VETA: ndizi Kitarasa ni muhimu kwa afya ya akili na kujenga mwili

Mkuu wa mafunzo ya huduma za ukarimu kutoka CHUO cha VETA cha Njiro Bw.Robinson Mwaikuju akionyesha Ndizi aina ya Kitarasa

Mkuu wa mafunzo ya huduma za ukarimu kutoka CHUO cha VETA cha Njiro akionyesha mkate wa Ndizi ya Kitarasa 

Zao la ndizi ni moja ya chakula muhimu sana katika baadhi ya mikoa hapa nchini, Nchini Tanzania mikoa inayoshughulika na kilimo cha ndizi kwa wingi ni pamoja na Kagera, Kilimanjaro, Mbeya, Arusha, Manyara, Mara, Tanga, Morogoro, Kigoma, na Pwani.

Zao la kitarasa

Ukienda mjini Kilimanjaro, moja ya ndizi wanazozalisha kwa wingi ni ndizi aina ya Kitarasa, zao hili limekuwa maarufu sana kutokana na utomvu wake. Licha ya ukweli kuwa wanazalisha ndizi hizi, wengi wamekuwa hawazitumii kama chakula.

Sababu kubwa ya kutotumika ndizi hizi ni utomvu wa ndizi hizi,kutokana na hali yake ya utomvu ndizi zimekuwa na ukakasi sana wakati wa kula.

Ukiziona ndizi hizi zinatoa utomvu mweupe, wakati mwingine unakuwa na rangi ya njano, hakika ni ndizi nzuri lakini utomvu wake umekuwa kikwazo

Veta yajitosa kuhamasisha matumizi yake

Mkuu wa mafunzo ya huduma za ukarimu kutoka CHUO cha VETA cha Njiro mkoani Arusha Robinson Mwaikuju, amezungumza na mwandishi wa habari hizi akitaka kujua umuhimu wa zao hili na juhudi wanazofanya kuhakikisha linasaidia jamii.

 

Mtaalam huyo wa mambo ya vyakula, alisema zao la ndizi ya Kitarasa limejaaliwa mambo mengi, ni dhahabu ya kijani ambayo bado watanzania hawajafanikiwa kuitumia ipasavyo.

Bw. Mwaikuju alisema, Kitarasa inafaida nyingi katika mwili wa binadamu ikiwemo kutibu maradhi yasiyo ambukiza.

Mtaalam huyo kutoka veta Njiro ambacho kinamilikiwa na Mamlaka ya Elimu na Mafunzo ya Ufundi Stadi(VETA) aliwahimiza watanzania kupenda vya kwao hasa zao la ndizi Kitarasa.

“Zao la ndizi ya kitarasa ni tiba ya kutibu magonjwa mbalimbali yakiwemo ya kisukari na presha,” alisema Mtaalam huyo.

Kwa upande wake Mwanafunzi anayesomea katika chuo hicho Happiness James Michael (Ngoko) alisema zao hilo lina faida kubwa katika kujenga afya ya mwili na akili, pia inasaidia katika kupunguza hamu ya kuvuta sigara.

Happines alisema kwa mtu ambaye amekuwa na mazoea ya kuvuta sigara kwa wingi na amekuwa na nia ya kuacha kuvuta, akitumia ndizi hizi kwa wingi anauhakika wa kuacha kabisa.

Mtalaam huyo ambaye anasoma mwaka wa pili, ameshauri watoto kupatiwa uji wa ndizi ya kitarasa ili kumsaidia kukua lakini pia watu wazima wameshauriwa kutumia zao hilo kwa chakula.

“Hii ndizi ambayo tumeileta hapa iko tofauti na ndizi zingine, zinaweza kutimu presha, magonjwa ya moyo lakini pia inapunguza aroma,” alisema

Aidha akieleza kuhusu maonyesho ya mwaka huu,Happy alisema wamekuja na kuonyesha watu umuhimu wa zao la ndizi aina a kitarasa lakini pia mbaazi kwani mazao hayo ni dhahabu ambayo bado haijatumika ipasavyo

“ukiangalia zao la ndizi ya kitarasa na mbaazi zinakazi kubwa katika mwili wa binadamu, una fanya mambo mengi kama unga wa ngano,” alisema.

Unaweza kutengeneza uji kwa ajiri ya afya ya mtoto, unaweza kutengeneza mikate, bagia, keki na mifano ya aina hiyo, vitu vyote hivyo ni muhimu kwa afya ya mwili.

“Kijijini bado wanatumia bidhaa za zamani lakini kwa mijini bado kuna shida ya kuthamini vya kwetu, nataka nikwambie zao hili la ndizi ya kitarasa ni dawa kwa afya ya watu, inaimarisha akili na afya ya mwili,” alisisitiza

Vilevile alisema zao la ndizi ya kitarasa ni zao ambalo halipewi kipaumbele katika matumizi, hivyo wameona ni vizuri kuhamasisha jamii kulitumia.

“Hii ndizi unaweza kutumia ikiwa mbivu, ikipikwa, na unga, lakini kwa sisi tulikuwa tunalenga kutumia unga, hivyo tulikuwa tunachukua ndizi kitarasa kisha tunamenya tunaanika na tukishaanika tunakwenda kusaga na kupata unga kwa ajili ya matumizi ya kutengeza vile vitafunwa.

Chuo cha VETA Njiro kinatoa maarifa na ujuzi mbalimbali ikiwemo uokaji mikate, keki na mapishi ya vyakula.

Pia inatoa ujuzi wa mapambo na upambaji wa kumbi za starehe, mafunzo ya kompyuta na mbinu za uandaaji Cocktail.

Kozi zingine ni usafi wa majengo na maeneo ya wazi, huduma kwa wateja, mbinu za ujasiriamali, usimamizi wa shughuli za mapokezi na vyumba.

Vilevile wanafundisha ujuzi wa uhudumu na uuzaji wa chakula na vinywaji, uaandaji na upishi wa chakula , utaalamu wa uongozaji watalii pamoja na uandaaji na uendeshaji wa safari za watalii.

Ends,