Uraghbishi Wa TGNP waonyesha mafanikio makubwa kwa walala hoi,

Kazi iliyofanywa na mtandao wa jinsia Tanzania TGNP umeanza kuonyesha mafanikio yake baada ya utafiti wa kiragabishi katika kata za Kiroka,wilaya ya Morogoro vijijini,Kata ya Mondo wilaya ya Kishapu, Kata ya Tembela mkoani Mbeya, Kata ya Nyamaraga Mkoani Mara na Kata ya Mabibo Wilaya ya Kinondoni kuonyesha wazi dalili za mafanikio katika matatizo yao mbalimbali,

Akizungumza na Mtandao huu, Mkurugenzi Mtendaji Wa Mtandao wa jinsia Tanzania, Bi. Lilian Liundi amesema katika tafiti ambazo Mtandao huo umeziendesha umegundua matatizo mbalimbali, ambapo wananchi katika maeneo hayo wameanza kuamka baada ya kuchokozwa na wawezeshaji toka katika mtandao,

KAIMU MKURUGENZI MTENDAJI WA MTANDAO WA KIJINSIA HAPA NCHINI (TGNP) LILLIAN LIUNDI AKIFAFANUA JAMBO KUHUSU MREJESHO WA URAGBISHI ULIOFANYIKA 9-31 MARCH MWAKA HUU. KATIKA URAGBISHI HUO WANANCHI WALIWEZA KUCHOKOZWA NA WAKACHOKOZEKA NAHIVYO KUFANIKIWA KUDAI HAKI ZAO KWA WAKATI.

MWEZESHAJI WA REPOTI INAYOHUSU URAGBISHI ULIOFANYIKA KATIKA VIJIJI VITANO HAPA NCHINI  (MWENYE NGUO NYEKUNDU ALIYESHIKA MAIKI)AKIWASILISHA TAARIFA YAKE KWA WADAU, JUMLA YA MAMBO MBALIMBALI YALIWEZA KUWASILISHWA IKIWEMO FAIDA ZA URAGBISHI ZILIZOPATIKANA KATIKA KATA HIZO TANO

MARJORIE MBILINYI WA TGNP AKIFAFANUA BAADHI YA MAMBO.

Kenny Ngumuo Muwezeshaji katika warsha hiyo akifafanua jambo, Ngumuo anasema hivi ni kwa nini mwanamke anapotaka kujifungua ni lazima abebe ndoo ya kubebea taka maji zake,

Mdau akisikiliza kwa makini hoja za wanaharakati wa kijinsia, katika warshahiyo wadau mbalimbali walisifia hatua ya serikali kupiga marufuku vigodoro, na kusema hatua hiyo imekuja katka wakati muafaka.

Liundi anasema moja ya matatizo makubwa ambayo sasa yanaonekana kupatiwa ufumbuzi baada ya wananachi kuchokoza kudai haki zao, ni pamoja matatizo yaliyo katika sekta ya afya ambayo kila kukicha wananchi hususani ngazi ya jamii wamekuwa wakilalamikia,

Anasema, katika kata ya Kiroka wananchi wamekuwa wakiteseka katika suala la Afya, baada ya watendaji wa huduma ya afya kuwa wakaidi kwa wagonjwa, lakini baada ya zoezi hili la uragabishi wananchi wameweza kuamka na kudai haki zao hatua iliyosaidia kwa watendaji hao wa Afya kuanza kusikiliza vilio vya wanakiroka  kwa  kuwajibika na kuwasikiliza  shida zao,

Utafiti huo , umenda mbele na kuonyesha mafaikio makubwa ambapo hapo awali kabla ya wananchi kuchokozwa ilikuwa ni vigumu kwa jamii hiyo kufanikiwa, Na kutolea mfano wa kata ya Mondo Ambapo wananchi wa kata hiyo kwa mara ya kwanza waliweza kuthubutu  kuandamana na kudai maji safi na salama wakati wa ziara ya Waziri mwenye zamana ya maji hapa nchini Mh. Jumanne magembe

Uragbishi umesaidia Mbunge wa Kishapu kwa mara ya kwanza kufanya ziara ya kikazi katika kata ya Mondo ambayo hapo awali iliachwa solemba na wanachi waliendelea kuteseka bila kutokea kwa mtetezi juu ya shida zao,

Aidha, Mtandao huo wa jinsia hapa Tanzania umefanikiwa kubadili jina la mtaa mmoja katika kata ya mabibo ambalo lilikuwa likimzalilisha mwanamke, kwa mtaa huo kuitwa jina “la maumbile ya sili ya Mwanamke”, na sasa mtaa huo umepewa jina zuri  la “Mji mwema” ambao sasa wakazi wa mtaa huo wameombwa kutumia jina hilo na kuachana na majina ya zamani.

Mtandao wa jinsia Tanzania (TGNP) uliendesha tafiti za uragbishi kuanzia machi 9-31 katika kata tano za Kiroka, Mondo,Tembela, Nyamaraga na Kata ya Mabibo ambapo katika kata hizo, mafanikio mbalimbali yalionekana baada ya wananchi kuchokozwa na kuchokozeka