TRA YAZISHUKIA BENKI NCHINI,NI ZILE ZILIZOANZA KUWAKATA WATEJA WAKE KODI MPYA,SOMA HAPO KUJUA

Pichani ni Kamishna Mkuu wa Mamlaka ya Mapato nchini (TRA),Alpayo Kidata akizungumza na waandishi wa habari

NA KAROLI VINSENT

MAMLAKA ya Mapato nchini (TRA) imezitaka baadhi ya Benki nchini ambazo zimeanza kuwakata kodi ya asilimia 18 wateja wao kuacha mara moja.

Huku Mamlaka hiyo ikitishia kuwasiliana na Benki kuu nchini (B.O.T) ili iweze kuzichukulia hatua kali benki hizo kwa kile wanachokiita  benki zinafanya utapeli kwa wateja wake.

Hayo yamesema leo Jijini Dar es Salaam na Kamishna mkuu wa (TRA),Alpayo Kidata wakati wa mkutano na waandishi wa habari ili kutolea ufafanuzi hatua ya benki hizo kuanza makato hayo kwa wateja wake,

Ambapo amesema amesikitishwa na hatua ya benki hizo kupokea vibaya marekebisho ya sheria  ya kodi ya ongezeko la thamani ya (VAT) ya mwaka 2014 ambayo imepitishwa na Bunge hivi karibuni, kwa hatua ya  kuwapelekea mzigo wateja wao wakati ni kinyume na sheria inavyotaka.

Kidata amefafanua kuwa sheria hiyo inalenga kutoza kodi ya ongezeko la thamani (VAT) kwa kiwango cha  asilimia 18 ya kwenye ada (fees) ambazo benki hizo inatoza wateja wake kwenye huduma mbali mbali za kibenki.

“Mfano ada (fees) ya huduma ya kibenki ambayo mteja ametozwa ni shilingi 1000/- kodi ya ongezeko la thamani itakayotozwa kwenye kiasi hiki ni shilingi 152.50 tu na benki kubaki nashilingi 847.50,huku kiwango cha 152.50 kinalejeshwa serikalini,sasa tunashangaa leo hizi benki zinaanza kumtoza mteja wakati sio kweli”ametolea mfano Kidata.

Kitada ,amesema hata maelekezo yaliyotolewa na benki moja hapa nchini kuwa mtumiaji wa huduma za kifedha atatakiwa kulipia kwa fedha taslimu kama muamala husika kupitia kwenye akaunti, amedai taarifa hiyo si sahihi kwa kuwa ukusanyaji wa VAT husika utafanywa kwa njia ya ile ile ambayo gharama za huduma za kifedha zinakusanywa sasa.

Hata hivyo,Kidata amesema endapo Benki hizo zikizidi kuendelea kufanya upotoshaji kwa kuendelea kuwakata wananchi fedha basi mamlaka hiyo itawasiliana na Benki kuu ambao kimamlaka ndio wanajukumu la kusimamia benki nchi ili hatua kali zichukuliwe.

“Harafu toka lini benki hizi zikaanza kutangaza hadharani kuwa zinaanza kukata kodi kwa wateja wake,wakati kihistoria hazijawai kufanya kitu kama wanachokifanya sahivi,na ukiona wanafanya hivyo sasa mfahamu kuwa hapa wanajua wanafanya upotoshaji na sisi tutawasilina na benki kuu ili wazichukulie hatua.”amesema Kidata.