Na.4 ya mwaka 2002,kifungu cha 57 (2) kinabainisha kuwa mtu yoyote haruhusiwi kufanya ujenzi wowote katika hifadhi ya njia ya reli pasipo kibali cha RAHCO, kwani sheria hii inatamka wazi  kuwa mtu yeyote harusiwi kufanya ujenzi wowote katika eneo lilopangwa na mamlaka husika”

Madagosi amesema kabla ya kuanza kuzibomoa nyumba hizo walitoa notisi mbali mbali ikiwemo tangazo la kuwataarifu wavamizi hao kupitia kwenye vyombo vya habari vya tarehe 25/4/2016, pamoja na kutoa barua kwa mkurugenzi wa Manispaa ya Ilala ya kuwajulisha wananchi hao kuanza kuhama kabla yauvunjaji kuanza.


Mbali na Barua hizo, amesema Bw. Kadagosi  tarehe 9 hadi tarehe 10 /2/2017 waliziweka nyumba alama ya X kwa wavamizi hao, analosema kuwa watu wanaosema wananchi hao wanaovunjiwa hakuwapata taarifa za kutakiwa kuvunjiwa nyumba si za kweli kwani taarifa zilitolewa. 

LICHA YA MAGUFULI "KUMKINGIA KIFUA' RC MAKONDA ALIKOROGA VIBAYA,JENERALI ULIMWENGU,ZITTO KABWE,MBWANA SAMATA WATEMA CHECHE,SOMA HAPO KUJUA

 Mwandishi wa habari Nguli nchini,,Jenerali Ulimwengu naye afunguka sakata la Makonda kuvamia kituo cha Clauds
Akihijowa na DW mchana huu Jenerali Ulimwengu ameshauri Makonda ashitakiwe...

Amesema ni tukio linaloweza kufanywa na viongozi ambao wanajiona hawana mipaka katika utawala wao.

Amesema mkuu wa mkoa amelewa madaraka na kwa kufanya tukio hilo ameonyesha kwamba hana kitu chochote kinachoweza kumzuia. Amewaomba wananchi kupata sauti zao katika kutetea haki zao.

Amesema suala la Makonda kuwajibishwa linategemea na mtu aliyemchagua ambaye ndiye kiongozi wa nchi kwa hiyo Raisi akiona kwamba kuna haja ya Makonda kuwajibishwa basi amuwajibishe ili iwe fundisho na kwa viongozi wengine 
 
Zitto Kabwe afunguka,,,,,,,,,,,,,,,,,,,,,,,,,,

Mbunge wa Kigoma Mjini,Zitto Kabwe naye hakuwa nyuma kulizungumzia sakata la Mkuu wa Mkoa wa Dar es Salaam,Paul Makonda la kuvamia kituo cha Tv cha Clauds Media,baada ya kuwataka wanahabari kususia kuandika habari za serikali,soma hapo kujua
Mchezaji wa Kitanzania anayekipiga soko nchi za Ulaya,Mbwana Samata amefunguka haya,,,,,,
 
BAADA ya kuvamiwa kwa Kituo cha Redio cha Clouds Fm, imeibuka mijadala mingi, Watanzania wakaijadili kila kona ya nchi. Katika mijadala hiyo, wapo wanasiasa, watumishi wa umma, waumini wa dini na wanamichezo ambapo mchezaji wa Taifa Stars anayekipiga nchini Ubelgiji katika Klabu ya Genk, Mbwana Samatta amefunguka kuwa wanasiasa wanakosa maadili.

“Ndiyo maana siasa imekuwa cheap maana viongozi wenyewe wana-hang out na akina Amber Lulu na Gigy Money” aliandika Samatta.


WAZIRI NAPE KUJIUZULU KWA SABABU HII,SOMA HAPO KUJUA




Waziri wa Habari, Utamaduni, Sanaa na Michezo Mhe. Nape Nnauye amesema endapo atashindwa kusimamia uhuru wa habari na vyombo vya habari nchini atajiuzulu nafasi yake kwa kuwa atakuwa ameshindwa majukumu yake katika nchi huru.

Waziri Nape Nnauye
Nape ametoa kauli hiyo leo wakati akizungumzia na kulaani kitendo kinachodaiwa kufanywa na Mkuu wa Mkoa wa Dar es Salaam, Paul Makonda, cha kuvamia chombo cha habari cha Clauds, akiwa na askari wenye silaha na kukifananisha kitendo hicho na kuinajisi taaluma ya habari.

Waziri huyo amesema amezoea kuona matukio kama hayo yanatokea kwenye nchi ambazo zimepinduliwa kwa bunduki lakini kwa nchi yetu si jambo jema kwenda kwenye vyombo vya habari na mabunduki mkononi.

"Tumezoea kuona matukio haya yanatokea kwenye nchi ambazo zimepinduliwa kwenda kwenye vyombo vya habari na mabunduki si sawa, kwa jambo hili tunataka kutenda haki tumsikilize Mkuu wa Mkoa ili tujue kwanini amefanya jambo hili". Alisema Nape

Kufuatia tukio hilo Waziri Nape ameunda tume yenye wajumbe takribani watano itakayoenda kumhoji Makonda na kutoa mrejesho wa kazi hiyo ndani ya masaa 24 ikiwa imeeleza sababu maalum kutokea kwa tatizo hilo.

RAIS MAGUFULI AZIDI "MVIMBISHA KICHWA MAKONDA"AIBUKA NA KUMKINGIA KIFUA KUHUSU TUKIO LAKE LA KUVAMIA KITUO CHA CLAUDS TV,SOMA HAPO KUJUA

Rais John Magufuli amemtaka Mkuu wa Mkoa wa Dar es Salaam, Paul Makonda kuendelea kuchapa kazi na kwamba yeye hafanyii kazi maneno ya kwenye mitandao kwasababu yeye ndiyo Rais wa nchi hii.

Rais Magufuli amesema kuna baadhi ya watu wanaingilia majukumu yake wakati yeye ndiyo mwenye uamuzi na kwamba hapangiwi kazi ya kufanya kwa sababu anajiamini.

Mkuu huyo wa nchi amewataka wakazi wa Dar es Salaam kuchapa kazi ili kujiletea maendeleo badala ya kupoteza muda kufuatilia udaku kwenye mitandao.

"Watu wa Dar es Salaam tumejielekeza sana kwenye udaku ambao hausaidii maendeleo. Udaku ambao haumalizi hata foleni ya Dar.

"Ningefurahi sana huko kwenye mitandao kama tungekuwa tunajadili jinsi ya kufanya mambo ya maendeleo.

"Mimi sionyeshwi njia ya kupita na mtu. Njia ya kupita tayari nilishaonyeshwa na ilani ya chama changu.

"Kuandikwa kwenye mitandao hata mimi ninaandikwa, kwa hiyo nijiuzulu? Kuandikwa kwangu mimi siyo tija bali kuchapa kazi.

"Kuna wengine mmefikia hata hatua ya kunipangia. Nasema mimi ukinipangia ndio umeharibu

"Vitu ambavyo havina msingi vinachukua muda wetu mwingi sana. Mara upost hiki, mara uweke kile.

"Watanzania mjue kampeni zimeshakwisha. Ulie, ugaregare lakini Rais ni mimi John Pombe Magufuli na kwangu ni kazi tu.

"Mimi ni rais ninayejiamini, sipangiwi mambo ya kufanya. Hata fomu ya kugombea nilikwenda kuichukua peke yangu, kwa hiyo Makonda wewe chapa kazi," amesema Rais Magufuli.

SERIKALI YA MAGUFULI YAINGILIA KAMATI ZA BUNGE,WENYEVITI WA WAWILI WACHUKIA NA KUJIUZULU,SOMA HAPO KUJUA



Mwenyekiti wa kamati ya Bunge ya Viwanda na Biashara Dk Dalali Kafumu na makamu wa kamati hiyo Vick Kamata, kwa pamoja wamejiuzulu nafasi zao.

Viongozi hao wameeleza sababu za kuchukua hatua hiyo kuwa ni serikali kuingilia majukumu yao katika utendaji kazi na hivyo wakaeleza kuwa hawaoni sababu za kuendelea na majukumu hayo.

Wamekabidhi barua za kujiuzulu kwenye ofisi ya spika wa bunge jana.



A

SAKATA LA MAKONDA KUITEKA KITUO CHA CLAUDS,WAZIRI NAPE AUNDA TUME YA KUCHUNGUZA,SOMA HAPO KUJUA



Waziri wa Habari, Utamaduni na Michezo, Nape Nnauye ameunda kamati ya kuchunguza kuhusu tukio lililofanywa na Mkuu wa Mkoa wa Dar es Salaam, Paul Makonda na kutaka apewe matokeo ndani ya saa 24.

Nape ameyasema hayo leo wakati akizungumza na wanahabari  mara baada ya Mkurugenzi wa Vipindi na Uaandaji wa Clouds Media Groups, Ruge Mutahaba kuthibitisha kuwa Makonda alivamia kituo hicho, Ujumaa usiku akiwa na polisi wenye silaha.

“Matukio kama haya hutokea pindi nchi inapotaka kupinduliwa, lakini kama Rais yupo na nchi haijapinduliwa  basi kuingia ndani ya chombo cha habari na silaha, huku ni sawa na kunajisi uhuru wa habari.

"Kabla ya kuchukua hatua zozote, sisi kama Serikali tunataka kusikia kutoka kwa Mkuu wa Mkoa wa Dar, Paul Makonda

"Tumeunda timu ya watu 5 kufanya kazi katika saa 24 ili wapate maelezo ya RC Makonda na ripoti hiyo itasomwa wazi

"Kitendo kilichofanywa na RC Makonda kinanajisi Uhuru wa Vyombo vya Habari katika Nchi Huru. Mamlaka zitajua cha kufanya

"Wanahabari tutulie na tusubiri kusikia kutoka pande zote mbili kabla ya kuchukua uamuzi

"Natoa pole kwa Clouds Media na kwakuwa tumejiridhisha kuwa jambo hili limetokea basi tutalishughulikia

"Ripoti itakayoletwa na Kamati ya Uchunguzi pamoja na hatua zitakazochukuliwa vitatangazwa hadharani baada ya saa 24." Amesema Waziri Nape