Miss Kanda ya Mashariki kuondoka na million 2 pamoja na crown

 

Mwandishi wetu

Maandalizi ya Shindano la Miss Tanzania Eastern Zone yamekamilika, kilichobaki ni kumtambua nani ataibuka kidedea na kujinyakulia zawadi nono hiyo septemba 24 huko mkoani Morogoro.

 

Akizungumza jijini Dar es Salaam Mkurugenzi wa kampuni ya Tips Forum, Mhandisi Nancy Matta amesema mbali ya kuibuka na zawadi mshindi pia atapata fursa ya kuwakilisha katika mashindano ya kitaifa ya Miss Tanzania.

Alisema mpaka wanafika kuwashindanisha katika ngazi ya kanda, tayari washiriki mbalimbali walishindana kuanzia ngazi ya mkoa.

Alisema mwaka huu wamejipanga vizuri zaidi kuhakikisha shindano hilo linakuwa la kipekee zaidi ili kupata mshindi ambae anaweza kunyakua taji la Miss Tanzania na kuiwakilisha nchi vizuri

 

"Mashindano ya mwaka huu yanatarajiwa kufanyika katika hoteli ya Morena ambapo mshindi wa kwanza atapata kitita cha shilingi milioni 2, mshindi wa pili sh milioni 1.5  na mshindi wa tatu atajinyakulia kitita cha sh milioni 1"

 

Aidha Mhandisi Nancy aliongeza kuwa lengo kubwa la shindano hilo ni kukuza sekta ya urembo na kuutangaza utalii ndani na nje ya nchi.

 

Kwa upande wake moja ya wadhamini wa shindano hilo Bodi ya Taifa ya utaliii (TTB), BI Maria Mafie alisema wameamua kudhamini mashindano  hayo ya ulimbwende ili kuweza kukuza na kutangaza sekta ya utalii ndani na nje ya nchi.

 

Nae afisa masoko hoteli ya Dynasty Beach ambayo washiriki wa kinyanganyiro hicho wameweka kambi Bw. Charles alisema wataendelea kuunga mkono mashindano hayo na ana imani mshindi ataweza pia kuibuka na taji katika mashindano ya Miss Tanzania.

 

Kwa upande wake Meneja mauzo wa hoteli ya Serena Bw. Shaban  Kaluse alisema kuwa wameamua kuwa sehemu ya wadhini wa mashindano hayo wakiamini kuwa yatakuwa chachu ya kuutangaza utalii wa Tanzania.

 

Miss Tanzania Eastern Zone ldhaminiwa na makampuni mbali mbali ambapo mdhamini mkuu mwaka huu ni chanel ya Utalii ya  Taifa (Tanzania Safari Channel) ya shirika la utangazaji Tanzania (TBC).