Tuzo za elimu kutolewa kesho, NECTA yabainisha Zaidi ya majina 350 wanaostahili kupewa tuzo za elimu

 

Baraza la mitihani Tanzania (NECTA), limekamilisha mchakato wa kuwatafuta watahiniwa wanaostahili kupewa tuzo kwa kazi nzuri waliyofanya katika elimu na tayari majina hayo yameshabainishwa tayari kwa kupewa tuzo siku ya Alhamis, Oktoba 22, 2020 katika ukumbi wa Mlimani City.

Akizungumza na waandishi wa habari ofisini kwake, Katibu Mkuu wa Baraza la Mitihani Tanzania, Dkt Charles Msonde alisema haikuwa kazi rahisi kuwabainisha watu hao kwa sababu kulikuwa na ushindani wa hali ya juu.

“Tumefanya kazi ya kuwabainisha wanafunzi waliofanya vizuri, walimu waliohakikisha masomo yao yanafanya vizuri, mashule yaliyofanya vizuri, Wilaya na mikoa iliyofanya vizuri, kazi hiyo imekamilika na niwapongeze sana ambao wamebahatika kushinda katika mchakato huu,” alisema Dkt Msonde

Aidha Dkt Msonde alisema tuzo za elimu zinafaida kubwa katika kuleta ushindani na kubainisha kuwa kwa tuzo zilizotolewa mwaka jana zilisaidia kuleta hamasa katika sekta ya elimu Tanzania

Waziri wa Tamisemi the Suleiman Jafo anatarajiwa kuwa mgeni rasmi katika hafla ya kutoa Tuzo .

 

Tuzo hizo ambazo ambazo zimeanzishwa mahususi kutoa motisha kwa wanafunzi na walimu kujituma zaidi zimeandaliwa na Wizara ya TAMISEMI kwa kushirikiana na Baraza la mitihani NECTA huku shirika la Global International link likiwa ndio waratibu wakuu.

Nichukue fursa hii kuwapongeza kwa awali wote ambao wameteuliwa, nataka niseme wote wamefanya kazi nzuri sana na wametia hamasa na ari kubwa katika elimu.

Mtakumbuka matokeo ya mitihani ya kidato cha nne kwa mwaka 2015, ufaulu ulikuwa ni asilimia 67 lakini hadi mwaka 2019 ufaulu umeongezeka hadi kufikia 81%, na hata wale wa kidato cha sita, kwa miaka ile ufaulu ulikuwa 97% lakini hadi kufikia mwaka 2019 ufaulu umepanda hadi kufikia 98%, yote haya yamechangiwa na jitihada za walimu, katika muda mfupi wameweza kufanya kazi bila kuchoka na kuleta mageuzi katika elimu.

Hilo ni jambo la kupongezwa na ndio maana zimekuja tuzo za aina hii ili kuwatuza ikiwa ni ishara ya kutanmbua juhudi zao wanazofanya katika kuboresha elimu hapa nchini.

“mnyonge mnyongeni haki yake mpeni, ni ukweli usiopingika kuwa walimu wetu wanafnaya kazi kubwa sana, ukiona haya mafanikio makubwa yanatokea ni kwa sababu hiyo, kwa hiyo ni vizuri kuwapongeza,” alisema.