TRA YAWAPIGA MSASA MADALALI WA BIMA NCHINI,SOMA HAPO KUJUA

Mamlaka ya Mapato Tanzania (TRA) imetoa mafunzo ya siku moja kwa Madalali wa Bima Tanzania yenye lengo la kuwajengea uwezo wa kuifahamu vema Sheria ya Kodi ya Mwaka 2014 ili waweze kushiriki vema na kuondoa kasoro katika ulipaji wa Kodi ya ongezeko la Thamani kutoka Sekta ya Bima.

Kauli hiyo imetolewa na Meneja wa Elimu kwa Mlipa Kodi wa Mamlaka ya Mapato Tanzania (TRA) Diana Masalla wakati wa mkutano waandishi wa habri kwenye semina ya siku moja kwa Madalali wa Bima( Insurance Brokers) ya kuwajengea uwezo kuhusu Kodi ya Ongezeko la Thamani (VAT).

Amesema kuwa mafunzo hayo yamewaelimisha wanachama hao juu ya Kodi ya zuio , utoaji wa kodi ya ongezeko la Thamani (VAT) na jinsi ya kulipa kwa njia ya mtandao(Revenue gateway system). Ameongeza kuwa TRA imekuwa ikitoa mafunzo hayo kwa Wanachama na Mawakala wa Bima kwa sababu kabla ya Sheria ya Mwaka 2014 walikuwa halipi Kodi na hivyo semina hiyo imesaidia wanachama hao kuwa na uelewa mpana juu ya ulipajji wa kodi ya ongezeko la thamani.

 

Kwa upande wa Mwenyekiti wa Chama cha Madalali wa Bima Tanzania Mohamed Jaffer aliipongeza Mamlaka ya Mapato Tanzania (TRA) kwa hatua yake ya kutoa elimu kwa wanachama wake kwani imesaidia sana kuwajengea uwezo ambao utasaidia ulipaji wa Kodi ya Ongezeko la Thamani.

Jaffer ameongeza kuwa ni muhimu sana wanachama wa Chama chake kuelewa vema jinsi ya kujaza na kulipa kodi kwani asilimia 60 ya mapato ya Bima yanatokana na madalali wa Bima kwa kuwa wao ndio wako karibu na wateja kuliko Kampuni za Bima ambazo zinabaki na asilimia 40.

Kati ya fedha hizo asilimia 18 ndio ulipwa kodi ya ongezeko la thamani na kuongeza kuwa kiwango cha makusanyo kwa mwaka huu kinatarajjiwa kuongeza na hivyo kuongeza mapato ya kodi ya VAT.