Dulla Mbabe, Twaha Kiduku kuzipiga Agost 28,2020

Na Mwandishi wetu,

Ule mpambano uliokuwa unasubiliwa kwa hamu kati ya bondia Dulla Mbabe na Mpinzani wake Twaha Kiduku hatimaye taratibu zake zimekamilika na unatarajiwa kuchezwa Agost 28, 2020 katika uwanja wa uhuru.

Itakumbukwa kuwa kwenye pambano la kwanza kati ya Dulla Mbabe na Twaha Kiduku upinzani ulikuwa mkubwa sana na wengi wanaamini Twaha ndiye aliyeshinda pambano lile japo maamuzi ya majaji yaliamua sare.

Kuondoa utata huo, Promota J msangi ameleta pambano hilo sebuleni kwako, ni mpambano ambao hupaswi kuukosa, ni mpambano wa kumaliza ubishi.

“Siku ya tarehe 28/8/2020 tutashuhudia tena kwa mara ya pili mpambano wa kukata na shoka kati ya bondia Dulla Mbabe na mpinzani wake Twaha Kiduku, wakazi wa Dar es salaam na mikoa ya jirani mjitokeze kushuhudia mpambano huu, itakuwa burudani ya aina yake,” alisema Promota Mssangi.

Ubishi wa nani alishinda pambano la kwanza Sasa utaenda kumalizwa tarehe 28/8 hapo uwanja wa uhuru jijini dar es salaaam. Twaha mara kwa mara amekuwa akilalamika kwamba Dulla amekuwa akimkimbia mara kwa mara kwa kuhofia kupokea kipigo kitakatifu kutoka kwake.

Akizungumza na fullhabari blog, Twaha Kiduku, kijana anayefanya mazoezi chini ya milima ya Ulugulu, ameahidi kurudisha heshima mkoani Morogoro.

“Dulla fanya mazoezi vinginevyo…. Shoo…shoo…shoo..haipingi nitampiga au anipige lakini raundi 12 haziwezi kuisha, mtu mmoja lazima alambe sakafu,” alijinasibu Twaha Kiduku.

Kwa upande wake Bondia Dulla Mbabe naye alitoa kali yam waka baada ya kuahidi kukwata pesa zake katika mkataba wakae aliosaini kucheza pambano hilo ili alipwe Bondia Twaha Kiduku.

Alisema yeye kwa hiari yake ameamua kuruhusu jumla ya Shs. 200,000 kukatwa kutoka fedha yake iliyo kwenye mkataba na amesaini makubaliano hayo kimaandishi mbele ya promota Msangi kuonyesha kuwa hatanii katika dhamira yake hiyo.

Katika mahojiano maalum, Mbabe alisema yeye ni bondia asiyepigika, Nchini China hawamtaki kwa kuwapiga mabondia wao kipigo kitakatifu, lakini pia Twaha sio bondia bali ni bausa atampiga ili arudi akamlinde Babu Tale kwenye ubunge wake huko Morogoro kusini  mashariki.

Mpambano huo unavuta hisia kwa watu tofauti, unatarajiwa kuvuta watu wengi sana.

Sasa mbivu na mbichi zitajulikana siku hiyo , ngoja tuendelee kusubiri.