ads header

Zinazobamba

MAKADA WA CUF WAMUANGUKIA MAALIM SEIF WATAKA AKAE CHINI NA PROFESA LIPUMBA,SOMA

17:57:00
http://www.mwananchi.co.tz/image/view/-/2741134/medRes/1028086/-/72fth1/-/pic+profesa+lipumba.jpg
NA KAROLI VINSENT
MAKADA wa chama cha Wananchi (CUF) ambao wanaumuunga mkono mwenyekiti wa Chama hicho ambaye anatambulika na ofisi ya msajili nchini,Profesa Ibrahim Lipumba , wamemtaka Katibu mkuu wa Chama hicho,Maalim Seif  kumaliza tofauti zao na Lipumba ili kuweza kukinusuru chama hicho kupagalanyika.

Hayo yamesemwa leo Jijini Dar es Salaam na Aliyekuwa mkurugenzi Taifa wa Ulinzi wa (CUF),Thinex Muhamed wakati akizungumza na waandishi wa habari Makao mkuu ya Chama hicho yaliyopo Buguruni,

Ambapo Kada huyo amesema kwa sasa anaona chama chake hicho kinazidi kwenda vibaya kutokana na kuwepo mgogoro mkubwa kati ya upande wa Katibu na Mwenyekiti jambo analodai litawakatisha tama wanachama na wananchi kuwa na imani na CUF.

“Kikweli mgogoro huu unakifanya chama chetu kukosa nguvu  na kuwafanya wananchi kuanza kukosa imani nasi,leo ukiangalia katika pande hizi mbili zinazofutana kwa upande wa Maalim Seif yeye ananguvu kubwa upande wa chama Visiwani Zanzibar na profesa Lipumba ananguvu kubwa huku bara yote haya yanakifanya chama chetu kuwa na mgogoro’amesema Muhamed.

Amesema Njia pekee ya kuweza kumaliza mgogoro huo ni kwa pande mbili zinazotofautiniana na kukaa pamoja na kuweza kukijenga chama.

“Leo  mgogoro huu hauwezi kumalizika bila ya pande mbili hizi zinazotofautiana kukaa pamoja,na namuomba Maalim Seif arudi ofisini na kukaa meza moja na Lipumba ili tofauti  zote ziishe tujenge chama”amesema 

.Hata hivyo,Muhamed amesema hata vitabu vitakatifu vinasema binadamu wasamehane pindi wanapokoseana huku akizitaka pande hizo kutumia hoja hiyo kusameana na kukijenga chama hicho.
Kauli ya Kada huyo mkongwe wa chama hicho inakuja ikiwa teyari chama hicho kinaaingia kwenye uchaguzi mdogo wa Jimbo la Diwani huku visiwani Zanzibar ambapo chama hicho kitamsimamisha mgombea mmoja huku akiungwa na vyama vinavyounda mkono muunganiko wa UKAWA.
Mbali na uchaguzi huo teyari chama hicho kimekiachia chama cha Demokrasia maendeleo Chadema kwenye marudio ya kata zaidi ya 20 kwenye uchaguzi huo wa marudio kwenye ngazi ya udiwani.