WIMBI LA WAANDISHI WA HABARI KUSHIKILIWA NA KUITWA POLISI LASHIKA KASI,MWANDISHI HUYU NAYE YAMKUTA,SOMA HAPO KUJUA




Mwandishi wa Kampuni ya Mwananchi
WIMBI la waandishi wa habari nchini kukamatwa na kuhojiwa limeanza kushika kasi ndani ya utawala wa Rais John Magufuli ndivyo naweza kusema baada ya mwengine   wa Kampuni ya Mwananchi Communications Limited (MCL), Kituo cha Dodoma, Sharon Sauwa (Pichani)kuitwa kuhojiwa na polisi kutoka makao makuu jijini Dar es Salaam.(Aaandika na Mwandishi wetu endelea nayo)
Taarifa ambazo Fullhabari.blog imezipata inasema Mahojiano hayo yamefanywa leo Februari 22, 2018  na Inspekta Beatrice aliyesafiri kutoka Dar es Salaam mpaka Dodoma aliyesaidiwa na askari mwingine wa mkoani hapa.
Mahojiano hayo kati ya Mwandishi huyo na Jeshi la Polisi hayajawekwa wazi,ila taarifa ambazo zinatambaa zinasema mahojiano hayo yanatokana na mwandishi huyu kutumia simu yake katika makosa ya kimtandao.
Kuitwa kwa mwandishi huyo kunakuja ikiwa ni saa chache kupita baada ya kuwepo taarifa ya mwandishi wa habari wa Gazeti la Raia Mwema kutoka mkoani Njombe,Emmanuel Kibiki kudaiwa kuvamiwa  usiku wa kuamkia leo majira saa 9.na watu wanaodaiwa kuwa ni Polisi .
Taarifa iliyotolewa na Mhariri wa Gazeti la Raia Mwema ,Ezekiel Kamwaga ambayo imemnukuu Mke wa Kibiki ,inasema sababu ya Jeshi hilo la Polisi kumkamata Mwandishi huyo wa habari inatokana na yeye kaundika habari za kisiasa.
Mbali na Mwandishi huyo,pia kumetokea tukio katika hivi karibuni la Mkuu wa Mkoa wa Dar es Salaam,Paul Makonda kutoa agizo la kukamatwa kwa mwandishi wa habari wa Gazeti la Mwananchi,Ibrahimu Yamola kwa madai ya mwandishi huyu kumpiga picha nyingi.
Sanjari na matukio hayo ya Kukamatwa na kuhojiwa kwa Waandishi wa habari yakitokea,lakini mpaka sasa haijajulikana halipo Mwandishi wa habari wa Gazeti la Mwananchi mkoani Pwani,Azory Gwanda baada ya kudaiwa kutekwa na watu wasiojulikana.
Wakati haya yakitoa  watetezi wa haki za binadamu nchini wamesema Tasnia ya habari nchini ipo katika hali mbaya  huku wakisema uhuru vyombo  vya habari  kwa sasa ni haupo kutokana na serikali ya Rais Magufuli kufungia magazeti mengi  pamoja na kuvipiga faini vituo mbali mbali vya TV.
 



BAADA YA KUIFUNGUA CAMON CM,

Ni ukweli usiopingika kuwa TECNO, ni kampuni inayoendelea kufanya vyema katika uzalishaji na uuzaji wasimu janja barani Afrika hivi karibuni wamepokea mtazamo chanya kupitia toleo lao jipya Camon CM lenye sifa ya kuwa na kioo chenye wigo mpana.
Ufuatao ni uchambuzi baada ya kuifungua Camon CM
Camon CM imehifadhiwa vema kwenye kasha lenye sildi, ndani ya boksi nilikutana na chaji, vinasa sauti [earphone], lakini pia simu ina ulinzi wa kioo [screen protector],sambamba na kitabu kinachotoa maelezo kuhusu mipangilio ya simu na matumizi yake

 
Uwiano wa 18:9 ndo kitu kilichonivutia zaidi ambavyo nilikuwa natamani nipate simu yenye wigo mpana eneo la kioo,TECNO wameliwezesha hilo, ambapo Camon CM ina skrini yenye ukubwa wa inchi 5.7  ambapo niliweza kutazama filamu na kusoma habari mitandaoni kwa kuji nafasi pasipo kuwa  na mipaka ya kuta za simu. 

 
Nilijipiga picha [selfie] zikatoka na ubora wa HD, kupitia 13 MP mbele na nyuma ikiambatana na flashi zake 4 ambazo hutoa mwanga kwa kuwaka waka  simu inapoita hivyo ni rahisi kugundua simu ikiita hata ikiwa umetoa muito


Nimehifadhi programu zaidi ya 80 nikiwa na 2GB RAM & 16 GB ROM  na bado nna nafasi ya kuweka memori kadi ya ziada kufikia GB 128, hivyo sina tena wasi wasi wa simu yangu kuzidiwa uwezo kwa kutokuwa na nafasi ya kuhhifadhi kumbkumbu na programu mbalimbali
Kwa maelezo zaidi tembelea tovuti ya www.tecnomobile.com/tz

RAIS MAGUFULI AWAPA SOMO MARAIS WA NCHI ZA AFRIKA MASHARIKI,SOMA HAPO KUJUA

Kampala. Rais wa Jamhuri ya Muungano wa Tanzania Mhe. John Pombe Magufuli ametoa wito kwa nchi wanachama wa Jumuiya ya Afrika Mashariki kusimamia vizuri rasilimali walizonazo na kukusanya kodi vizuri ili waweze kutekeleza miradi mikubwa ya ujenzi wa miundombinu na kuimarisha huduma za afya kwa wananchi.
Mhe. Magufuli ametoa wito huo Alhamisi ya leo Februari 22, 2018 jijini Kampala nchini Uganda wakati akichangia katika mkutano wa wakuu wa nchi wa Jumuiya hiyo unaojadili maendeleo na upatikanaji wa fedha kwaajili ya miradi ya sekta ya miundombinu na Afya.
“Mimi naamini tukiamua tunaweza, nchi zetu zina rasilimali nyingi za kuweza kutekeleza miradi mbalimbali ya maendeleo, mathalani tafiti zinaonesha kuwa kama nchi zetu zitaweza kukusanya vizuri mapato ya kodi, zinaweza kutekeleza nusu ya miradi yake ya maendeleo” amesema Rais Magufuli.
Kesho tarehe 23 Februari 2018 Mhe. Rais Magufuli atahudhuria mkutano wa 19 wa wakuu wa nchi wa Jumuiya ya Afrika Mashariki.

SIMBA NA YANGA KUKUTANA NA HAWA KWENYE MICHUANO YA KIMATAIFA,SOMA HAPO KUJUA

Kairo. Shirikisho la soka barani Afrika CAF limeweka wazi ratiba ya mechi mbalimbali ya hatua inayofuata ya michuano ya Afrika katika ligi ya mabibgwa na kombe la shirikisho.
Vilabu vya Tanzania Simba na Yanga vimepangwa kukutana na miamba ya soka toka nchini Misri na Botswana, ambapo kutoka Misri ni timu ya El Masry ambayo watakutana na Simba, huku kutoka Botswana ikiwa ni timu ya Township Rollers ambayo itakutana na Yanga.
Simba na El Masry wanatarajia kucheza mchezo wao wa kwanza katika kombe la Shirikisho kati ya tarehe 6 katika uwanja wa Taifa jijini Dar es Salaam kabla ya timu hizo kurudiana tarehe 16 Machi kwenye uwanja wa Port Said mjini Kairo.
Wao Yanga watakutana na Township Rollers tarehe 7 Machi kwenye uwanja wa Taifa jijini Dar es Salaam huku mechi yao ya marudio ikipangwa kufanyika tarehe 17 Machi kwenye uwanja wa Gaborone.
Timu ya soka ya Simba SC wamefika hatua hii baada ya kuitoa timu ya Gendarmerie Tnare ya Djibouti kwa jumla ya mabao 5-0, wakishinda 4-0 Dar es Salaam na baadaye 1-0 mjini Djibouti City, wakati Yanga imeitoa Saint Louis Suns United ya Shelisheli kwa jumla ya mabao 2-1, ikishinda 1-0 Tanzania na kutoa sare ya 1-1 huko kwenye visiwa vya Shelisheli.

POLISI WAJITOA KWENYE LAWAMA YA KUKAMATWA KWA MWANDISHI WA HABARI WA GAZETI LA RAIA MWEMA,SOMA HAPO KUJUA

Jeshi la polisi mkoa wa Njombe limekana kumkamata mwandishi wa habari Emmanuel Kibiki ambaye anadaiwa kukamatwa majira ya saa tisa usiku wa kuamkia leo Februari 22, 2018  na watu waliojitambulisha kuwa ni jeshi la polisi.

Akizungumza na Chanzo changu Kaimu Kamanda wa polisi mkoa wa Njombe, John Temu amesema kuwa wao hawajamkamata mwandishi huyo na kudai huenda akawa amekamatwa na taasisi zingine ila si jeshi la polisi.

"Hakuna ukweli wowote ule kama kungekuwa na ukweli stori ingekuwa imeshafika kwetu ila inawezekana labda taasisi zingine za upelelezi zinafanya kazi zikawa zimemkamata maana taasisi za upepelezi huwa zinawakamata watu zenyewe, kwa hiyo watu wanapicha tu kuwa mtu akikamatwa basi jeshi la polisi ndilo linakuwa limemkamata.Kwa sababu kama sisi tungekuwa tumemkamata mpaka asubuhi hao polisi wangekuwa wamewasiliana na mkoa kutoa taarifa" alisema John Temu

Februari 22, 2018 zimeibuka taarifa zikidai kuwa mwandishi wa habari wa Makambako amekamatwa majira ya saa tisa usiku na watu ambao walijitambulisha kuwa ni jeshi la polisi lakini upande wa jeshi la polisi wamekataa kuhusika kumkamata mwandishi huyo wa habari.

HAJI MANARA WA SIMBA ATOA NENO HILI KWA MSIBA HUU WA "CANNAVARO" WA YANGA,SOMA HPO KUJUA

Afisa habari wa timu ya Simba SC, Haji Manara amekuwa miongoni mwa watu walioweza kuguswa na msiba uliomfika Nahodha wa Yanga SC, Nadir Haroub 'Cannavaro' leo wa kufiwa na mwanae na kumtaka awe mwenye moyo wa subra.

Manara amefunguka hayo kupitia ukurasa wake maalumu wa kijamii baada ya kupokea taarifa hizo za msiba wa Anwar aliyefariki katika hospitali ya Taifa Muhimbili leo asubuhi wakati akipatiwa matibabu ya maradhi yaliyokuwa yakimsumbua

"Pole sana Cannavaro kwa kufiwa na mtoto wako wa miezi miwili Anwar. Mimi binafsi, viongozi, wachezaji, benchi la ufundi, wanachama pamoja na mashabiki wa Simba tunaungana na Cannavaro katika kipindi hiki kigumu alichonacho yeye pamoja na familia yake kiujumla. Poleni wanayanga wote", amesema Manara.

Kwa upande mwingine, muandishi wa habari hii alipomtafuta Cannavaro kwa njia ya simu amesema japo kuwa yeye yupo njiani kurudi nchini akiwa anatokea Visiwa vya Shelisheli ameruhusu mwili wa marehemu mwanae kuzikwa leo (kuhifadhiwa).

WATEULE WA RAIS MAGUFULI WASUTWA WAZI WAZI,NI KWENYE KUAGWA AKWILINA,PADRI APIGILIA MSUMARI,SOMA HAPO KUJUA

.
Wanafunzi wa NIT wakionesha mabango yenye ujumbe mzito kwa serikali
Wanafunzi wa NIT wakionesha mabango yenye ujumbe mzito kwa serikali
WAZIRI wa Elimu na Mafunzo, Prof. Joyce Ndalichako amesutwa na wanafunzi wa Chuo cha Usafirishaji Tanzania (NIT) baada ya kutaka kuwatetea wauaji wa Akwilina Akwilini. Anaripoti Mwandishi Wetu …. (endelea).
Tukio hilo limetokea leo Alhamisi Viwanja vya NIT, Mabibo jijini Dar es salaam wakati wa kuaga mwili wa Marehemu Akwilina, aliyeuwawa kwa risasi “iliyorushwa na Polisi” Ijumaa iliyopita wakati wa wafuasia wa Chadema walipokuwa wakielekea kwenye ofisi za Msimamizi wa Uchaguzi Kinondoni kudai fomu za viapo.
Chanzo changu kimeshuhudia wanafunzi hao wakinyanyua mabango yanayoashiria kutokukubaliana na utetezi uliokuwa ukitolewa na Prof. Ndalichako kwa niaba ya serikali kuhusiana na kifo cha Akwilini ambaye ni mwanafunzi wa mwaka wa kwanza katika mchuo cha NIT.
Aliyehamsha hisia kali za wanafunzi hao, alikuwa Paul Makonda, Mkuu wa Mkoa wa Dar es Salaam pale alipodai kuwa kifo hakizuiliki na hivyo siku za kuishi za Akwilina duniani zilikuwa zimekwisha.
Maneno hayo ambayo yalionekana kuwakera wanafunzi waliokuwepo viwanjano hapo kwa lengo la kumuaga mwanafunzi mwenzao na kuanza kuibua minong’ono ya chinichini lakini hawajafanya lolote, Makonda alimkaribisha Prof. Ndalichako kuzungumza.
Wanafunzi wa NIT wakionesha mabango yenye ujumbe mzito kwa serikali
Wanafunzi wa NIT wakionesha mabango yenye ujumbe mzito kwa serikali
Prof. Ndalichako alipoanza hotuba yake kulikuwa na utulivu, lakini alitoa kauli ambazo zilikuwa zinaashiria kuwatetea wauaji wa Akwilina, ndipo alipojikuta yupo katikati ya mabango ya wanafunzi hao na kusababisha waombolezaji kuacha kusikiliza anachozungumza na kuangalia kilichoandikwa kwenye mabango hayo.
Wanafunzi walisimama kuonesha mabango yao kwa waandishi wa habari na miongoni mwa ujumbe uliokuwemo kwenye mabango hayo ni ule uliosema, “Tunataka tume huru ya uchunguzi” na mwingine ulisomeka, “Wauaji hawawezi kujichunguza.”
Mbali na mabango hayo ya wanafunzi, lakini Padre aliyekuwa akiongoza misa ya kumuaga marehemu Akwilina, Padre Raymond Mayanga wa Katisa Katoliki Parokia ya Yohana Mbatizaji Mabibo Luhanga, amepigilia msumari baada ya kusema serikali iache ujanja ujanja imtafute aliyempiga risasi iliyosababisha kifo cha Akwilina.
Amesema: “Serikali iache ujanja ujanja. Hiki siyo kipindi cha ujanja ujanja. Hiki ni kipindi cha kufanya toba. Serikali imtafute aliyempiga risasi Akwilina na aombe radhi kwa umma kupitia televisheni.”
Mbali na Akwilina watu wengine kadhaa walijeuruhiwa na risasi na kulazwa katika hospitali mbalimbali ikiwemo Mwananyamala na Muhimbili.

TRA YAGEUKWA,UKAGUZI MALI ZA KAKOBE KUWAPONZA,MAASKOFU WAVUNJA UKIMYA WATOA NENO,SOMA HAPO KUJUA




Dar es Salaam. Mamlaka ya Mapato Tanzania (TRA) imejikuta matatani baada ya wadau, maofisa wa benki na viongozi wa dini kuhoji uhalali wa mamlaka hiyo kuweka hadharani taarifa za fedha za Kanisa la Full Gospel Bible Fellowship (FGBF).

Juzi, TRA ilitoa taarifa ya uchunguzi ilioufanya kuhusu kauli ya kiongozi wa kanisa hilo Askofu Zachary Kakobe aliyoitoa wakati wa ibada ya mkesha wa Krismasi mwishoni mwa mwaka jana kuwa ana fedha nyingi kuliko Serikali.

Kamishna Mkuu wa TRA, Charles Kichere alisema wangefanya uchunguzi kuhusu kauli hiyo, lakini taarifa aliyoitoa juzi ilionyesha kuwa Askofu Kakobe hana akaunti katika benki yoyote nchini bali ni mmoja wa wasimamizi wakuu wa akaunti ya kanisa analoliongoza.

Kichere alisema akaunti za kanisa hilo zipo katika benki ya NBC zikiwa na zaidi ya Sh8 bilioni na zinatokana na fedha za sadaka, zaka na changizo zinazotolewa na waumini.

Kichere alipotafutwa na Mwananchi jana kuhusu hatua ya kutangaza taarifa za kifedha za kanisa hilo alisema taarifa yake kwa vyombo vya habari inaeleweka na inajieleza hivyo hawezi kutoa maoni zaidi.

“Wakati nataka kufanya uchunguzi nilieleza wazi nia yangu, hata baada ya kumaliza uchunguzi niliona ni busara kusema yaliyobainishwa katika uchunguzi, sitaki ‘ku-comment’ (kutoa maoni) zaidi, mjadala wa masuala ya Kakobe ulishafungwa,” alisema Kichere.

Akizungumzia taarifa ya TRA, ofisa mwandamizi wa benki moja nchini ambaye hakutaka utambulisho wake uwekwe hadharani alisema kitendo cha mamlaka hiyo kutoa taarifa za fedha kwa umma ni uvunjifu wa sheria.

Alisema kwa mujibu wa sheria taarifa za kibenki zinapokuwa zinahitajika na vyombo au mamlaka za Serikali zinaweza zikatolewa mahakamani, Taasisi ya Kuzuia na Kupambana na Rushwa au polisi lakini si kwa umma.

Alisema Askofu Kakobe ana nafasi kubwa ya kuwafungulia mashtaka uongozi wa benki na mamlaka iliyotoa taarifa zake kwa umma.

Mkurugenzi mtendaji wa benki (jina limehifadhiwa) alipoulizwa kuhusu utaratibu wa kawaida wa utunzaji wa siri za mteja alisema sheria ya huduma za benki inaelekeza vizuri kuhusu jambo hilo lakini taarifa zinaweza kutolewa kwa mujibu wa sheria kutokana na mazingira na madhumuni fulani.

Alisema hata pale ambapo taarifa zinaonekana ni muhimu kutolewa kwa mamlaka yoyote ya Serikali iliyokidhi vigezo, bado hairuhusiwi kuziweka kwa wazi bali inapaswa kuzitumia kwa kazi yake tu kwa kuwa kuzichapisha kwa namna yoyote ni kuvunja sheria.

“Suala la taarifa za mteja ni siri kubwa ndiyo maana hata ofisa wa benki hana namba ya siri ya mteja. Inapotokea taarifa za mteja zimetolewa halafu zikachapishwa na ile mamlaka iliyopewa taarifa hizo, mteja anaweza akafungua kesi ambayo ni kubwa dhidi ya benki na hiyo mamlaka,” alisema.

Suala hilo halikuwapita viongozi wa dini, kwani nao walikuwa na maoni yao.

Askofu Benson Bagonza wa Kanisa la Kiinjili la Kilutheri Tanzania (KKKT), Dayosisi ya Karagwe alisema hatua hiyo ni mbaya na haikubaliki kwa taasisi za dini.

“Hiyo ni mbaya sana. Kama Askofu Kakobe asingesema kile alichosema asingechunguzwa. Kwa hiyo kama hutaki kuchunguzwa usiseme kitu? Kwa hiyo maisha yetu yanakwenda mbali hadi kwenye mali za kanisa?” alihoji Askofu Bagonza.

Kauli hiyo iliungwa mkono na Mwenyekiti wa Jumuiya ya Kikristo Tanzania (CCT), Dk Alinikisa Cheyo aliyeitaka TRA kufuata maadili ya kazi.

“Nafikiri TRA wana maadili wanaposhughulika na wateja wao. Huwezi kuweka wazi madeni na mali za mteja wako. Si makanisa tu hata wateja wa kawaida, labda ni kwa sababu ya mlolongo wa yaliyotokea.” alisema Dk Cheyo.

MAKOMBORA YA JOHN MNYIKA YAITISHA SERIKALI,WAAMUA KUWAPELEKA MAHAKAMANI HAWA,SOMA HAPO KUJUA


SIKU moja kupita baada ya Naibu Katibu mkuu wa Chama Cha Demokrasina na  Maendeleo (CHADEMA)John Mnyika  kutishia kuwa chama hicbo kitaishtaki serikali ya Rais John magufuli Mahakamani kwa madai ya kuwashikilia wanachama wake bila ya kuwapeleka mahakamani ,hatimaye Jeshi la Polisi limeigwaya kauli hiyo .
Baada ya leo WATU 28, wanaodhaniwa kuwa wafuasi wa (ChADEMA), wamefikishwa Mahakama ya Hakimu Mkazi Kisutu kujibu tuhuma za kukusanyika isivyo halali.

Mbele ya Hakimu Mkazi Godfrey Mwambapa, watuhumiwa hao wote wanadaiwa kuwa Februari 16, mwaka huu huko Kinondoni katika eneo la Mkwajuni lililopo katika Wilaya ya Kinondoni jijini Dar es Salaam, walifanya mkusanyiko usio wa halali kinyume cha sheria.

Mwendesha Mashtaka wakili wa Serikali, Faraji Nguka leo akisoma mashtaka amedai, lengo la mkusanyiko huo wakiwa na nia ya kufanya uvunjifu wa amani na kusababisha taharuki kwa wananchi.

Hata hivyo, washtakiwa wote wamekana kuhusika kwenye tukio hilo na baadhi yao wameweza kutimiza mashati ya dhamana ambayo yamewataka kila mshtakiwa kuwa na mdhamini mmoja atayesaini bondi ya shilingi milioni moja na nusu.

 Kwa mujibu wa upande wa mashtaka upelelezi katika kesi hiyo bado haujakamilika na kesi hiyo imeahirishwa hadi Machine 8, mwaka huu.

Baadhi ya majina ya watuhumiwa hao ni, Tabitha Mkude, Haji Lukwambe, Emmanuel Kimoi, Mohammed Juma, Hussein Mnombo, Abdallah Hamisi, Hussein Kidela, Paulo Kimaro, Brayan Morris, Hussein Nguli na Edina Kimaro.

Wengine ni Fatuma Ramadhani, Asha Kileta, Salha Ngondo, Ally Rajabu, Raphael Mwaipopo, na Athumani Mkawa.

MCHEZAJI OBREY CHIRWA SASA NI PASUA KICHWA NDANI YANGA,AIBUA MJADALA WA MILIONI 150,SOMA HAPO KUJUA



Straika wa Yanga, Obrey Chirwa raia wa Zambia


BAADA ya kuwepo kwa taarifa mbalimbali zikimhusu straika wa Yanga, Obrey Chirwa raia wa Zambia kugoma kuichezea timu hiyo, mwenyewe ameibuka na kutoa msimamo wake ndani ya timu hiyo.

Chirwa aliyejiunga na Yanga msimu uliopita akitokea FC Plati­num ya Zimbabwe, mkataba wake na Yanga unatarajiwa kumal­izika mwishoni mwa msimu huu huku kukiwa na taarifa za Simba kuinyemelea saini yake.

Hivi karibuni, taarifa zilitoka zikidai kwamba, Mzambia huyo ametaka kupewa kitita cha shilingi milioni 150 ili aongeze mkataba ndani ya timu hiyo.

Taarifa za Chirwa kugoma kuichezea Yanga, zilianza wik­iendi iliyopita baada ya jina lake kuondolewa dakika za mwisho kwenye msafara wa timu hiyo ulioelekea Shelisheli kucheza mechi ya marudiano ya Ligi ya Mabingwa Afrika dhidi ya St Louis.

Katika mch­ezo wa kwanza uliopigwa jijini Dar, Yanga iliibu­ka na ushindi wa bao 1-0, ambapo kwenye mchezo huo, Chirwa alikosa pen­alti, huku Yanga ikifunga bao lake hilo kupitia kwa Juma Mahadhi.

Kuachwa kwa Chirwa kwenye msafara huo, kulitolewa ufafanuzi na Yanga kwa kusema kuwa, mchezaJi huyo alipata majeraha kwenye mch­ezo wa mwisho wa Ligi Kuu Bara dhidi ya Majimaji ambao Yanga walishinda mabao 4-1.

Baada ya kuenea taarifa za kugoma kwa Chirwa, juzi Ju­matatu klabu hiyo iliweka katika akaunti yake ya Mtandao wa Kijamii wa Instagram sehemu ya mahojiano na Chirwa.

“Sijawahi kusema wala kumwambia mtu yeyote kuwa nataka 150M kwa ajili ya mkataba mpya, sipendezwi na namna wanavyoni­zushia, nadhani nia yao ni kunigombanisha na wapenzi wa Yanga.

“Niliumia kwenye mchezo dhidi ya Maji­maji, ajabu wanasema nimegoma, huu ni upu­uzi, mimi ni mchezaji wa Yanga, mimi na klabu ndiyo wenye kujua hati­ma yangu ya baadaye, niacheni nicheze mpira,” alisema Chirwa.

SIRI YA MADIWANI WA CHADEMA ARUSHA KUJIZULU HII HAPA, MBUNGE LEMA ATAJWA ,SOMA HAPO KUJUA

Mbunge wa Arusha Mjini, Godbless Lema.
 Madiwani wanaokihama chama cha CHADEMA na kujiunga na CCM wamemtaja mbunge wa Arusha mjini Mhe. Godbless Lema kuwa yeye ndiye chanzo cha wao kukihama chama hicho.
Hayo yamesemwa leo Jumatano Februari 21, 2018 na aliyekuwa diwani wa CHADEMA kata ya Daraja II Mhe. Prosper Msoffe ambaye ametangaza kuachana na chama hicho na kujiunga na CCM.
“chama cha CHADEMA ni chama cha mtu, kwa mfano hapa Arusha, chama cha CHADEMA hapa ni cha Godbless Lema, wanajua mimi nilikuwa Meya halali, lakini walimpa mtu wao Calist” amesema.
Amesema chama hicho hakifuati haki wala kusikiliza watu wasiokuwa na uwezo hivyo yeye ameamua kujiunga na CCM ili kumuunga mkono Rais Magufuli.
Kwa upande wake diwani Obedy Mengorick wa kata ya Terrat jijini Arusha, ambaye nae amejivua uanachama wa chama hicho na kujiunga na CCM amesema chama chake cha zamani ni chama cha hovyo kisichokuwa na dira yoyote ya kuleta maendeleo.
Mapema siku ya leo madiwani Prosper Msofe wa kata ya Daraja II na Obeid Meng’oriki wa kata ya Terrat wote kutoka jiji la Arusha wamekihama chama cha CHADEMA na kujiunga na CCM.

VIONGOZI WA DINI NA WANASIASA WATAKA KUONANA NA RAIS MAGUFULI,SOMA HAPO KUJUA

Image result for picha ya mbatia
Kongamano la viongozi wa siasa na viongozi wa dini lilikoandaliwa na Kituo cha Demokrasia (TCD), limemalizika leo jijini Dar es salaam, huku wajumbe wakipanga kwenda kumwona Rais John Magufuli wakiwa na pendekezo la kukamilishwa kwa mchakato wa Katiba.
Akisoma mapendekezo ya mkutano huo, Mwenyekiti wa TCD ambaye pia ni Mwenyekiti wa NCCR Mageuzi, James Mbatia amesema mbali na Katiba mpya kuna haja ya kujenga taasisi imara za usawa na haki.
"Umoja wa kitaifa utaondoa dosari mbalimbali ambazo hivi karibuni umeleta migogoro. Kuna umuhimu wa kuendeleza mchakato wa Katiba kwa  masilahi ya Taifa," amesema Mbatia.
Ameongeza: "Kituo cha Demokrasia kwa sababu ndio jukwaa la kutolea maoni. Tutafanya mazungumzo na Rais ili ili kuangalia mwelekeo wa jukwaa hili."
Ameitaja mapendekezo mengine kuwa ni kuimarishwa kwa Uhuru wa kutoka maoni na kuwataka wadau wa siasa kujiepusha na siasa za chuki.
Hata hivyo, mjumbe wa CCM katika mkutano huo, Wilson Mukama amesema Katiba mpya siyo kipaumbele cha Serikali ya sasa.
Mukama aliyewahi kuwa katibu mkuu wa chama hicho alitoa mfano wa Kenya alisema licha ya kuwa na katiba mpya imeendelea kuwa na vurugu.

MASIKINI MBUNGE HUYU WA CHADEMA,MTEULE WA RAIS MAGUFULI AMSWETEKA NDANI,SOMA HAPO KUJUA

Mbunge wa Tunduma, wilayani Momba mkoani 
Mbunge wa Tunduma, wilayani Momba mkoani Songwe, Frank Mwakajoka amekamatwa na polisi kisha kuwekwa mahabasu kwa saa 48 kwa kile kinachodaiwa ni amri ya mkuu wa wilaya hiyo, Jumaa Irando.
Akizungumza na Chanzo Changu leo Februari 21, Mwenyekiti wa Baraza la Vijana la Chadema (Bavicha) Mkoa wa Songwe, Ayub Sikagonamo amesema Mwakajoka amekamatwa akiwa kituo cha polisi Tunduma kuitikia wito wa Mkuu wa Polisi wa Wilaya hiyo (OCD) baada ya kumpigia simu kwamba anamhitaji ofisini.
Kamanda wa Polisi Mkoa wa Songwe, Mathias Nyange alisema ‘Nipo nje ya ofisi, in-short’ kisha akakata simu.
Hii ni mara ya pili kwa Mbunge Mwakajoka kukamatwa na kuwekwa mahabusu kwa saa 48 kwa amri ya mkuu huyo wa wilaya. Agosti mwaka jana Irando aliamuru kukamatwa Mwakajoka kwa kile alichodai alitoa lugha ya kumdhalilisha yeye na Serikali ya Mkoa wa Songwe wakati akiwa kwenye mkutano wa hadhara.

WATETEZI WA HAKI ZA BINADAMU WAUNGANA NA KUISHINIKIZA SERIKALI YA MAGUFULI IFANYE HIVI,SOMA HAPO KUJUA

Asasi za Kiraia nchini zimetaka serikali ya Rais John Magufuli iunde Tume huru ya uchunguzi wa kifo cha Mwanafunzi wa NIT, Akwilina Akwiline itakayoundwa na Taasisi za Dini, Vyombo vya Habari, Majaji, Mahakimu, Polisi na Baraza la Vyama vya Siasa.

Akizungumza mbele ya waandishi wa habari, Mkurugenzi Mtendaji wa shirika la Equality for Growth, Jane Magigita amesema kuwa Asasi za kiraia zimesikitishwa na vitendo vya ukiukwaji wa haki za binadamu.

“Tunapendekeza iundwe Tume huru ya uchunguzi itakayohusisha Azaki, Taasisi za dini, vyombo vya Habari, Baraza la vyama vya siasa, wanahabari, Majaji, Polisi, Tume ya Haki za Binadamu na Utawala bora kufanya uchunguzi juu ya vifo na vitendo vya utekwaji na utesaji,”-Magigita

“Pia ni kosa kubwa kuwaachia Polisi kujichunguza wenyewe katika matukio yanayowahusu,” -Magigita

Mbali na hilo, pia ameiomba Serikali itazame upya suala la upatikanaji wa Katiba mpya na mchakato wake uanze mwaka huu kwani ndiyo suluhisho la matatizo mbalimbali yanayotokea katika Jamii kwa sasa.

WIZARA YA KATIBA NA SHERIA YAMMWAGIA SIFA RC MAKONDA,SOMA HAPO KUJUA

Image result for picha ya makonda
HUKU watetezi wa haki za Binadamu wakiwa wanampinga Mkuu wa Mkoa wa Dar es Salaam,Paul Makoda  kwa madai katika utawala wake,anafanya mambo ya   kinyume na haki za Binadamu pamoja na kutofuata sheria za nchi.Mapema siku ya leo Jumanne Februari 20, 2018 wizara ya katiba na sheria imeonyesha kufurahishwa na jitihada za mkuu wa mkoa wa Dar es Salaam, Paul Makonda katika kutoa msaada wa sheria kwa wakazi wa jiji la Dar es Salaam.
Pongezi hizo zimetolewa na katibu mkuu wa Wizara ya Katiba na Sheria Prof. Sifuni Mchome alipomtembelea  Mhe. Paul Makonda ofisini kwake kama ishara ya wizara hiyo kufurahishwa na kazi nzuri ya kutoa msaada wa kisheria iliyofanyika siku chache zilizopita Jijini Dar es salaam.
Mhe. Makonda aliendesha programu ya msaada wa kisheria kwa wananchi wa Mkoa Dar es salaam na wale wa mikoa jirani waliofika kupatiwa huduma hiyo kuanzia siku ya tarehe 29/01/2018 hadi tarehe 3/02/2018 kwenye viwanja vya ofisi za mkuu wa mkoa.
Prof. Mchome amesifu namna ambavyo utaratibu huo ulioanzishwa na kusema umeweza kugundua mianya na changamoto mbalimbali ambazo wananchi wanakutana nazo katika utafutwaji wa Haki zao kupitia vyombo vya utoaji haki.
“Kwa kuona idadi kubwa ya wananchi zaidi ya elfu kumi na sita na takribani wananchi 5600 kupata huduma ya msaada wa kisheria inaonyesha wazi kuwa kuna mahali kuna tatizo katika taasisi na mamlaka za utoaji haki. Hii inatupa alarm sisi watendaji tujitathmini na tuone namna gani inatubidi tubadilike” amesema.
Kwa upande wake Mhe. Makonda amemweleza kwa undani Prof. Mchome jinsi alivyoendesha program hiyo pamoja na changamoto mbalimbali alizozingundua katika baadhi ya sheria hapa nchini, na kushauri zitizamwe upya.
Katika hatua nyingine Prof. Mchome  amemuhakikishia mkuu wa mkoa wa Dar es salaam ya kuwa Wizara ya Katiba na Sheria itatoa ushirikiano wa hali na mali katika muendelezo wa utoaji wa huduma za msaada wa kisheria unaofanywa na serikali ya mkoa huo.

WABUNGE WA CHAMA CHA CUF KUIBURUZA TFF MAHAKAMANI,WASEMA WAMEMLIMA BARUA KALI BOSI WA FIFA AMBAYE ANAKUJA NCHINI ,SOMA HAPO KUJUA


Mnadhimu wa Kambi ya CUF Bungeni Ally Saleh akizungumza na waandishi wa habari jijini Dar es Salaam.
Na Abraham Ntambara, Dar es Salaam
WAKATI Rais wa Shirikisho la Mpira wa Miguu Duniani (FIFA) Gianni Infantino akitarajia kuwasili nchini hivi karibuni,Wabunge wa Chama cha Wananchi CUF wamemuandikia barua ya wazi Rais huyo na  kumwelezea kilio cha Wazanzibar kuhitaji haki yao ya Zanzibar kuwa mwanachama FIFA.

Pia wamesema watafungua shauri mahakamani ili kutafuta uhalali wa kikatiba wa chombo cha Shirikisho la Mpira wa Miguu nchini (TFF) kufanya kazi ya muungano na iizuie TFF kufanya kazi yoyote mpaka uamuzi utakapotolewa.

Hayo yameelezwa na Mnadhimu wa Kambi ya CUF Bungeni ambaye pia ni Mbunge wa Malindi, Zanzibar Ally Saleh alipokuwa akizungumza na waandishi wa habari leo jijini Dar es Salaam kwa lengo la kuufahamisha umma juu  ya barua waliyoandika kwenda kwa rais huyo wa FIFA.

“Sisi wabunge wa wananchi tunathamini juhudi zinazochukuliwa na kuipigania Zanzibar, lakini kuna msemo wa Kiswahili unaeleza ukibebwa ujikaze na pia mwengine unaosema mshike mshike na mwenyewe uko nyuma,”

“Kwa sababu hiyo basi pamoja na mazungumzo ambayo yatafanywa kuendelea kuishawishi FIFA ielewe hali ya Zanzibar basi na sisi tumeona pia tupaze sauti zetu hasa kwa sababu viongozi wa FIFA wapo nchini lakini zaidi kwa sababu rais wa taasisi hiyo yupo nchini, hivyo tumemwandikia barua ya wazi,” amesema na kuongeza Saleh.

Saleh amesema katika barua hiyo wamemweleza mambo siti, mambo hayo ni TFF haiwakilishi maslahi ya Zanzibar, mamlaka ya TFF haijawahi wala hayafiki Zanzibar, muundo wa TFF ni kuwa na vyama vya mikoa, wakati ZFA ina mikoa yake.

Mengine ni TFF haijawahi kuwa na sera ya maendeleo inayohusisha Zanzibar, TFF inasimamia Kilimanjaro Stars na kuifanya timu ya Taifa Stars na mwisho hakuna kikao chochote cha kikatiba baina ya TFF na ZFA.

Amesema pamoja na kwenda mahakamani kutafuta uhalali wa TFF kufanya kazi ya muungano, ametaja mambo mengine watakayotaka kupatiwa ufafanuzi na mahakama ili waweze kufanikiwa kupata haki yao ya uanachama wa FIFA.

Ametaja kuwa ni kuitaka mahakama iwape muongozo juu ya kwa nini pasiwepo chama cha soka cha Tanzania Bara na kutafuta tafsiri ya waziri wa michezo wa Tanzania Bara kutumika kama ni waziri wa muungano ndani na nje ya nchi.
Pamoja na hayo amebeinisha kuwa watatoa hoja binafsi bungeni kuhusu mustakabali ya michezo chini ya utaratibu tata uliopo hivi sasa.

“Tunaamini bila kufanya hatua hiyo hapatakuwa na suluhu kwa sababu hali hii imeendelea kwa muda mrefu na tumekuwa tukijificha kama mbuni kufanya kana kwamba sababu ya Zanzibar kukosa uanachama wa FIFA haitokani na muungano na muundo wake,” ameeleza Saleh.