MTANZANIA AISHANGAZA DUNIA...WENGI HAWAKUAMINI

Mtanzania Adamu Gharibu Ali akisoma Qur'an huko Misri

Mtanzania Adamu Gharibu Ali jana alishangaza dunia katika fainali za mashindano ya Quran yaliyoandaliwa na Chuo Kikuu cha Azhari cha hapa Misri, kwa kuibuka mshindi wa kwanza huku akiyabwaga mbali mataifa mengine kama vile Indonesia, Nigeria na wenyeji wamisri waliyokuwa wakipewa nafasi kubwa ya ushindi, mashindano hayo yalifanyika jana 30//6/2016 katika msikiti mkongwe na wa kihistoria wa Al-Azhar uliyopo Hussein Darrasa.

Mashindano yamedhaminiwa na Al-Imamu Akbar Sheikh Azahar Dr. Ahmad Twaibu, na yalikuwa yanamtafuta mtu mwenye sauti mzuri zaidi ya kusomea Quran (اصوات حسنة), mashindano yalianza kabla ya ramadhani kwa njia ya mchujo washiriki zaidi ya 250 walijitokeza katika mataifa 92 kwa hatua ya awali ya mchujo, na mpaka jana wanakwenda fainali kulikuwa na makundi matatu ya washiriki 5 kila kundi na kulazimika kwenda mchujo mara 4, na kubakia watu waliyompa ushindi Adamu Gharibu.

Kipaji cha Adamu Gharibu cha sauti ya kusomea Quran kiligundulika toka akiwa mdogo lakini mpaka sasa amekosa wa dhamini wa kumuendeleza, kati ya mwaka 2007 mpaka 2008 Adamu akiwa na umri mdogo aliwai kuswalisha swala ya tarehewe Msikiti wa Omar bin khattab uliyopo Jangwani DaresSalaam.