GAZETI LA DIRAMTANZANIA KUFUATA NYAYO ZA MAWIO,NI LILE GAZETI LINALOPAMBANA NA MAFISADI,DK MWAKYEMBE AAPA KUPAMBANA NALO,SOMA HAPO KUJUA

GAZETI la DiraMtanzania linaweza likawa Gazeti la pili kufungia na Utawala wa awamu ya tano chini ya Rais John Magufuli na kufuata nyayo za Gazeti la Mawio ambalo nalo lilifungiwa na utawala huu.(Mtandao huu umedokezwa).Anaandika KAROLI VINSENT endelea nayo.

Gazeti la DiraMtanzania ambalo ni Gazeti linalotoka kwa wiki ambapo kwa sasa litajwa uwenda likakumbana na hali hiyo kwa kile kinachoitwa kuandika habari zinazowachukiza “watalawa”.

Taarifa kwa za kuaminika kutoka ndani ya ofisi wa Msajili wa Magazeti nchini ambazo Fullhabari.blog imezipata zinasema gazeti hilo limekuwa na mwenendo mbaya ambao umeanza kuitiliwa shaka na ofisi hiyo na kujiandaa kuchukua maamuzi magumu.

“Nakueleza kabisa baada ya Mawio hili linafuata,kwani hata viongozi wameanza kulichukia gazeti hili kwa kuandika habari ambazo wao wanaziona hazifai nakuhakikishia hili gazeti alifiki mbali lazime likumbane na kibano”kimesema Chanzo chetu hicho.

Kuibuka kwa Taarifa kwa Gazeti hilo ambalo limejipatia umaarufu hivi sasa kwa kuibua masuala ya ufisadi na kupelekea viongozi mbali mbali wa serikali kufukuzwa kazi kutokana na habari wanazoziandika,kuna kuja ikiwa ni siku moja kupita baada ya Waziri wa Katiba na Sheria,Dkt Harrison Mwakyembe kutishia kulipekeleka gazeti hilo mahakamani.

Mwakyembe ambaye ni Mbunge wa Kyela mkoani ambaye aliwaambia waandishi wa habari jana mjini Dodoma kuwa ameshtuka na taarifa zilizondikwa na gazeti hilo kuwa ametumia wazifa wake kujichotea zaidi ya bilioni mbilikutoka  kwa kampuni moja ya kigeni.

“Hii si mara yangu ya kwanza kutuhuma na baadhi  ya habari kwa sababu mbalimbali zikiwemo za kisiasa, napenda nikiri mbele yenu kuwa sijawahi, kushuhudia upotoshaji mkubwa na wa makusudi na uzushi uliopitiliza na chuki binafsi iliyo bayana kama ambavyo gazeti hili limefanya,” alisema Dk. Mwakyembe na kuongeza;

“Nina taarifa kuwa, wameuza sana magazeti; naambiwa print order (idadi ya nakala) yao imeongezeka na kwamba taarifa yao imesambaa kwenye mitandao ya jamii, hivyo dunia nzima inajua mimi nina tuhuma za wizi, za utapeli.”

Mbali na Mwakyembe kusema hayo,pia teyari MAHAKAMA  ya Hakimu Mkazi Kisutu, imewapandisha kizimbani, mhariri na mwandishi wa gazeti la Dira ya Mtanzania, Musa Mkama na Prince Newton kwa kosa moja la kuandika habari za uongo zilizoleta mtafaruku kwa jamii.

Akisoma hati ya mashtaka jana mbele ya Hakimu Respicius Mwijage, Wakili wa serikali, Timon Vitalis na Hellen Mushi, alidai mahakamani hapo kuwa, mnamo Juni 20 katika eneo la Biafra Kinondoni, Jijini Dar es Salaam washtakiwa hao waliandika na kuchapisha habari za uongo katika gazeti la ‘Dira ya Mtanzania’ toleo la 424 la tarehe 20 hadi 26 ambazo zilisababisha hofu na mshtuko kwa jamii kwa kutoa taarifa za uongo kuwa ’Kifaru cha kivita cha Jeshi la Wananchi(JWTZ), chaibwa.'

Alidai kuwa kitendo hicho ni kosa kisheria na ni kinyume na sheria ya magazeti.

WADAU WA HABARI WANENA.

Wakizungumza kwa nyakati tofauti wadau mbali mbali wa habari wamesema endapo Gazeti hilo likifungiwa litakuwa limeiweka picha mbaya utawala wa serikali ya Magufuli.

‘Kama magazeti kama haya yanafichua wezi na matapeli ya Nchi,harafu leo magazeti kama haya unayafungia,hata sifa ya kukaa jukwaani na kusema unapambana na mafisadi teyari unakuwa umejiondolea sifa hiyo”amesema Erasto Kaini Mwanafunzi wa Shabada ya Pili katika masuala ya Mawasiliano kwa Umma kutoka chuo Kikuu Huria cha Tanzania