Veta Pwani yabuni meza yeneye uwezo wa kupasha joto chakula

Mwalimu wa Chuo cha Ufundi stadi Veta Pwani Haji Sinani anayefundisha kozi ya majokofu na viyoyozi, akizungumza na Mwandishi wa habari hizi.

Chuo cha Ufundi stadi Veta Pwani imebuni meza ya aina yake ambayo inauwezo wa kupasha joto chakula  na kuweka baridi katika vinywaji inayoweza kutumiwa sehemu yoyote.

Akizungumzia na FULLHABARI BLOG, katika viwanja vya maonesho sabasaba, Mwalimu wa Chuo cha Ufundi stadi Veta Pwani Haji Sinani anayefundisha kozi ya majokofu na viyoyozi  amesema meza hiyo imebuniwa ili kuondoa adha ya vinywaji kupoa.

Sasa Wamiliki wa migahawa na hoteli huenda sasa wataondokana na ile shida ya baadhi ya vyakula vya wateja kupoa kikiwa mezani au kuganda.

Mbali na kuganda pia huenda wamiliki hao wakavutia wateja wao zaidi kutokana na vinywaji vyao kuendelea kuwa baridi hata kama atakunywa kwa saa zima.

Sinani wazo la kuja na meza hiyo lilitokana na kuona adha wanayopitia watoa huduma ya chakula kulazimika kutumia ‘oven’ katika kupasha chakula kilicho ganda wakati mteja akiendelea kula.

“Hii itawarahisishia wamiliki was mahoteli kufanya mambo yao kwa ufanisi na kuvutia wateja wengi katika shughuli zao wanazofanya,” alisema Sinani

Alisema meza hiyo imefungwa injini ya jokofu chini na kutengenezewa mfumo wa baridi katika matundu maalumu ya kuweka chupa za vinywaji au glasi ili kuweza kuendelea kupoza vinywaji vyao.

Alisema katika utengenezaji wa meza hizo huzingatia zaidi mahitaji ya wateja hivyo huweza kuwa na matundu manne ya kupozea vinywaji na sehemu moja ya kuchemshia chakula au kuongezwa idadi.

“Unaweza kuweka matundu nane ya kupozea vinywaji na matundu mawili ya kuchemshia chakula ni wewe tu kulingana na  mahitaji yako na inatumia umeme kama kawaida,” alisema Sinani

Alisema meza hizo huweza kutumia injini moja ya jokofu au ya zamani kulingana na mahitaji ya mteja huku meza hizo zikiwa tayari kwa ajili ya kuuzika