CHUO KIKUU CHA MLIMANI CHAJIZATITI KUTOA ELIMU KWA AJILI TEKNOHAMA KWENYE UPANDE WA BIASHARA,SOMA HAPO KUJUA

WAKATI sekta ya Teknolojia ikiwa inakuwa kwa kasi nchini,Chuo Kikuu cha Mlimani katika shule yake kuu ya Biashara wameendelea kutoa elimu maalum ya matumizi ya Teknolojia ya Habari na Mawasiliano (TEKNOHAMA) kwa wanafunzi wanaosoma shule  hiyo ili iweze kuwajengeo uwezo mkubwa katika ushindani wa Ajira.Anaandika KAROLI VINSENT endelea nayo.

Akizungumza na Waandishi wa habari wakati wakuwapatia vyeti wanafunzi 117 ambao waliohitimu kozi hiyo , Mkuu wa Shule hiyo ya Biashara,Dk Ulingeta Mbamba amesema pogramu hiyo itawasaidia watu wengi kuwa wajuzi katika masuala ya biashara kwa upande wa sayansi.

Amesema njia ya kutoa elimu hiyo ni kuwasaidia wanafunzi katika mfumo wa ajira jambo analodai litaweza kuinua sekta mbali mbali za biashara.

“Hii pogramu tangu taanza mwaka jana teayri tumetoa wahimu zaidi ya 200 lengo ni kuhakikisha watu wanakwenda na mabadiliko ya sanyasi na teknolojia ambayo kwa sasa imekuwa inatumiwa katika kusimamia biashara mbali mbali”amesema Dk Mbamba.

Kwa upande wake Mhadhili mkuu wa shule ya Biashara,Dk Tumsifu Eli amesema kozi hiyo itawasaidia wahitimu kuweza kuzisimia biashara kupitia mifumo mbali mbali.

Amesema Kozi itachangia kupunguza matumizi ya Hasara ambayo yanaweza kutokea kwenye biashara.