ANTONY LUSEKELO ATAKA WANASIASA KUTIBU MAJERAHA YA UCHAGUZI WA 2015, APINGA TB JOSHUA KUPOKEWA NA RAIS MAGUFULI

 SELEMANI MAGALI-DARESALAAM

MCHUNGAJI wa Kanisa La Maombezi (CRG), Antony Lusekelo (maarufu mzee wa upako) amewataka viongozi wa Kisiasa hapa nchini kuacha tabia ya kupigana vijembe katika mikutano yao ya chama badala yake wajikite katika kutibu majeraha ya uchaguzi wa mwaka jana kwa kuhubiri ushirikiano na umoja wa kujenga Taifa.

Amesema si wakati wa kubeza baadhi ya watu waliohama chama kimoja kwenda kingine, kwani kufanya hivyo kunajenga chuki miongoni mwa jamii na hivvyo kuhatarisha Amani ya nchi iliyojengwa kwa miaka mingi

Hayo ameyasema leo wakati akizungumza na waandishi wa habari waliomtembelea ofisini kwake kwa lengo la kuzungumza mwenendo wa Kisiasa hapa nchini na ushauri kama kiongozi wa kiroho hapa nchini.

Lusekelo amesema kwa muda mrefu amekuwa akifuatilia siasa za hapa nchini na amekuwa kimya kwa muda lakini ameamua kuyasema hayo ili kuendeleza Amani ya Tanzania

“Nimeona kumeanza kujitokeza vijembe miongoni mwa wanasiasa, kuna wanaowakejeli wwenzao kwa kuhama chama kimoja kwenda kingine lakini pia kuna wanaofikia hatua ya kuwasema vibaya wenzao, nadhani huo si utaratibu mzuri na si utamaduni wa Tanzania”Alisema.

Amesema  kwa sasa upinzani nchini umekuwa kwa kasi, na unawafuasi wengi kitendo cha vijembe vitasababisha machafuko ambayo hayana ulazima wowote.

“Baada ya uchaguzi mkuu wa 2015 nchi yetu bado haijatulia vyema, bado watu wanamajeraha makubwa ya uchaguzi mkuu, ni wakati wa kuponya majeraha kwanza tena kwa miaka miwili 2016 na ule wa mwaka 2017, tuhubiri umoja” Alisema

Aidha akizungumzia kuhusu vitendo vya wabunge wa upinzani kususia bunge,Mchungaji Lusekelo amesema kitendo kile kinatia aibu taifa, na ameshauri wazee wajitokeze ili kusawazisha mambo na ili Taswira ya Taifa isiharibiwe.

 “Amesema hakuna wa kulaumiwa kilichotokea bungeni Dodoma, wote wanamakosa kuanzia wabunge wateule na hata Naibu Spika wa Bunge   Bi Tulia Ackson, na hiyo inatokana na uchanga, kinachotakiwa wazee waingilie kati ili suluhisho lipatikane” Alisemapia

AMVAA TB JOSHUA WA NIGERIA

Katika hatua nyingine Mchungaji Lusekelo ameitahadharisha Serikali ya awamu ya tano kuacha kumpokea Nabii TB Joshua wa Nigeria kwani kufanya hivyo kutasababisha laana kubwa kwa Taifa la Tanzania ikiwemo kunyesha mvua sizizo fahamika.

Amesema TB Joshua hana unabii wowote, Zaidi anadanganya umma wa wananchi wanahudhuria katika kanisa lake,lakini hana lolote ambalo linawashinda wachungaji wa Kitanzania wanaotangaza injili kwa lugha ya Kiswahili.

“Nimesikia ati TB Joshua anakuja Nchini na anatarajiwa kupokelewa na Rais Magufuli…nataka nimwambie Rais Magufuli kumpokea TB Joshua ni kuleta laana katika Taifa. Hana la ziada ambacho wachungaji wa ndani hawana.”Alisema

Lusekelo ametoa taadhari kwa nchi kutompokea tena mhubiri maarufu kutoka nchini ya Nigeria TB Joshua kwa kile alichosema atasababisha maafa makubwa kutokea nchini kwa madai kuongozi huyo hana sifa ya kuwa mhuburi.

“Huyu Tb Joshua afai hata kidogo ni mtu mwongo ambaye anafaa kuzuiliwa,ni mtu muongo hivyo endapo Rais Magufuli akienda kumpokea tena huyu Tb Joshua basi yatatokea maafa makubwa sana nchini”amesema Lusekelo.