SERIKALI YASEMA MAPAMBANO YA RUSHWA YAMEIMARIKA,SOMA HAPO KUJUA

Katika jitihada zake za kulinda, kukuza Maadili na haki za binadamu na kuhakikisha maadili na pambambano dhidi ya Rushwa yanaimarika, serikali imesema hadi sasa imeshaingiza  baadhi  ya mikataba ya kimataifa na kikanda  katika sheria za nchi pamoja na kuboresha sheria zilizopo ili kila mwananchi aweze kupata haki yake

Waziri wa Katiba na Sheria Harrison Mwakyembe ameyasema hayo leo Jijini Dar es Salaam kwenye Uzinduzi wa maadhimisho ya wiki ya kutoa huduma na kupokea kero kutoka kwa wananchi ikiwa ni sehemu ya maadhimisho ya siku  ya maadili kitaifa na haki za binadamu ambayo  yatakayofanyika 10 december 10, mwaka huu

Mwakyembe ameeleza kuwa, Serikali itaendelea kuhakikisha malalamiko ya kila mwananchi yataheshimiwa na kutatuliwa kwa wakati na endapo  atatokea mtumishi yoyote wa umma akatenda kinyume na maadili  ya kazi hatua za kisheria zitachukuliwa dhidi yake.

Akimkaribisha waziri wa Katiba na sheria, Waziri wan chi Ofisi ya Rais, Menejimenti ya Utumishi wa Umma na Utawala bora  Angella Kairuki amebainisha kuwa tangu uhuru upatikane, Nchi ya Tanzania imekuwa ikisimamia misingi ya maadili haki za binadamu , utawala bora na mapambano dhidi ya rushwa ili kuboresha utoaji wa huduma kwa wananchi pamoja na kuwa na maendeleo endelevu.