BODI YA MIKOPO ELIMU YA JUU HOI KIFEDHA,WAZIRI KAWAMBA AJIKANA NA KUIBEBESHA MZIGO WA LAWAMA BODI SOMA HAPA KUJUA ZAIDI

 Na Karoli Vinsent

BODI ya Mikopo ya Elimu ya Juu (HESLB) hiko katika hali mbaya ya Kifedha ambayo imepelekea wanafunzi 28,037  kati ya wanafunzi wote 58,037 waliomba katika mwaka 2014-2015 kukosa mkopo,kutokana na Bodi hiyo kushindwa kukusanya Fedha.

                Hayo yamesemwa leo Jijini Dar es Salaam na, Waziri wa Elimu na Mafunzo ya Ufundi,Shukuru Kawabwa wakati akizindua Bodi Mpya ya Watendaji wa Bodi ya Mkopo nchini,ambapo Mbali na Kuizindua Bodi hiyo Waziri huyo alisikitishwa kwa Bodi hiyo kushindwa kukusanya fedha kutoka kwa wanafunzi wanaomaliza vyuo Vikuu Nchini kwani  kushindwa kufanya hivyo kumepelekea Bodi kuwa katika hali mbaya Kifedha.

            “Yaani hili ni jambo la Kushangaza Bodi ya Mikopo ina zaidi ya miaka tisa imeshindwa hata kuwatambua watu inayowadai,na sijui kwanini, maana mnashindwa kutambua kiini cha haya matatizo,maana mwaka jana kwenye makusanyo yenu mmekusanya Bilioni 7 tu,harafu mwaka huo huo mmepewa pesa zaidi ya Bilioni 300,kwa mfumo huu ndio mnapelekea wanafunzi kukosa mikopo”alisema Kawabwa

      Waziri Kawabwa alizidi kusema Bodi hiyo imekuwa ikifanya kazi kitaratibu sana kutokana na kushindwa hata kuwashawishi makampuni binasfsi ikiwemo Banki mbalimbali katika kuwakopesha wanafunzi masikini nchini na kuwataka kutafutafuta ufumbuzi wa tatizo hilo.

         Kwa upande wake Kaimu Mkurugenzi wa Bodi hiyo Mpya ya Mkopo  Dokta Charles Kimei alisikiti kwa utendaji kazi wa Bodi na kusema kwa mfumo huo hakuna hata sekta binafsi hususani mabanki watakaoikopesha Bodi hiyo.

“Mimi nashukuru sana kuchaguliwa kwenye Bodi hii mpya ya wakurugenzi wa Bodi ya Mkopo nchini ila changamoto za Bodi ya Mkopo ni kubwa sana nakuhakikishia Waziri nitazishughulikia hususani kwenye makusanyo kutoka kwa wanafunzi wanapomaliza Vyuo Vikuu,harafu hata hili la Mabanki kushindwa kuikopesha bodi hii inatokana ubovu katika ukusanyaji Fedha yaani unakusanya asilimia 7 tu kwa mwaka unatamshawishi Banki gani ije kukopesha Bodi hii”alihoji Kimei.

          Kazinduliwa kwa Bodi hii mpya kunazidisha maswali kutoka kwa Jamii kutokana na Bodi hiyo kutangaza Rasmi kwamba Wanafunzi 28,037  kati ya wanafunzi wote 58,037 waliomba katika mwaka 2014-2015 kukosa mkopo,

          Kauli hiyo ya Bodi ya Mkopo ndio ikawafanya  JUMUIYA ya Wanafunzi wa Vyuo vya Elimu ya Juu (TAHLISO), Kusema ifikapo Oktoba, haitakuwa tayari kusikia kuna mwanafunzi amekosa fedha za ada kwa kuwa serikali haina fedha.

        Akizungumza na wandishi wa habari jijjini Dar es Salaam mwishoni mwa wiki Mwenyekiti wa TAHLISO, Musa Mdede alisema ni aibu kwa wanafunzi kukosa fedha huku serikali ikiendelea kuwalipa posho            wajumbe wa Bunge la Katiba.

          Alisema uongozi wa jumuiya hiyo umetoa msimamo huo baada ya kubaini kuwa fedha nyingi zinapotea kwenye bunge hilo ambalo vikao vyake ni sawa na kupoteza muda.

          “Tunaelekea Oktoba, vyuo vyote vya elimu ya juu vinaelekea kufunguliwa, wanafunzi wanatakiwa kuwa na fedha za kujikimu na ada… lakini kwa upuuzi unaondelea Dodoma, TAHLISO hatitakubali kusikia Hazina hakuna fedha za kuwapa wanafunzi,” alisema.Alisisitiza kwamba wana jumuiya hiyo wataandamana endapo serikali itashindwa kuwalipa fedha hizo kwa wakati.