ads header

Zinazobamba

CHADEMA YAWA MBOGO SASA,YAWASHUGHULIKIA WABAYA WA CHAMA SOMA HAPO KUJUA

20:16:00
CHAMA cha Demokrasia na Maendeleo (Chadema) mkoani Tabora, kimewasimamisha kazi kwa muda usiojulikana Mwenyekiti chama hicho wilaya ya Igunga,Joseph Kashindye na Katibu wake, Idd Athuman.
Akizungumza na waandishi wa habari wilayani hapa Katibu wa Chadema Mkoa wa Tabora, Ally Mwakilima alisema viongozi hao wamesimamishwa uongozi tangu Novemba 30, mwaka huu baada ya kukiuka katiba ya chama hicho.
Alisema kuwa uamuzi ya kuwasimamisha yametolewa na baraza la uongozi la mkoa kupitia chama hicho baada ya viongozi hao wawili kukiuka na kuvunja katiba ya chama ibara ya 10:3(4)(maadili ya wanachama).

Katibu huyo alisema tarehe Novemba 28 mwaka huu, viongozi hao wawili walisimama mbele ya mahakama ya wilaya iliyopo mjini Tabora kutoa ushahidi upande wa mtu aliyeshitaki chama huku wakiwa wanajua wazi kuwa ni kinyume na katibu ya chama ibara ya 10:3 kifungu cha (4) maadili ya wanachama.
Aidha katibu huyo alibainisha kuwa pamoja na kuwasimamisha viongozi hao, pia baraza la chama hicho limemuagiza katibu wa wilaya wa chama hicho, Idd Athuman kukabidhi mali zote za chama kwa katibu wa jimbo la Igunga mbele ya mwenyekiti wake ikiwa ni pamoja na kujieleza ndani ya siku 14.
Athumani na Kashindye wamekiri kupokea barua ya kusimamishwa tangu Desemba 3, mwaka huu yenye kumbukumbu namba CDM/M/TBR/WG/01.
Hata hivyo, Athumani alisema yeye haoni kosa lolote kwa kuwa aliitwa na mahakama kwenda kutoa ushahidi wa mwanachama aliyekwenda mahakamani kutafuta haki ambayo hakupewa na chama.
“Kama kuitwa mahakamani kutoa ushahidi kuwa ni kosa basi katibu wa mkoa hana kosa kunisimamisha uongozi lakini kama si kosa kusimamishwa uongozi kumetoka wapi? alihoji katibu.
Sambamba na hayo katibu huyo alibainisha kuwa yeye ataendelea kuwa mwanachama kwa kuwa chama chake bado anakipenda na hatasita kutoa ushirikiano wakati wowote atakapohitajika.
Kwa upande wao baadhi ya wanachama wa chama hicho ambao hawakutaka majina yao kuandikwa katika gazeti, wamesema viongozi wa mkoa na wilaya wanapaswa kukaa meza moja kwa kuwa viongozi wao Athumani na Kashindye hawaoni kosa walilofanya kwani wao waliitwa na mahakama.