SHEIKH JALALA AWAKUTANISHA MASHEIKH, MAIMAMU WA MADHEHEBU TOFAUTI, WAJADILI DHULMA DHIDI YA WAPALESTINA

Kiongozi Mkuu wa Waislam dhehebu la Shia Ithnasheriya Tanzania Sheikh Hemed Jalala akifafanua jambo kwa waandishi wa habari kuhusu siku ya Quds inayokumbukwa na Waislamu wote Duniani kote.Matembezi ya siku hiyo hapa nchini yanatarajiwa kuwa Tarehe mosi mwezi ujao.

Masheikh na Maimamu wakiwa katika semina maalum inayohusu kutafakari juu ya kadhia ya Palestina, semina hiyo ilifanyika katika Msikiti wa Al Qadir Kigogo Post Daresalaam.

Kiongozi Mkuu wa Waislam dhehebu la Shia Ithnasheriya Tanzania Sheikh Hemed Jalala amesema kila mwanadamu anawajibu kupiga vita dhidi ya matendo ya dhulma wanayofanyiwa Wapalestina.

Hayo ameyasema jana katika semina maalum ya Quds, iliyowakutanisha Viongozi wa Dini, mbalimbali wakiwamo Maimam,Masheikh na Maustadhi,kutoka Madhehebu mbalimbali ya Kiislam, semina iliyofanyika Masjid Ghadir,Kigogo Post Dar es salaam.

Katika simina hiyo ya siku moja iliyokuwa na dhamira ya kujadili umuhimu wa kadhia ya Palestina na jinsi inavyotuunganisha waislamu kama kadhia mama, Jalala ametumia nafasi hiyo kufikisha ujumbe kwa umma kuwa kuna haja ya Waislamu kupinga matendo wanayofanyiwa wapalestina kwani suala hilo halina mahusiano na uarabu na Siasa.

 Amesema wapalestina wanafanyiwa uvamizi katika nchi yao, wamekuwa hawana Amani kama Nchi zingine na kwamba jambo hilo halikubaliki ni lazima lipigiwe kelele ili Wapalestina waweze kupata haki zao za msingi.

“Sisi kama waislam tumeelekezwa juu ya kujali mambo ya Waislamu wenzetu, lakini nataka niseme wanaopata tabu pale Palestina si Waislamu peke yao, kuna Wakristo pia niwaombe Watanzania kwa ujumla kufahamu hilo na kuwaombea wenzetu wawe na Amani”Alisema Sheikh Jalala

  Amesema pindi Sauti inapopazwa ndivyo vyombo vya umoja wa mataifa ukavyodhi kuelelewa ukubwa wa Tatizo na hivyo kuweza kutoa shuruhisho muhimu kwa mustakabali wa Amani ya Palestina

“Tunaomba vyombo vya umoja wa mataifa, Watanzania Waislamu na wasio Waislamu kuunga mkono jitihada za kupinga dhulma dhidi ya watu wa Palestina, kwa kuwaombea ili nao waweze kufaidi keki ya Amani kama Watanzania wanavyofanya.

Aidha amesema Wapalestina wakristo na waislam wakae vizuri na dini zingine kama kama ilivyo Tanzania, na hilo linawezekana kama dunia itaamua kupiga kelele juu ya umuhimu wa Wapalestina kupewa haki zao

 “Tungependa Palestina tuione ina Amani kama Tanzania, Nchi hii inajulikana kwamba ni kisiwa cha amani, ni mahala pa maelewano, katika historia yake ya Tanzania haitambui ubaguzi na hivyohivyo palestina iwe ni mahala pa amani, iwe ni mahala hapana ubaguzi, watu wote wakae pamoja, wakae kwa maelewano, dhulma isambaratike, dhulma iondoke” Alisema Jalala

 Alisema unapoingalia historia ya palestina na yanayojiri katika ardhi ya palestina ni dhulma unyonyaji, ukandamizaji ambao ni makosa na wala hauruhusiwi kuunyamazia kimya si kwa Waislamu au Wasiokuwa Waislamu

 Waislamu na Wasio Waislamu wanaikukumbuka na kuadhimisha siku ya Quds Duniani ambayo kwa maana nyingine wanaadhimisha na kuikumbuka palestina (Msikiti mtukufu wa Quds na ardhi tukufu), Kuikumbuka palestina na siku ya Quds ni jambo ambalola kitabia(kiakhlaq), pili ni jambo la kidini ‪na tatu ni jambo la kiuwanaadam. ‪

‪