Waziri Mkuu azindua Vituo vya Huduma za Pamoja

 

Waziri Mkuu Kassim Majaliwa akizungumza katika hafla ya uzinduzi wa huduma za pamoja

Waziri Mkuu Kassim Majaliwa amezindua  Vituo vya Huduma Pamoja (One Stop Centre Services) vya Shirika la Posta Tanzania(TPC) na kuziagiza taasisi za umma ambazo hazijaanza kutumia huduma za vituo hivyo kuanza kutoa huduma katika vituo vinavyopatikana ndani ya shirika hilo katika mwaka wa fedha wa 2021/22.

Maagizo hayo ameyatoa leo jijini Dar es Salaam katika Hafla ya uzinduzi wa vituo hivyo na kubainisha kuwa ni sehemu ya utekelezaji ya Maelekezo ya Rais Samia Suluhu Hassan inayoakisi Ilani ya Chama cha Mapinduzi (CCM) ya mwaka 2020 na kwamba lengo la Serikali kuona mchango wa sekta ya habri mawasiliano unachangia uchumi pamoja na kuongeza ajira kwa wananchi huku akizielekeza taasisi zinazotoa huduma kuweka vituo vya huduma kwenye shirika hilo.

' Nazielkeza taasisi zinazotoa huduma zijiunge na huduma hii Ofisi ya Rais na utumisi wa umma hakikisheni  taasisi zote zinajiunga na kuanza kutumia, vituo hivi vitasaidia watu kuinua vipato na kuchocha maendeleo ya nchi," amesema Waziri Majaliwa.

Amezitaja baadhi ya taasisi hizo ni Kituo cha Uwekezaji Nchini (TIC), Mamlaka ya Dawa na Vifaa Tiba,( TMDA ), Maeneo Maalum kwa Uwekezaji kwa Mauzo ya Nje (EPZA), Baraza la Taifa la Uhifadhi na Usimamizi wa Mazingira (NEMC), Shirika la Viwango Tanzania (TBS), Tume ya Ajira na  Wizara ya Ardhi, Nyumba na Maendeleo ya Makazi.

Ametoa wito kwa wananchi kujitokeza kwa wingi  kupata huduma hiyo katika vituo vilivyoanza kazi katika Ofisi Kuu za Posta za Dar es Salaan na Dodoma kwani kufanya hivyo kutawapunguzia  msongamano katika ofisi za taasisi pamoja na kuokoa muda wa kupata huduma.

Amesisitiza kuwa kuanzishwa vituo hivyo ni mageuzi makubwa ya shrika hilo lenye ofisi 350 nchi nzima hivyo na kwamba vitawapunguzia wananchi changamoto ya kutembe ofisi ya taasisi zaidi ya moja kufuata huduma.

Waziri Majaliwa amewasihi na kuwahimiza watumishi wa shirika la posta kufanya kazi kwa weledi na kumpa ushirikiano Kaimu Postamasta Mkuu ili wafikie malengo waliyojiwekea kuyatimiza.

Kwa upande wake, Waziri wa Mawasiliano na Teknolojia ya Habari Dkt. Faustine Ndungulile ameishukuru Serikali kwa kutoa Sh Bilioni 3.9 kwa ajili ya kuboresha shirika hilo kwa mfumo wa kidijitali na kwamba watapokea fedha nyingine Sh Bilioni 3.9 ambazo zitakwenda kuboresha mfumo huo.

Waziri Dkt. Ndungullile amesema wizara hiyo imedhamiria kufanya mabadiliko ndani ya shirika hilo hasa kwa katika mwonekano mpya, mwelekeo mpya lengo likiwa kuifanya posta kuwa kitovu cha biashara.

Pia amesema ifikapo mwaka 2025 kutakuwa na dirisha moja lenye huduma za taasisi zote huku akiwaomba wanahabari na viongozi wakawe mabalozi wa kuvitangaza vituo hivyo kwa jamii ifahamu kuwa posta imeshaaza kutoa huduma ya vituo hivyo.

Naye Kaimu Postamasta Mkuu, Macrice Mbodo amesema  mradi wa vituo hivyo ni sehemu ya mradi ya Tanzania ya Kidijitali na kwamba tayari Serikali imeshatenga Sh Bilioni 49.5 kuhakikisha unafika nchi nzima.

Kaimu postamasta MKuu huyo amesema awamu ya kwanza inahusisha vituo 10 katika mikoa ya Dar es Salaam, Dodoma, Arusha, Mbeya, Morogoro, Tanga, Mwaza, Kigoma, Mjini Magharibi, na Pemba (Chake Chake).

Mbodo amebainisha awamu ya pili ya vituo hivyo itaanza Januari 2023 na kukamilika  mwezi Juni mwaka 2024 ukihusisha kuuganishwa vituo 17 kwenye dirisha moja kwenye mikoa ya Pwani, Iringa, Songwe, Rukwa,Njombe, Kilimanajro, Tabora, Lindi, Kagera, Simiyu, Manyara, Katavi na Geita.

 

Pia amefafanua kuwa awamu ya tatu ya vituo vya huduma pamoja itaanza mwezi Julai 2024 na kukamilika mwaa 2025 huduma zitakuwa katika dirisha moja kuwasaidia wananchi kupata urahisi na kutopeteza muda.

 

Amezitaja huduma zilizoanza kutolewa katika Vituo vya Dar es Salaam na Dodoma ni Utoaji wa Leseni za Biashara (TRA), usajili wa vifo na vizazi (RITA), uhamiaji, usajili wa makampuni na majina ya biashara (BRELA), Vitambulisho vya Taifa (NIDA), huduma za wastaafu (NSSF na PSSF) pamoja na huduma za halmashauri.

Katika hatua nyingine amesema wanajipanga kimkakati chini ya wizara husika kutelekeza vipaumbele vinne kuimarisha eneo la usafirishaji wa mizigo na vifurushi, uwakala na uuzaji wa fedha, biashara mtandao kupitia duka la mtandao na posta kiganjani iatakayotoa fursa kwa mteja kufahamu mwenendo mzima wa mzigo wake.

Naibu Katibu Mkuu Ofisi ya Rais, Utumishi na Utawala Bora, Dkt. Francis Michael ameipongeza Serikali ya Awamu ya Sita kwa kuanzisha vituo hivyo kwani vitasaidia utaoji wa huduma kwa watja wa shirika la posta na taasisi.

Mwenyekiti wa Kamati ya Kudumu ya Bunge ya Miundo Mbinu Selemani Kakoso ameiomba serikali kufuatilia deni la Sh Bilioni 3 la taasisi zinazodaiwa na posta zilipwe ili shirika liweze kusimama kiundeshaji.

Katibu Mkuu -Umoja wa Posta Afrika, Sifundo Moyo ameipongeza Serikali kwa kufanya maboresho ndani ya shirika hilo hsa posta ya kidijitali hivyo umoja huo utaendelea kushirikiana na Posta.

Mkuu wa Mkoa wa Dar es Salaam, Amos Makalla amempongeza Mbodo kwa uanzishaji wa huduma za vituo hivyo na kubainisha kuwa vimekuja wakati mwafaka hivyo ofisi ya mkoa itatoa ushirikiano kuhakikisha vinafanya kazi.