MKUU WA WILAYA YA KINONDONI AJA MPANGO KABAMBE WA KUMALIZA TATIZO LA AJIRA,SOMA HAPO KUJUA

Mkuu wa wilaya ya Kinondoni Ally Hapi akizungumza na watendaji wa mitaa,viongozi wa serikali za mtaa zilizopo katika Wilaya ya Kinondoni leo Jijni Dar es Salaam wakati wa kuzindua mpango wa kuwawezesha kutatua tatizo la ajira katika wilaya hiyo

MKUU  wa Wilaya ya Kinondoni,Ally Hapi amesema amejidhatiti katika kuhakikisha anamaliza tatizo la ukosefu wa ajira katika wilaya hiyo baada ya kuanzisha   mpango wa kuweza kutatua tatizo la ajira hususani kwa vijana.Anaandika KAROLI VINSENT endelea nayo

Akizungumza  na watendaji wa kata,wenyekiti wa serikali za mitaa pamoja  wajumbe wa maeneo,katika manispaa hiyo,Hapi amesema amekusudia kumaliza changomoto ya ajira kwa vijana kwa lengo la kumaliza tatizo la uharifu  analodai linachangiwa na ukosefu wa ajira.

Amesema kwa sasa ameandaa mpango ambao watendaji hao wa kata,vijiji wanatakiwa kwenda Nyumba hadi nyumba kuchukua orodha ya majina ya vijana ambao hawana ajira ili aweze kuwaunganisha na wajasiriamali,makampuni pamoja na wafanya biashara wakubwa ili waweze kuwasaidia na tatizo la ajira.


Amewataka wananchi wote wa wilaya ya kinondoni kujitokeza kuandika majina siku tarehe 1 hadi tarehe 7 ya mwezi wa 8 mwaka huu kujiandikisha majina hayo.

Hapi amefafanua kuwa mara baada ya kumalika kuchukuliwa majina hayo  ambapo siku ya tarehe 15 ya mwenzi wa 8,wananchi hao waliandishwa majiana hayo watakutanishwa katika viwanja vya Posta Kijitonyama ambap siku hiyo wataunganishwa na wadau hao wa maendeleo.

Aidha, Hapi amewasahii watendaji hao pamoja wajumbe wa kata kuweka ushirikiano katika mpango huo ili kuhakikisha wanaweza kumaliza tatizo la ajira.