Meya wa jiji awataka wafanyabiashara wa jengo la Machinga kulipa kodi

Meya wa Jiji la Dar es Salaam Isaya Mwita a kizungumza na wajumbe wa halmashauri ya jiji na menejiment ya soko la kariakoo baada ya kufanya ziara yake Ja

MEYA wa jiji la Dar es Salaam Isaya Mwita amewataka wafanyabiashara wa jengo la Mchinga [Machinga Comlex] kulipa kodi ili kuwezesha jiji kulipa deni la sh. Bilioni 41 wanazodaiwa na Mfuko wa Hifadhi ya jamii [NSSF].

Meya Isaya ametoa kauli hiyo jijini hapa jana, wakati wa ziara yake ya  kukagua mali za jiji iliyohusisha wajumbe wa Halmashauri ambapo alifika katika jengo hilo na kuelezwa na Kaimu Meneja kwamba wafanyabiashara hawalipi kodi kutokana na kile walichokisema kwamba hawatambui uwepo wake hapo.

Aidha kutokana na kauli hiyo, Meya alipita kwenye kila kibanda na kuzungumza na wafanyabiashara ambao wamepanga kwenye vizimba hivyo ambapo wafanyabiashara hao walimweleza kuwa sio kwamba hawataki kulipa kodi bali wanachotaka ni kupewa risitizi.

Wafanyabiashara hao kwa nyakati tofauti walisema kwamba wamekuwa wakilipakodi kwa muda mrefu lakini hawapewi raisiti jambo ambalo halikubaliki na hivyo kumuomba Meya wa jiji awapatie risiti ili waweze kulipa kodi wanazodaiwa.

“ Mheshimiwa Meya wa jiji, sio kwamba hatupendi kulipakodi, tunalipa ila jambo ni moja wanatupa risiti za mkono, ingawaje kunawengine ambao tunadaiwa miezi kadhaa, ila wanaodai huja kwa kushtukiza na kutufungia vibanda vyetu,jambo hilo pia linatukwaza, kama wengine sisi walemavu” alisema mfanyabi.

Meya wa jiji alitumia nafasi yake kuwaeleza wafanyabiashara kwamba wanatakiwa kulipa kodi kwa kuwa wanadeni kubwa kutoka NSSF, na kwamba iwapo watashindwa kulipa deni hilo, jengo hilo litauzwa na hivyo kukosa sehemu ya kufanyia baishara zao.

Aliwaeleza kwamba hatua iliyopo hivi sasa, ni lazima deni hilo lilipwe bila kujali nani ambaye alisababisha kuwepo kwa kiasi hicho kikubwa cha fedha na kwamba kama watakaidi hali ya wafanyabishara itakuwa ngumu kutokana na kukosa sehemu ya kwenda.

Alisema iwapo wataweka utaratibu wakulipa kodi kwenye vibanda ambavyo wanadaiwa, itasaidia kufidia kulipa deni hilo ambapo hadi kufikia Januari 2017 jiji litakuwa likidaiwa bilioni 41, hivyo ni vyema wakaweka utaratibu wakulipa kodi wanazodaiwa.

“ Ndugu zangu nawaomba sana, mlipe kodi, hili jengo linatusaidia wote, leo hii likipigwa mnada na kuuzwa akaleta mtu mwingine kumiliki, mnazani mtakwenda wapi, mnapokataa kulipa kodi.

Aidha aliwaeleza wafanyabishara hao kwamba, tayari jiji limenunua mashine za kutosha na kwamba kuanzia Januari mwaka 2017 wanatakiwa kupewa risiti za mashine ya Kilekronikia na kukataa kupewa ritizi za mkono.

“ Hili suala la kupewa risiti, kuanzia Januari mtaanza kupewa , msikubali kulipa kodi bilakupewa risiti za EFDs, mashine zipo za kutosha na kwamba hakuna sababu ya kupewa mashine za mkono, ila kwa sasa lipeni wakati mkisubiri mashine hizo zije” alisisitiza Meya Isaya.

Hata hivyo alisema baada ya ziara hiyo, wajumbe wa kamati hiyo kwa kushirikiana na washauri wengine watafanya kikao cha tathmini na hivyo kuazimia namna ya uendeshaji wa jengo hilo ili jiji liweze kupata mapato.

Awali akisoma taarifa ya jengo hilo, Kaimu Meneja  Mkuu wa Machinga Complex alisema kwamba jengo hilo lina changamoto mbalimbali ikiwemo kuwepo kwa vizimba vingi ambavyo havijapata wapagaji.

Alisema mbali na hivyo,lakini pia hata vizimba ambavyo vinawapangaji bado ni changamoto kutokana na kukosekana kwa watu kununua bidhaa zilizopo kwenye jengo hilo na hivyo wengi kuishia kwenye soko la Karume.

Alisema kutokana na hali hiyo mzunguko wa biashara umekuwa mdogo na hivyo kumuomba Meya wa jiji na wajumbe wengine kuangalia namna ya kuliwezesha jengo hilo kuingiza mapato.

Hata hivyo alisema changamoto nyingine anayo kumbana nayo ni baada ya Mkuu wa mkoa wa Dar es Salaam Poul Makonda kuwaeleza wafanyaviashara hao wasilipe kodi kwa kipindi cha miezi mitatu na kwamba hadi sasa hajafika kutengua kauli hiyo jambo ambalo lifanya wafanyabiashara kudiriki kusema kwamba hawamtambui uwepo wake.