SAKATA LA WANAFUNZI KUKOSA MIKOPO,TAHLISO YASEMA MAZITOSOMA HAPA KUJUA ZAIDI

PICHANI NI Mwenyekiti wa TAHLISO, JUMUIYA ya Wanafunzi wa Vyuo vya Elimu ya Juu (TAHLISO(Picha na Maktaba)

               

Na Shehe Semtawa

    JUMUIYA ya Wanafunzi wa Vyuo vya Elimu ya Juu (TAHLISO), imesema ifikapo Oktoba, haitakuwa tayari kusikia kuna mwanafunzi amekosa fedha za ada kwa kuwa serikali haina fedha.

    Akizungumza na wandishi wa habari jijjini Dar es Salaam mwishoni mwa wiki Mwenyekiti wa TAHLISO, Musa Mdede alisema ni aibu kwa wanafunzi kukosa fedha huku serikali ikiendelea kuwalipa posho            wajumbe wa Bunge la Katiba.

          Alisema uongozi wa jumuiya hiyo umetoa msimamo huo baada ya kubaini kuwa fedha nyingi zinapotea kwenye bunge hilo ambalo vikao vyake ni sawa na kupoteza muda.

          “Tunaelekea Oktoba, vyuo vyote vya elimu ya juu vinaelekea kufunguliwa, wanafunzi wanatakiwa kuwa na fedha za kujikimu na ada… lakini kwa upuuzi unaondelea Dodoma, TAHLISO hatitakubali kusikia Hazina hakuna fedha za kuwapa wanafunzi,” alisema.Alisisitiza kwamba wana jumuiya hiyo wataandamana endapo serikali itashindwa kuwalipa fedha hizo kwa wakati.

             Kamishna wa TAHLISO Kanda ya Mashariki, Elihuruma Himida aliitaka serikali kuwapatia mkopo wanafunzi wote 58,037 waliomba.

           ‘Hatukubaliani na uamuzi wa serikali wakuwapatia mkopo wanafunzi 30,000 pekee huku wengine 28,037 wakikosa… sisi tunaitaka iwapatie wanafunzi wote wanaostahili tena kwa wakati, hili la kusema haina fedha ni ubabaishaji tu,” alisema Himida.

           Himida, alisema mwaka 2010 serikali ilipandisha kiwango cha fedha ya kujikimu kutoka sh 5,000 hadi sh 7,500 kutokana na kuongezeka kwa gharama za maisha fedha hizo hazitoshi hivyo ni vema wakaongeza na kuwa sh 15,000 kwa siku