Maadhimisho ya wiki ya magonjwa yasiyo ambukiza yafungwa rasmi, Kunenge awataka viongozi wa umma kuunganisha nguvu katika kuhamasiha jamii kujinga na maradhi hayo

 

Mkuu wa Mkoa wa Dar es Salaam Aboubakar Kunenge akizungumza katika hafla ya kufunga wiki ya maazimisho ya magonjwa yasioambukiza. Katika wiki hiyo mambo mengi yalifanyika ikiwamo wananchi kupata fursa ya kupima bure afya zao. Wiki hiyo ilifanyika katika viwanja vya mnazi mmoja jijini Dar es salaam.

Mkuu wa Mkoa wa Dar es Salaam Aboubakar Kunenge ametoa wito kwa viongozi wa umma kuhamasisha jamii ishiriki shughuli za nguvu, ikiwamo kufanya mazoezi kwa takribani nusu saa kwa siku ili iweze kujikinga na maradhi ya magonjwa yasioambukiza

Vilevile amewwahasisha jamii kuzingatia mlo unaofaa hasa kwa kupunguza ulaji wa chumvi, sukari, na Mafuta kwani vyote hivyo vinasababisha kuenena kwa magonjwa yasioambukiza.

Pia alisema kuondoa tatizo la magonjwa yasioambukiza yanahitaji nguvu ya pamoja baina ya taasisi zote na wananchi kwa ujumla wake ili kuweza kuongeza nguvu ya kuhakikisha magonjwa hayo yanapungua kwa kiasi kikubwa miongoni mwa watanzania.

Hayo ameyabainisha mapema hii leo wakati akifunga wiki ya  Maadhimisho ya Magonjwa yasiyoambukiza iliyoanza Novemba 7, 2020 na kukamilika kwake leo Novemba 14, 2020 katika viwanja vya mnazi mmoja.

Aliseama jamii kwa umoja wao wanapaswa kuunganisha nguvu kuzuia Viatarishi vya magonjwa yasioambukiza lakini pia kudhibiti matumizi ya vilevi kupita kiasi.

“Kwa pamoja inatupasa tuunganishe nguvu zetu katika kuzuia viatarishi pamoja na kudhibiti matumizi ya vilevi kama sigara na pombe na kuhamasisha kushiriki mazoezi” Amesema Kunenge.

Aidha Kunenge amewakumbusha wadau wote kuunda kamati ya pamoja ya uratibu wa Shughuli zote za udhibiti wa Magonjwa yasiyoambukiza ilioagizwa na Waziri Mkuu wa Jamhuri ya Muungano wa Tanzania  Kassim Mjaliwa wakati wa awamu ya kwanza ya uongozi wake ili kuweza kuwa na mwongozo wa pamoja katika kuandaa na kutekeleza mipango na mikakati ya kitaifa kwenye udhibiti wa magonjwa haya.

“Nataka kuwakumbusha mambo muhimu ya kuzingatia ili kujikinga na magonjwa yasiyoambukiza kwa kufanya yafuatayo, kurekebisha ulaji wa vyakula kwa kuongeza ulaji wa mbogamboga, matunda na kupunguza vyakula vyenye mafuta mengi, chumvi na sukari, kufanya mazoezi angalau dakika 30 mara tano kila wiki, kuwa na utaratibu wa kupima afya kila mara ili kuweza kupata matibabu mapema kabla ugonjwa haujaleta madhara makubwa” ameshauri Kunenge.

Maadhimisho ya Wiki ya Magonjwa yasiyoambukiza hufanyika kila mwaka mwezi Novemba ambapo mwaka huu yalizinduliwa Novemba 9,2020 na Katibu Mkuu Wizara ya Afya, Maendeleo ya Jamii, Jinsia Wazee na Watoto Prof. Mabula Mchembe na kuhitimishwa leo Novemba 14,2020 kwa matembezi maalum yaliyoanzia viwanja vya  Klabu ya Leaders na Hospitali ya Taifa ya Muhimbili kuelekea Viwanja vya mnazi mmoja ambayo yalikuwa na kaulimbiu ya: “Wekeza katika kukinga na kudhibiti Magonjwa yasiyoambukiza, Onyesha kwa Vitendo”