YUHOMA yashauri wazazi kufika kwenye maonyesho ya vyuo vikuu

 

Mkurugenzi wa Kampuni ya YUHOMA education Ltd Yusuph Yahaya akizungumza na Fullhabari Blog viwanja vya Mnazi mmoja

Mkurugenzi wa Kampuni ya YUHOMA education Ltd Yusuph Yahaya ametoa wito kwa wazazi/walezi kuhakikisha wanambana na vijana wao kwenye maonesho ya vyuo vikuu ili kuwasaidia kwenye kufanya maamuzi yenye tija

Pia alisema ni muhimu wazazi kujiridhisha kwani fedha wanazotoa ni uwekezaji mkubwa unaopaswa kuzaa matunda hapo baadae.

Alisema, uzoefu wao unaonyesha wanafunzi wengi wanafika katika mabanda wakiwa hajaui vizuri kitu gani wanataka lakini wakiwa na mzazi inakuwa rahisi kufanya maamuzi ambayo hawatakuja kujutia.

“Kikubwa tunachofanya ni kutoa ushauri kwa wanafunzi, tumegundua kuwa elimu ni uwekezaji bahati mbaya sana kuna wanafunzi bado hawana taarifa sahihi ya wanachokitaka, wengi wao hawana washauri katika maeneno yao ndio maana tumeona ni vizuri tukawasaidia watanzania wenzetu kuchagua fani za ndoto zao,” alisema

Alisema wanaamini mwanafunzi akishauriwa vizuri kesho na kesho kubwa atakuwa msaada kwa jamii inayomzunguka kwani dunia inahitaji wasomi, nchi inahitaji wasomi kwa ajiri ya maendeleo ya kiuchumi.

“Mwanafunzi anaweza kutamani kuwa Daktari wa binadamu lakini chuo gani asome ndio tatizo.

Aliongeza kusema wao ni wadau wa elimu, kazi yao kubwa ni kuwakumbusha wanafunzi kuwa kuna kozi ambazo zinapewa kipaumbele katika nchi lakini pia zipo ambazo hazina kipaumbele.

“Wanafunzi wakija katika banda letu tutaangalia alama zao za ufaulu na kumshauri vizuri kuhusu kozi itakayomsadia mbele ya safari,” alisema.

 

Katika hatua nyingine, Mkurugenzi huyo amewashauri wanafunzi kusoma kozi zenye kuhitajika kwani kufanya hivyo kutasadia kutatua changamoto mbalimbali ikiwemo uhaba wa ajira ambao kwa sasa ni janga la taifa.

Mkurugenzi huyo ambaye anasimamia Kampuni inayojihusisha na Ushauri wa Wanafunzi wanao taka kusoma Elimu ya Juu nje ya mipaka ya Tanzania alisema ni elimu ni uwekezaji hivyo ni lazima ulete matokeo.

Yusuph ambaye alikuwa akizungumza hayo katika Banda lao la Maonesho ya 17 ya Tume ya Vyuo vikuu Tanzania TCU, yanayo endelea Viwanja vya Mnazi moja Jijini Dar es salaam, alisema kumaliza changamoto ya utegemezi ni lazima ushauri sahihi kwa wanafunzi ufanyike.

Wakati huo huo Ameto wito kwa Wazazi na Walezi kuhakikisha waweze kutembelea banda la Yuhoma Educational LTD ili waweze kupata Ushauli wa kitalaam kwa Watoto wao kuhusu kozi watakazo wekeza ziwe zenye kuajirika na kujiajiri wao na wengine wanaowazunguka. 

Pia alisema kuwa kama Wadau wa Elimu wataendelea kuwakumbusha Wanafunzi kuacha kuchukua kozi ambazo wao hazina na wachukue kozi zenye Uhitaji ndani ya nchi na nje ya nchi.

Bwana Yahaya alimalizia kwa kushauli Serikali kupitia Wizara ya Elimu Sayansi na Teknolojia kuweza kukutana na Wadau wa Elimu hapa nchini  kuzungumzia adha zina wakumba  ili ziweze kutatualiwa  na kuleta ufanisi katika kuendele  Elimu ya Tanzania.