MEYA WA UKAWA ILALA AMZUNGUMZIA HAYATI MWALIMU NYERERE KWA KINA,SOMA HAPO KUJUA

Pichani ni Meya wa manispaa ya Ilala,Charles Kuyeko

NA KAROLI VINSENT

Wakati kesho tarehe 14-10-2017, Tanzania inatimiza miaka 17 baada ya kifo cha mwasisi wa Taifa hili,Hayati baba wa Taifa Mwalimu Julias Nyerere kututoka Duniani.

Viongozi mbali mbali  wamekosoa hali ya sasa ya nchi kwa kusema matendo yanayotendwa na wananchi pamoja na viongozi hayaendani na matendo aliyokuwa anayetenda Mwalimu Nyerere enzi za utawala wake kwenye miaka ya 1961 hadi 1985.

Wamesema matendo hayo ni kuwa na uzalendo na Taifa,kubuni mipango ya mendeleo pamoja na kupambana na maadui watatu,yaani ujinga,maradhi na umasikini.

Meya wa Manispaa ya Ilala Jijini Dar es Salaam,Charles Kuyeko amemzungumzia kwa kina Mwalimu Nyerere na matendo yake leo jijini hapa wakati alipokuwa anszungumza na waandishi wa habari ofisi kwake, kuelekea siku ya kesho.

Amesema kwa sasa Watanzania wamekosa uzalendo ambao alikuwa ametuachia baba wa Taifa hili,

“Namfahamu Mwalimu Nyerere alikuwa mzalendo na nchi yake na alitufundisha watanzania kuwa wazalendo na kuipenda nchi hii,ila kwa sasa kumekuwa na mmonyoko mkubwa kwa watanzania kutokuwa na uzalendo,kuacha misingi aliyotuwekea ya upendo na nchi,”amesema Kuyeko.

Kuyeko, amesema Mwalimu Nyerere aliwafundisha watanzania katika kuipenda nchi yao ili kuweza kuiilinda na kuwafichua maadui wanchi yetu ila amedai kwa sasa Watanzania wamekuwa wakifumbia macho waharifu na kushindwa hata kuwalipoti kwenye Mamlaka husika hatua hiyo anaiita ni ya kukosa uzalendo.

Meya huyo wa Chama cha Demokrasia na Maendeleo Chadema ambaye anaungwa mkono na Vyama vinavyounda Umoja wa kutetea katiba ya wananchi (UKAWA) amesema sanjari na uzalendo alikuwa nao Mwalimu Nyerere katika utawala wake pia aliweza kutatua tatizo vijana kukosa ajira baada ya kuanzisha viwanda,makampuni mbali mbali.

“Kipindi cha Mwalimu suala la ukosefu wa jajira lilikuwa halipo,kwani Mwalimu alibuni ajira mbali mbali ikiwemo kuanzisha Viwanda vingi,kulikuwa na viwanda vya kutengeneza nguo kila kona,pamoja na kuanzisha Mashirika ya umma,”amesema Kuyeko,

Amedai hata hali ya wazazi kipindi hicho kuwapeleka watoto shule ilianza kuwepo baada ya wazazi hao kuamini watoto wao wakimaliza kazi watapata ajira kwenye viwanda na Makampuni Jambo analodai ni  tofauti na sasa kwani watu wengi wanamaliza vyuo vikuu wanakosa ajira kutokana na viwanda vingi kufa huku mashirika ya umma yakiwa katika hali mbaya.

Pia meya huyo amezungumzia dhana ya utawala wa awamu ya Tano chini ya Rais John Magufuli dhana ya “Hapa kazi tu” kwa kusema dhana hiyo itatimia endapo wakifanya kazi kwa vitendo kama alivyofanya Mwalimu Nyerere katika kulitumikia Taifa.

Pamoja na hayo,Meya huyo  ambaye amesifika kwa kipindi kifupi alichoingia madarakani ndani ya manispaa ya ilala kwa hatua yake ya kusimamia vizuri mapato ya Halmashauri hiyo pamoja na kuhakikisha madiwani wanapitisha bajeti yenye kuwajali wananchi, ameitaka Jamii kufuata yale mambo mazuri aliyoyafanya mwalimu nyerere kipindi cha utawala wake.