Wamachinga watoka wakicheka, Wasema RC Makala amejua kuwaheshimisha

 

Mkuu wa Mkoa wa Dar es salaam Mhe. Amos Makalla leo September 16 amefanya kikao Cha pamoja na uongozi wa Machinga Mkoa wa Dar es salaam kuhusu njia Bora ya Kuwapanga Machinga Jijini humo.

Katika kikao hicho Uongozi wa Machinga umepongeza hatua ya RC Makalla kutumia njia ya shirikishi Jambo lililotoa fursa kwa Machinga kuwa huru kutoa maoni na mapendekezo mbalimbali yenye mrengo wa kufanikisha maelekezo ya Serikali.

Akizungumza Katika kikao hicho RC Makalla amefurahi kuona kikao hicho kimemalizika kwa Mafanikio makubwa ambapo ameahidi kushughulikia mapendekezo yote yaliyotolewa kwa kushirikiana na Wakuu wa Wilaya.

Aidha RC Makalla amesema miongoni mwa maeneo atakayoanza kuyafanyia kazi ni pamoja na kuwapanga Machinga waliojenga Vibanda juu ya Mitaro na mifereji, Wanaofanya biashara Kwenye njia za watembea kwa miguu, wanaofanya biashara mbele ya Maduka, wanaofanya biashara Kwenye hifadhi ya Barabara na wanaofanya biashara mbele ya Taasisi za Umma zikiwemo shule.