RAIS WA HUNGARY KATALIN VOVAK ANATARAJIWA KUWASILI NCHINI TANZANIA KWA ZIARA YA KIKAZI

Waziri wa Mambo ya Nje na Ushirikiano wa Afrika Mashariki Dkt Stergomena Tax

Na Mussa Augustine

Rais wa Hungary Katalin Novak anatarajiwa Kuwasili leo na kufanya ziara yake Nchini Tanzania kuanzia July 17 hadi 20 ,2023 ziara hiyo ikiwa ni matokeo ya jitihada ya Rais Dk Samia Suluhu Hassan za Kuimarisha uhusiano wa kidiplomasia na Mataifa mengine.

Hayo yamesemwa leo Julai 17 ,2023 na Waziri wa Mambo ya Nje na Ushirikiano wa Afrika Mashariki Dkt Stergomena Tax wakati akizungumza na waandishi wa habari jijini Dar es salaam nakubainisha kuwa kufanyika kwa ziara hiyo ni moja ya jitihada za Rais Dkt Samia Suluhu Hassan za kuimarisha uhusiano wa kimataifa na kikanda.

Aidha Waziri Tax amesema ushirikiano uliopo kati ya Tanzania na Hungary ni kuinua sekta ya Elimu kwa kutoa nafasi za mafunzo mbalimbali katika nyanja mbalimbali hususania katika sayansi na Teknolojia.

“Ujio wa rasi wa Hungary hapa nchini utaimarisha mashirikiano katika sekta mbalimbaliu ikiwemo sekta muhimu ya elimu,lakini pia tutajadiliana katika maeneo mengine ya uwekezaji” amesema Waziri Tax

Waziri wa Mambo ya Nje na Ushirikiano wa Afrika Mashariki Dkt Stergomena Tax

Kwa upande wake Kamishna wa kitengo cha Fedha za Nje kutoka Wizara ya fedha Rished Bade amesema katika ziara hiyo ya Rais Katalini watajadili juu ya uwekezaji wa kilimo,utangazaji,na uzalishaji wa bidhaa mbalimbali ili kuendelea kuimarisha uhusiano kati ya mataifa hayo mawili.

Mkurugenzi wa kitengo cha habari wizara ya mambo ya nje na ushirikiano wa Afrika Mashariki Balozi Mindi Kasiga amesema ziara hiyo imekuja kutokana na sera mpya nchini Hungary Kwa nchi za Afrika inayolenga Kuimarisha ushirikiano wa kiuchumi ambao ulianza kutekelezwa na Taifa hilo miaka michache iliyopita huku akibainisha kuwa uhusiano wa Tanzania na Hungary ni mzuri tangu enzi za muungano wa Sovieti na kupitia ziara hiyo uhusiano utaimarika .