Mtalaamu Regency awataka wananchi kujenga utamaduni wa kupima afya

 

Mkuu wa uendeshaji wa hospitali ya Regency, Bw. Om Josh akihudumia mteja katika wiki maadhimisho ya magonjwa yasioambukiza, yaliyofanyika viwanja vya mnazi mmoja Jijini Dar es salaam.

Watendaji wa hospitali ya Regency wakiwa kazini katika banda lao, manzi mmoja mapema hii leo.

Watendaji wakiendelea kutoa huduma.

 Na Mwandishi wetu

Hospitali ya Regency imewashauri watanzania kujenga tabia ya kuchunguza afya zao mara kwa mara ili kutambua hali zao kuliko kuendelea kusubiri hadi afya kuteteleka.

Akizungumza katika kilele cha maadhisho ya wiki ya magonjwa yasioambukiza, Mtaalamu na Mkuu wa uendeshaji wa hospitali ya Regency, Bw. Om Josh alisema tabia ya kusubili mpaka kuzidiwa sio nzuri kwani inaweza kuhatarishia maisha.

Josh ambaye alihudhuria pia katika viwanja vya manazi mmoja, alisema wiki ya magonjwa yasioambukiza ilikwenda vizuri na hospitali yake pekee ilifanikiwa kuwapima zaidi ya wananchi 1000, lakini alisisitiza ni vizuri wananchi wakaendelea na utaratibu wa kupima afya mara kwa mara

“Tuko hapa viwanja vya manazi mmoja toka Novemba 12, kwa kweli tumetoa elimu kubwa kwa watanzania wenzetu, tumeweza kuwashauli na kuwapima watu 1000, tunataka kuwaambia kuwa wanapaswa kubadilika wawe wanachunguza afya zao mara kwa mara,” alisema Josh

Katika hatua nyingine mtalaamu huyo wa huduma za afya amewataka vijana kujitokeza kupima kwani kwa muda wote walioutumia katika viwanja hivyo vijana wamekawa na mwitikio mdogo

“unaweza kuwa na mwili mwembamba lakini bado unaweza kuwa na magonjwa yasioambukiza, dawa pekee ni kujitokeza kupima ili kujua afya na kuchukua hatua stahiki,” aliongeza

Aidha akizungumzia sababu za vijana wengi siku hizi kukutwa na magonjwa yasioambukiza, Mtaalamu huyo alisema kikubwa ni ulaji usio na tija,

Alisema watu wengi wamekuwa wakijiachia sana, hawana muda wa kupanga lishe yao matokeo yake wanajikuta wanakuwa na miili mikubwa na wengine kuwa na uzito uliopitiliza na mwishowe kupata magonjwa yasiyoambukiza.

 

Vijana wanajiachia sana, tuache tabia hizi, vinginevyo tutahatarisha afya zetu.

Takwimu za Shirika la Afya Duniani (WHO) zinaonesha kuwa magonjwa yasiyoambukiza yanachangia zaidi ya vifo milioni 41 ambayo ni sawa na asilimia 71 vya vifo vyote milioni 57 vilivyotokea mwaka 2016.

Vifo vinavyotokea nchini vinatokana zaidi na magonjwa ya moyo na shikizo la Damu kwa asilimia 13, kisukari asilimia mbili, saratani asilimia saba na ajali asilimia 11 hali hii kwa ujumla haikubaliki na inatufanya tujumuike katika kujitathimini na kupanga mikakati ya pamoja.