ads header

Zinazobamba

SHAKA AWAONYA VIJANA WA CCM WATAKAOTUMIA RUSHWA KWENYE CHAGUZI

18:14:00
NA KAROLI VINSENT
UMMOJA wa Vijana wa Chama cha Mapinduzi (UVCCM) umewaonya wanachama wanaojivika kofia ya Jumuiya wakitumia njia hatari na batili, wamekuwa wakikebehi, kutuhumu wenzao kinyume na utaratibu huku baadhi yao wakitoa madai yanayovuka mipaka na kubeba taswira ya jinai au madai.

Akizungumza na waandishi wa habari leo jijini Da es Salaam Kaimu Kaitibu Mkuu wa UVCCM Shaka Shaka akitoa taarifa ya maendeleo katika chaguzi za ndani za kuchagua viongozi wa umoja huo, alisema wamestushwa na hali hali hiyo inayoonekana kutaka kuibua mgogoro na kujenga mazingira yanayotaka kuonyesha kuwa ndani ya Jumuiya kunamvurugano.

Aidha amesema yanayofanyika ni kinyume na utamaduni Wa CCM Kikatiba, Kikanuni na Kimaadili na kusema kuwa Chama hicho siyo genge la wahuni bali ni chama cha siasa kinachoheshimu utu wa mtu, taratibu na miongozo iliyojiwekea katika kushughulikia mambo yake.
"Nichukue nafasi hii kuwaasa na kuwaonya wale wote ambao pengine watakuwa wameteleza na kujikuta wakijielekeza katika kushiriki vitendo hivyo vyenye muonekano wa uasi, tunawataka wajiepushe navyo hasa kipindi hiki tunaelekea katika Demokrasia ya kweli ndani ya Jumuiya," amesema Shaka.
Shaka amesema wameanza kuwafuatilia kwa karibu na kuanza kuwatambua wrote ambao wanafanya au kushiriki vitendo hivyo vya aibu kwenye Jumuiya na ndani ya chama na kubainisha kuwa miongoni mwa watu hao Wapo wanaowajua na kadri itakavyothibitika kwa kukusanya ushahidi na vielelezo hatua za kikanuni, kikatiba na kusheria zitachukulia dhidi yao ili iwe funzo kwa wengine.
Akizungumzia kuhusu uchaguzi alieleza kuwa unaendela vizuri na wamekwisha kamilisha katika ngazi ya tawi na kata. Alibainisha kuwa uchaguzi katika ngazi za matawi hadi jana matawi 23,529 sawa na asilimia 96.4 kkati ya matawi 23,670 sawa na asilimia 0.59 yamekamilisha uchaguzi.
Aidha alieleza katika ngazi za kata, kata 3,913 sawa na asilimia 96.59 kati ya kata 4,059 sawa na asilimia 3.4 zimekamilisha hchaguzi huku kwa upande wa Zanzibar majimbo 54 sawa na asilimia 100 wamekamilisha uchaguzi.
Amesema ngazi ya wilaya na mikoa mchakato Wa uchujaji Wa majina kwa vijana walioomba nafasi mbalimbali ndani ya Jumuiya umeanza na unaendelea vizuri huku vijana 7,706 wakijiyokeza kuchukua fomu za kugombea nafasi mbalimbali.
Alibainisha kwamba kati ya vijana hao nafasi ya Mwenyekiti walioomba ni 113, Makamu Mwenyekiti 24, Wajumbe Wa Halmashauri kuu 103, wajumbe Wa Baraza Kuu Taifa 81, Wawakilishi UWT 14 na Wawakilishi  Jumuiya ya Wazazi 14.

Amesema maandalizi kwa ajili ya Mikutano Mikuu ya Wilaya hadi Taifa yanaendelea vyema ambapo chaguzi zote ndani ya UVCCM zinategemewa kukamilika Novemba mwaka huu.

Aliviomba vyombo vinavyohusika katika nngazi zote hususani Mamlaka ya Kudhibiti na Kupambana na Rushwa (Takukuru) kuendelea kufuatilia kwa karibu nyendo za wagombea na wapiga kura ili kubaini, kuwadhubiti na kuwachukulia hatua za kisheria watakaojihusisha na rushwa kwa kutoa au kupokea.