SHIRIKA LA LSF YAWASIFU WABUNGE KWA KUPITISHA MSWAADA HUU,SOMA HAPO KUJUA

Afisa kutoka LSF, Bi. Fortunata Kitokesya akizungumza na wanahabari (hawapo pichani) wakati wa akielezea namna Shirika hilo linavyofanya kazi hapa nchini katika kusaidia misaada ya kisheria hasa kwa wanawake.

NA KAROLI VINSENT

WAKATI Bunge la Jamhuri wa Muungano la Tanzania likiwa limepitisha mswaada wa huduma ya sheria wa mwaka 2016,

Wadau wa sheria nchini wameusifu mswaada huo kwa kusema utasaidi wasaidizi wasaidizi wa sheria kufanya kazi kwa uhuru pamoja na kutambulika kisheria tofauti na mwanzo.

Fortunata Kitokyesya ambaye ni Afisa mradi wa Taasisi isiyokuwa ya kiserikali inayohusika na utoaji wa msaada wa kisheria 'LSF' wakati wa taasisi hiyo ilipokuwa inatoa msaada wa kopyuta mpakato kwa wasaidizi mbalimbali wa sheria walioko mikoa mbali ili waweze kutoa msaada kwa haraka kwa jamii, 

Ambapo amesema wamepokea kwa moyo mmoja ujio wa msaada huo ,ambao wanadai utawasaidia katika kufanya kazi kwa uhuru.

Amesema mswaada huo pamoja na mambo mengine umetoa ruhusa kwa wasaidizi wa sheria kutambulika kisheria tofautisha na hapo mwanzo ambapo wasaidizi hao walionekana ni matapeli.

Amebainisha kuwa kwa sasa wasaidizi wa sheria walioko vijijini watafanya kazi ya kuwasaidia wananchi wanaoitaji msaada wa kisheria kwa haki.

Dk. Benson Bana mjumbe wa Bodi ya LSF akizungumza na waandishi wa Habari (Hawapo pichani) wakati akizungumzia tukio hilo.

 Kwa upande wake Mhadhili mwandamizi kutoka chuo kikuu cha mlimani UDSM Dokta,Bensoñ Bana ambaye ni Mjumbe wa Bodi ya LSF ameusifu mswaada huo huku akimtaka Rais John Magufuli kuusaini haraka na kuwa sheria  ili uweze kuwasaidia kaya masikini ambayo ilikuwa inahangaika kukosa haki.

Pia, Dokta Bana amemtaka Waziri wa Katiba na Sheria,Dokta Harrison Mwakyembe kuharakisha uandikaji wa Kanuni mara baada Rais Magufuli kuusaini mswaada huo ili uanze kutumika haraka