ACT WAZALENDO WAICHACHAMALIA SERIKALI YA MAGUFULI,YAIKABA KOO TENA ,SOMA HAPO KUJUA

CHAMA Cha ACT-Wazalendo sasa kinataka serikali imwelekeze Mdhibiti na Mkaguzi Mkuu wa Hesabu za Serikali (CAG) kufanya ukaguzi maalum kwenye utoaji wa vibali vya kuuza chakula nje mwaka jana, anaandika Pendo Omary.
Uongozi wa chama hicho umekuja na rai hiyo katika kukazia hoja ya kiongozi wao mkuu, Zitto Kabwe ya kuweka rehani ubunge wake iwapo atathibitishiwa na serikali kwa kuona mwenyewe kuwepo kwa tani 1.5 milioni za chakula kwenye maghala ya akiba yanayosimamiwa na Wakala wa Chakula cha Akiba nchini (NFRA).
Leo Ado Shaibu, Katibu wa Kamati ya Itikadi, Mawasiliano ya Umma na Uenezi wa ACT Wazalendo ametoa taarifa ya maandishi ikisema kuwa hoja ya chama inasimamia takwimu rasmi za serikali zilizotolewa katika njia mbalimbali mwaka jana.
Shaibu amesema serikali inaposema kwamba imeelekeza kuanza kusambazwa chakula kipatacho tani milioni 1.5 zilizopo kwenye maghala yake ya akiba, inaonesha kuna kitu hakisemwi kwa ukamilifu wake.
Amesema Zitto anaposhikilia hoja ya kuweka rehani ubunge wake anazingatia takwimu rasmi zilizotolewa na serikali kupitia vyombo vyake. Kwa mujibu wa taarifa ya serikali, kufikia mwezi Oktoba mwaka jana kulikuwa na akiba ya chakula tani 90,476 kwenye maghala yake.
Maeneo yote yanayotajwa kuwa na tishio la njaa,ukweli ni kwamba chakula pekee ambacho serikali inakimiliki na ina uwezo wa kukisambaza ni kile kilicho NFRA, ambacho mpaka mwezi Oktoba kulikuwa ni tani 90,476 tu.
Akinukuu taarifa ya Wizara ya Fedha na Mipango ya mwezi Juni mwaka jana kuhusu Hali ya Uchumi wa Taifa, Shaibu amesema uzalishaji wa mahindi kwa msimu uliopita, ulipungua kwa asilimia 12.3 wakati uzalishaji wa ngano na mtama/uwele ulipungua kwa asilimia 57 na asilimia 19 kwa mfuatano huo.
“Serikali inatoa wapi hizo tani milioni 1.5? Je, inaahidi kusambaza chakula hewa?,” amehoji Shaibu katika hoja ya ACT-Wazalendo inayolalia taarifa zinazohusu mavuno ya msimu uliopita.
Shaibu amesema mchele tu ndio uzalishaji wake uliongezeka kwa asilimia 15, ndiyo maana “Serikali ilitoa vibali vya kuuza mchele nje baada ya kuwa soko la ndani limejaa mchele kutoka Pakistan na kadhalika.”
Anasisitiza kwamba kwa kuongezea vibali vilivyotolewa na serikali vya kuuza mahindi (au unga wa mahindi) nje, “utaona kuwa kuna kila sababu ya kutaka ukaguzi maalumu wa mdhibiti kwenye mchakato wa utoaji wa vibali vya kuuza nafaka nje ya nchi.”
Amesema “Tunaiomba ofisi ya CAG ifanye ukaguzi maalumu kukagua vibali vya kuuzwa chakula nje mwaka jana ili kujua ukweli wa jambo hili. Likithibitika kuwa ni kweli ni wazi kuwa serikali itabidi iwajibike kwa kuweka mbele maslahi ya kibiashara badala ya maslahi ya maisha ya wananchi.”
Jana Zitto ambaye ni mbunge wa Kigoma Mjini alitangaza kuweka rehani ubunge wake iwapo kutakuwa na uthibitisho wa serikali kumiliki chakula cha akiba kipatacho tani 1.5 milioni. Tamko lake lilikuja baada ya Kassim Majaliwa, Waziri Mkuu kutangaza kwamba serikali itaanza kusambaza chakula kwenye maeneo yenye uhaba huku akipinga taarifa kupitia vyombo vya habari kwamba kuna balaa la njaa nchini.
Waziri Mkuu Majaliwa aliyekuwa katika uzinduzi wa safari za ndege za ATCL kati ya Dodoma na Dar es Salaam, aliongeza shutuma kwa vyombo vya habari kutumika na baadhi ya wafanyabiashara kueneza taarifa alizosema si sahihi na zinatolewa kwa maslahi ya wafanyabiashara wanaoingiza chakula nchini.
Msimamo huo unatokana na kauli ya Rais John Magufuli kutangaza kwamba hakuna uhaba wa chakula wala njaa popote nchini na kwamba hata wale wenye shida ya chakula kutokana na ukame katika msimu huu wasitarajie kupewa chakula bure na serikali.

MAMBO MAGUMU NCHI YA GAMBIA,RAIS WAKE ATANGAZA HALI YA HATARI,SOMA HAPO KUJUA



 
Bunge la Gambia limerefusha utawala wa Rais Yahya Jammeh kwa miezi mitatu baada ya kiongozi huyo kutangaza hali ya hatari katika taifa hilo na ikiwa imebaki siku moja tu kabla ya muhula wake kumalizika rasmi .

Tangazo la bunge kurefusha madaraka ya rais Jammeh kwa miezi mitatu yanafuatia amri iliyotangazwa na kiongozi huyo kutokana na kile alichokiita ni kuingiliwa kwa kiasi kikubwa na mataifa ya kigeni katika uchaguzi wa Desemba mosi na mambo ya ndani ya Gambia.

Kwa tangazo hilo wananchi wa Gambia "wamepigigwa marufuku kufanya matendo yoyote ya kutoheshimu sheria, kuchochea ghasia na kuvuruga amani".

Hali ya hatari
Kupitia Televisheni ya taifa, Rais Jammeh amesema kuwa, "Mimi Sheikh Profesa Alhaji Dr Yahya A.J.J. Jammeh rais wa Jamhuri ya kiislamu ya Gambia na Amiri Jeshi mkuu, natangaza hali ya hatari kwa nchi nzima ya Gambia kama hali ilivyo na ikiwa itaendelea inaweza kusababisha hali ya hatari kwa umma", amesema Jammeh. 
 
Chini ya katiba ya Gambia hali hiyo ya hatari itadumu kwa kipindi cha siku 90 ambapo bunge la nchi hiyo tayari limepitisha azimio la kuithibitisha na hiyo inamaanisha rais Jammeh atasalia madarakani kwa kipindi cha miezi mitatu.

Marekani imemtaka rais Jammeh ambaye ameitawala Gambia kwa miaka 22 kuachia madaraka na kumkabidhi rais mteule Adama Barrow ambaye yupo nchini Senegal anakopanga kubakia hadi hapo kesho siku ya kuapishwa kwake.

Jumuiya ya kiuchumi ya mataifa 15 ya magharibi mwa Afrika ECOWAS nayo imetoa wito kwa kiongozi huyo kuheshimu matokeo ya uchaguzi na kuondoka mamlakani, wito unaoungwa mkono na Baraza la Usalama la Umoja wa Mataifa, na Umoja wa Afrika na wengine.

Jammeh amekataa ujumbe wa viongozi wawili wa ngazi ya juu wa Afrika Magharibi ambao walimtolea wito wa kuondoka.

Raia wa nje waondolewa
Kutokana na tangazo hilo, mataifa ya kigeni yamesema yatawaondoa raia wake, wizara ya mambo ya kigeni ya Uingereza imeandika katika tovuti yake kuwa "uwezekano wa kuingilia kijeshi na usumbufu wa kiraia ni mkubwa", tahadhari ambayo imeungwa mkono na Uholanzi kupitia mitandao ya kijamii ikiwataka raia wake kuepuka kusafiri labda ikiwa ni kwa umuhimu.

Wakala wa utalii wa Uingereza Thomas Cook kupitia taarifa yake imesema inapanga kuwaondoa wateja wake watalii wapatao 3500 kupitia uwanja wa ndege wa Banjul katika masaa 48 yajayo.

Tayari mawaziri wanne katika serikali ya rais Jammeh wamejiuzulu wiki hii ambao ni waziri wa fedha, waziri wa biashara, waziri wa utalii, na waziri wa mambo ya nje, na kuungana na waziri wa mawasiliano ambaye aliachia wadhifa wake wiki iliyopita na sasa yuko Senegal.

Raia nchini humo wameendelea kukimbia kutoka Gambia wakielekea nchi jirani za Senegal, Guinea-Bissau na Guinea.

Taarifa kutoka Nigeria zinasema maandalizi ya kuwapeleka wanajeshi kadhaa mjini Dakar Senegal yamekamilika hali inayohusishwa na kile kinachojiri nchini Gambia.

Chanzo: DW

CHUO CHA DIT CHAMUUNGA MKONO MAGUFULI KWA VITENDO,NI KUHUSU SERIKALI YA VIWANDA,SOMA HAPO KUJUA

Mkuu wa Taasisi ya DIT, Profesa Preksedis Ndomba akizungumza na waandishi wa habari juu ya mafunzo wanayotoa katika taasisi hiyo na umuhimu wa ushiriki katika uchumi wa viwanda leo jijini Dar es Salaam.
Taasisi ya Teknolojia Dar es Salaam DIT, imesema kuwa katika kufikia uchumi wa viwanda lazima vijana waandaliwe kwa ujuzi wa kuweza kutumika katika sekta hiyo.
Akizungumza na waandishi wa habari jijini Dar es Salaam wakati wa akisaini makubaliano na Ofisi ya Waziri Mkuu, Sera ,Bunge, Kazi, Ajira na Wenye Ulemavu, Mkuu wa Taasisi ya DIT, Profesa Preksedis Ndomba amesema sekta ya viwanda inahitaji watu wenye ujuzi hivyo Taasisi ya DIT itakwenda na kasi ya kufua vijana wenye kwenye mafunzo mbalimbali.

Profesa Ndomba amesema kuwa makubaliano ni kwa ajili ya kuwapa mafunzo vijana 1000 katika chuo cha DIT Mwanza katika utengenezaji wa bidhaa za ngozi kutokana na Tanzania kuwa na mifugo mingi Afrika hivyo vijana watazalishwa na kuweza kujiajiri au kuajiriwa katika sekta ya ngozi.

Amesema DIT itakuwa bega kwa bega na serikali katika kuwaandaa katika sekta ya viwanda wakiwa na ujuzi ambao utawezesha viwanda hivyo viweze kukua katika uzalishaji wa bidhaa mbalimbali.
Mkuu wa Taasisi ya DIT, Profesa Preksedis Ndomba na Mkurugenzi wa Ajira wa Ofisi ya Waziri Mkuu, Sera ,Bunge, Kazi, Ajira na Wenye Ulemavu, Ally Msaki wakisaini makubaliono ya Mafunzo kwa vijana 1000 katika Chuo cha DIT Mwanza.

Nae Mkurugenzi wa Ajira wa Ofisi ya Waziri Mkuu, Sera ,Bunge, Kazi, Ajira na Wenye Ulemavu, Ally Msaki amesema makubaliano hayo yatakuwa endelevu kutokana na nia ya serikali katika kufikia vijana kuwa na ujuzi ambao unaweza kutumika na taifa likapata maendeleo.


Amesema katika utafiti uliofanywa na hiyo pamoja na Ofisi ya Taifa ya Takwimu, inaonyesha kuwa watu walioko katika soko la ajira wanaujuzi mdogo.


Msaki amesema katika uandaji huo ni pamoja na VETA kuwa na mafunzo mbalimbali ya kutambua watu wenye ujuzi na kuwapa vyeti ili waweze kutambulika katika kufanya shughuli zao.


Aliongeza kuwa katika bajeti ya mwaka wa fedha 2017/2018 serikali imetenga bilioni 15 kwa ajili ya kutolea mafunzo kwa vijana ili waweze kuwa sehemu soko la ajira.

Mbeya: Maiti iliyozikwa yakutwa chumbani kwenye godoro.,



Wakazi wa Isanga Jijini Mbeya wamekumbwa na taharuki baada ya tukio lisilo la kawaida ambapo maiti iliyokwenda kuzikwa katika makaburi ya zamani ya Isanga ilikutwa ikiwa kwenye godoro ndani ya nyumba alimofia.

Taarifa yaJeshi la Polisi Mkoa wa Mbeya inasema kuwa tukio lilitokea mnamo tarehe 16.01.2017 majira ya saa 4:30 asubuhi katika mtaa wa Igoma “A”, Kata ya Isanga, Jijini Mbeya.

Kufuatia taarifa hiyo Polisi walifuatilia na kubaini kuwa tarehe 16.01.2017 majira ya saa 1:00 asubuhi mtu mmoja aitwaye JAILO KYANDO na mke wake aitwaye ANNA ELIEZA wote wakazi wa mtaa wa Igoma “A” waliamka asubuhi na kukuta mtoto wao wa kwanza aitwaye HARUN JAILO KYANDO amefariki dunia akiwa amelala.

Taarifa za awali zinadai kuwa marehemu tangu utoto wake alikuwa na matatizo ya ugonjwa wa kifafa hali iliyopelekea kuishi nyumbani pasipo kusoma.

Kufuatia kifo hicho msiba uliendeshwa na taratibu za mazishi zilifanyika. Majira ya saa 6:00 mchana jeneza lililetwa msibani na kuwekwa sebuleni kando ya mwili wa marehemu ambao ulikuwa umeviringishwa na blanketi na kulazwa chini kwenye godoro, baada ya maombi yaliyoongozwa na walokole waitwao BONDE LA BARAKA vijana walibeba jeneza hadi makaburi ya zamani ya Isanga na kisha jeneza kuzikwa.

Waombolezaji waliporudi nyumbani walitaharuki kuona mwili wa marehemu mtoto HARUN JAILO KYANDO ukiwa chumbani umelazwa eneo ulipokuwa awali. 

Kutokana na hali hiyo taarifa zilifikishwa Polisi mara moja, askari Polisi walifika na kurejesha hali ya amani kwa kuuchukua mwili wa marehemu ambao kwa sasa umehifadhiwa katika Hospitali ya Rufaa Mbeya.

Taratibu nyingine za mazishi zitafanyika leo tarehe 17.01.2017. Mpaka sasa bado haijafahamika ni uzembe /bahati mbaya wafiwa kusahau kuweka mwili wa marehemu kwenye jeneza au kulikuwa na hujuma zozote.

Upelelezi unaendelea kuhusiana na tukio hili.

WALIMU WAMPA MASHARTI MAGUMU JPM NA SERIKALI YAKE,WASEMA WASIPO LIPWA MADENI YAO WATAFANYA MAAMUZI MAGUMU,SOMA HAPO KUJUA

http://habarileo.co.tz/images/Frequent/ezekiel-Oluoch.jpg
NA KAROLI VINSENT
Chama cha walimu nchini (CWT) kimeitaka serikali kuwalipa madai yote ya Walimu yanayofikia trion 1.06 kabla ya mwisho wa mwezi huu ambapo baraza la uongozi la CWT halijakutana  ili waweze kujadili na kutoa maamuzi magumu endapo deni hilo lisipolipwa.
Hata hivyo chama hicho pia kimeitaka serikali kuacha kuwahadaa watanzania kwa kusema walimu wa sanaa wapo wa kutosha ,huku wakiitaka serikali iseme ukweli kwani bado kwenye shule hapa nchini kuna uhaba mkubwa wa walimu wa sanaa.
Hayo yamesemwa leo jijini Dar es salaam na Kaimu Katibu Mkuu wa (CWT)  Ezekiah Oluoch wakati wa mkutano na waandish wa Habari ambapo amesema chama hicho kimefanya Mazungumzo na ofisi ya waziri mkuu,naibu waziri wa elimu Mhandisi Stella Manyanya pamoja na kukutana na makatibu wa taasisi zote zinawahudumia Walimu kufuatilia deni hilo lakini wamepewa majibu yasiotekelezeka.
''Leo asilimia 70 ya walimu wamekata tamaa ya kufundisha kutokana na serikali kushindwa kulipa deni lao na deni hili limekuwa kubwa haijawai kutokea,huku walimu wakishangaa  Rais John Magufuli  kununua ndege wakati anashindwa kuwalipa walimu”amesema Uluoch.
Amekichanganua madai hayo ya walimu Uluoch amesema walimu wastaafu wanaidai serikali 556,048,000,0000  ,madeni ya mishahara ya walimu waliopandishwa madaraja Januari hadi machi 2016 kwa walimu 85,945 wanaidai serikali jumla 301,374,321,000 huku akitahadharisha deni hilo kuongezeka kwa kiwango cha asilimia 25 kila mwezi ambapo ambapo amedai endapo sekali isipolipa deni hilo mpaka Juni mwaka huu litaongezeka kwa kiasi kikubwa.
Mbali na madeni hayo  yapo Madeni  walimu 150, 000 ambao wanaidai mishahara serikali jumla ya 180,000,000,0000,pia wapo walimu 36000 ambao hawajapanda madaraja mwaka  huu ambao walipaswa kupandishwa madaraja ndani ya mwaka huu wa fedha ,hivyo wanaidai serikali 32,400,000,000.
Oluoch amesema licha madeni haya kuwasilisha kwa serikali lakini wameshangaa serikali kuwalipa asilimia 10 tu  ya madeni hayo ambayo ni bilion 124 tu.
Pamoja na hayo chama hicho kimeoneshwa mshangao wake kwa serikali kusema walimu wa sanaa kutosha katika shule za sekondari nchîni wakati bado kuna mahitaji makubwa ya walimu wa sanaa mashuleni.
''Kuna walimu 40000 wamemaliza vyuo wapo mtaani wamemaliza vyuo hawana kazi na huku serikali ikisema walimu wa sanaa wametosha,sio kweli bado kunamahitaji makubwa ya walimu wa sanaa wanaofiki elfu 50''amesema Uluouch.
Hata hvyo.chama hicho serikali kuwalipa walimu madai yao na kuacha kujitetea haina fedha wakati serikali inanunua ndege.