SHEIKH WA MKOA: TUNAPASWA KUWAUNGA MKONO WAPALESTINA

Sheikh Mkuu wa Mkoa wa Daresalaam, Sheikh Alhadi Mussa akifafanua jambo katika semina ya siku ya Quds iliyofanyika katika viwanja vya Karimjee, Katika Mkutano huo Sheikh Alhadi aliunga Mkono harakati za kuwafanya wazawa wa Palestina kuwa huru na wenye kuishi kwa amani.

Balozi wa Palestina nchini Tanzania Mh. Hazem M. Shabat akizungumza na wanasemina kuhusu hali ya Palestina ya leo.Shabat amesema hali bado ni mbaya japo kunaanza kuwa na dalili ya kupatikana kwa amani ya kweli. Ameitaka jamii isichoke kuwaombea na kupaza sauti zao duniani kwani zinasaidia kuwakomboa Wapalestina wananyanyasika kila leo.

Wanasemina wakifuatilia kwa makini semina hiyo.

Sheikh Mkuu wa mkoa wa Daresalaam, Alhadi Mussa Salum ameitaka jamii husani wale wote wanaopenda Amani duniani kuhakikisha wanapinga vikali vitendo vya dhulma vinavyoendelea Nchini Palestina.
 

Alhadi Mussa aliyasema hayo katika semina Maalum iliyowakutanisha wataalamu mbalimbali yenye lengo la kujadili hali halisi ya nchini Pakstani, Mkutano uliofanyika katika viwanja vya Karimjee Jijini Daresalaam.

Amesema vitendo vinavyofanywa na Wazayni kwa wazawa wa Wapalestina havikubaliki na binadamu yeyote anayependa Amani, na kwamba Waislamu wa Tanzania wangependa kuona hali ya Palestina inatengemaa na wakazi wake wanaishi kwa Amani, upendo na furaha kama nchi zingine.

“Suala la maisha ya wazawa wa Palestina ni suala la kila mmoja wetu duniani, tunapaswa kupaza  sauti kuhakikisha hatua ya kuwanusuru wapalestina inafikiwa kwa haraka na hivyo kuwaondolea adha kubwa wanayoipata kila leo”Alisema Sheikh Alhadi Mussa.

 Katika hatua Nyingine Sheikh Alhadi Mussa amewataka Waislamu kudumisha matendo mema waliyoyafanya katika mwezi mtukufu wa Ramadhani katika miezi mengine yote kwani Mungu wa Ramadhani bado anaishi na anakuona katika miezi mengine yote.

Alisema Waislamu wanapaswa kufahamu kuwa kuisha kwa Mwezi wa Ramadhani haina maana kuwa ndiyo mwanzo wa kuanza maovu, badala yake mwezi huo uwabadilishe watu tabia zao na waweze kuwa watu wapya kuanzia matendo yao n ahata kuishi kwao.