GULAMALI ATEULIWA KUWA MJUMBE WA KAMATI YA PAAC...MWENYEWE AAPA KUTANGULIZA UTAIFA KWANZA

Mbunge wa jimbo la Manonga wilayani Igunga mkoani Tabora Bw. Seif Khamis Gulamali (CCM) akiwajibika Jimboni mwake, Gulamali amepata fursa ya kuwa miongoni mwa wajumbe wa kamati ya hesabu za serikali ya Mitaa (PAAC)

 

Mbunge Gulamali akiwajibika pamoja na wapiga kura wake, Gulamali kwa muda mchache aliokaa madarakani amekuwa ni kipenzi cha wengi jimboni Manonga.

Mbunge huyo ameandika katika Ukurasa wake wa Facebook "Nakushukuru Mwenyezi Mungu kwa kuweza kuchagulia kuwa Mjumbe wa Kamati ya Hesabu za Serikali za Mitaa (LAAC).Sasa nimepata nafasi ingine ambayo nitaweza kulisaidia Taifa langu kwani ninaamini juu ya Uwajibikaji zaidi, kwa wale waliozoea kufanya kazi kwa Mazoea wakae mkao wa Kutumbuliwa tu hakuna namna ingine ya kuwasaidia." baada ya kufanikiwa kupata nafasi hiyo.

JITIHADA ZA GULAMALI JIMBONI MANONGA

Gulamali ameziba bwawa la Maguliati katika kata ya Ziba na kutengeneza mitaro ya maji kwa ajili ya kilimo cha umwagiliaji wa zao la mpunga linalotegemewa na wakazi zaidi ya 600 katika kata ya Choma, pamoja na kushiriki ujenzi wa choo katika shule ya msingi Njia Panda kata ya Nkinga.

Mbunge huyo aliyeshinda katika uchaguzi mkuu wa mwaka jana kwa kura 31,485 sawa na asilimia 67.65% alianza kwa kuwashukuru wananchi wake kwa kuzunguka katika kata zote 19 na kuanzisha ligi ya mpira katika vijiji 68 na kutoa jezi pamoja na mipira kwa kila kijiji.

Aidha Gulamali amewaomba wananchi wake kuonesha ushirikiano wa hali ya juu ili aweze kutekeleza vyema kazi waliyomtuma ya uwakilishi na watarajie mabadiliko na maendeleo makubwa katika jimbo lao.