MKURUGENZI TAMWA ASIMULIA SAFARI YA MIAKA 30 YA CHAMA CHAO, ASEMA BADO SAFARI NI NDEFU

 Waswahili wanamsemo wao maarufu “safari ni hatua”…katika safari kuna mengi ya kujifunza, yapo yanayofurahisha, yanayokatisha tamaa, yanayotia moyo n ahata yale yanayoumiza na kuhuzunisha.

Safari ya chama cha Waandishi wa habari wanawake Tanzania (TAMWA) ilianza rasmi November 17, 1987, mpaka sasa  chama hicho kinahesabu masaa ili kuanza kusherehekea kumbukizi ya kuanzshwa kwake, yapo mengi ya kujifunza katika safari hiyo. Kufuatia hali hiyo Mtandao wa FULLHABARI BLOG kama ilivyo kawaida yake ya kukupa habari kwa kina; leo imeweza kuzungumza na mmoja wa waanzilishi wa Chama hicho ambaye kwa sasa ni mtendaji mkuu wa chama hicho, Bi Edda Sanga.

Akizungumza na Mwandishi mwandamizi wa Mtandao huu, Edda Sanga anasema haikuwa kazi rahisi kuja na wazo la kuanzisha Chama hicho, watu walijitoa kuhakikisha kuwa chombo hicho kinasimama lengo likiwa ni kusaidia wananchi  hususani wanawake ambao enzi hizo sauti zao zilikuwa haziwezi kusikika.

Akizungumzia historia ya kuanzishwa kwa Chama hicho,Sanga anasema asili ya kuanzishwa kwa chama hicho, ni kujiongeza kwa vijana wa kike  12 enzi hizo (sasa wamebaki 10 waliohai), chagizo kubwa ikiwa ni baada ya kuona kuwa kunachangamoto kubwa katika majumba ya habari (media house), nyumba nyingi za habari zilikuwa hazitowi kipaumbele kwa habari za wanawake, licha ukatili ambao ulikuwa unaendelea, bado habari zao zilikuwa hazipewi kipaumbele.

MAFANIKIO YA TAMWA…   

Kama ulivyotaka kufahamu kuhusu chama kama kimepata mafanikio yoyote katika kipindi hiki na pamoja na kuulizia malengo na maono yetu kama yanaenda katika mstari unaotakiwa…naomba nikiri hapa kwako kuwa kwa kweli chama chetu kimeweza kufanya makubwa ambapo huwezi kuyaelezea kwa siku moja… pengine ungehitaji kuandaa kitabu kabisa cha miaka 30 ya Tamwa.

Amesema chama kimendelea kutimiza malengo yake kwa ufanisi mkubwa na kwamba maono yao ya miaka 30 iliyopita taratibu wanaanza kuyaona  yakitokea.

Moja ya mafanikio hayo ambayo ni vigumu kusahau ni ushawishi, kuzengea na kuzonga kuliko fanyika kwa ustadi mkubwa , tukiwa na wenzetu TGNP, TAWLA, MEWATA, WLAC, LHRC, CRC na mashirika mengine kama hamsini hivi tukitetea kubadilika kwa sera, na sharia kandamizi zinazomnyima haki mwanamke na mtoto, hasa mtoto wa kike.

 Anasema furaha yeo ilikamilika , pale Mwaka 1998 walipofanikiwa kufanya ushawishi kwa wabunge na kufanikiwa  kuwazawadia Watanzania SHERIA YA MAKOSA YA KUJAMIIANA , maarufu kama SOSPA. Sheria hii iliboreshwa Mwaka 2005.

Uzuri wa sheria hii ya SOSPA, ni kwamba kwa mara ya kwanza, ilitamkwa wazi kuwa ukeketaji ni kosa la jinai, ikampa mtoto wa kike ulinzi wa kutofanyiwa ukatili akiwa chini ya umri wa miaka 18.

AOMBA WANANCHI…

KATIKA hatua nyingine Mkurugenzi Sanga amewaomba Watanzania kusaidia chama hicho kwa michango yao ya hali na mali ili kuendeleza huduma za chama kwenda mbele.

“Kama nilivyokwambia ndugu mwandishi tunamafanikio mengi ya kukumbukwa…hayo niliyokutajia ni kwa uchache tu…lakini kwa sasa tunachamoto moja ya fedha…wadau wameanza kukatisha misaada yao hivyo tunawaomba watanzania kutuchangia ili kuendeleza ghurudumu hili” Alisema

Namba za kuchangia ni kama ifuatavyo…

TIGOPESA                         :             606060

KUMBUKUMBU NAMBA    :             606060

M-PESA                            :             370077

KUMBUKUMBU NAMBA     :            370037