SERIKALI YAGUSHWA NA SHIRIKA LA FEMINA,SOMA HAPO KUJUA

WIZARA ya Elimu, Sayansi, Teknolojia na Mafunzo ya Ufundi imezitaka shule za sekondari na msingi nchini kuanzisha club za maadili ili kuzuia mmomonyoko wa maadili ndani ya jamii lakini pia kujenga uzalendo ambao umeanza kutoweka miongoni mwa vijana wa Kitanzania.

Akizungumza na Waandishi wa Habari Jijini Dar es Salaam leo kwenye mkutano wa mwaka wa vijana ulioandaliwa na shirika lisilo  la kiserikali la FEMINA HIP Kaimu Kamishna wa Elimu nchini kutoka wizara hiyo  Mwalimu Nicholaus Bureta amesema kuwa mpaka sasa wizara  imeshaanzisha club za kupambana na rushwa shuleni ili kutoa muongozo bora kwa wanafunzi na kuzalisha vijana wenye kuchukia rushwa na kuzingatia maadili.

 

Aidha, Mwalimu Burete ametoa wito kwa wadau wote wa elimu nchini wakiwemo wazazi na walezi kuhakikisha kwamba wanawajenga watoto wawo katika misingi bora ili Taifa liweze kuzalisha vijana wenye uzalendo wa kupenda nchi na kushirikiana na jamii katika kuleta maendeleo.

Katika hatua nyingine kaimu kamisha wa elimu nicholus Burete amezungumzia juu ya matokeo ya mtihani wa taifa wa kidato channe yaliyotoka jana ambapo shule sita za mkoa wa dare s salaam zimeshika nafasi ya mwisho na kuufanya mkuo huo kuwa wa mwisho kitaifa, amesema kuwa  wizara  inatambua suala hilo hivyo inajiandaa kukaa pamoja na mamlaka ya mkoa huo ili kuangalia kitu kilichosababisha shule hizo kufanya vibaya.

Calvin Muhagama ni mwalimu kutoka shule ya Sekondari ya Aron harris iliyopo Pugu Kichangani Jijini Dar es Salaam amebainisha kuwa vipo vitu mbalimbali vinavyochangia baadhi ya shule kufanya vibaya ama mkoa Fulani kufunya vibaya ambapo amevitaja vitu hivyo kuwa ni pamoja na sera ya elimu  nchini kukandamiza walimu pamoja na uwepo wa miundombinu mibovu ya utendaji kazi kwa walimu.