SAKATA LA KUTEKWA KWA MWANAHABARI WA DW NA GAZETI LA MWANANCHI ZANZIBAR,MAPYA YAIBUKIA KWA POLISI,SOMA HAPO KUJUATU

 

NA KAROLI VINSENT

WAKATI ikiwa haijulikani alipo mwanahabari Bi Salma Saidi  ambaye ni Mwandishi wa habari wa Gazeti la Mwananchi na shirika la Utangazaji la Ujerumani (DW)  kutoka Zanzibar baada ya kutekwa na watu wasiojulikana juzi maeneo ya uwanja wa ndege wa Mwalimu Juliasi Nyerere akitokea Zanzibar,

Tukio hilo imelifanya Baraza la Habari nchini (MCT) kushirikiana na Mtandao wa watetezi wa haki za Binadamu Tanzania   (THRDC),Jukwaa la Wahariri nchini (TEF)  Umoja wa wanahabari Tanzania (UPTC) kuibuka na kuipa Jeshi Polisi siku nne Kuhakikisha wanampata Mwandishi huyo wa habari lasivyo watakwenda mahakamani,

Kitoa Tamko hilo hilo leo Jijini Dar es Salaam kwa niaba ya Taasisi hizo nne, mratibu wa (THRDC) Onesmo Olenguruma wakati wa mkutano na waandishi wa habari ambapo wao kwa pamoja wanalaani tukio la kutekwa kwa mwandishi huyo.

Hata hivyo amesema mazingira ya kutekwa kwa mwandishi huyo wanayafananisha na kazi yake ya habari kwani alipokuwa Zanzibar wakati  anaripoti vizuri kuhusu hali ya uchaguzi wa marudio amedai kuwa alikuwa anakumbana na matatizo,

Olenguruma ameyataja matatizo hayo ni kwamba  mara kwa mara wakati akiripoti habari hizo alikuwa napigiwa simu mbali mbali na watu wasiojulikana walikuwa wanampa vitisho,

“Kwa mazingira haya yote aliyokumbana nayo Bi Salma yametokana na kazi yake,kwahiyo tunaiomba Jeshi la Polisi ndani ya siku nne wawe wameshampata Bi Salma ,lakini kama watashindwa sisi tutakwenda mahakamani ili tuiomba mahakama itoa hati kwa polisi kumtafuta Bi Salma awe mzima au amekufa”amesema Olenguruma.

  Kwa Upande wake Katibu Mtendaji wa (MCT),Kajibu Mkajanga amesema hali ya Zanzibar sio salama kwa wanahabari kutakana na  hali misuguano inayoendelea visiwani humu huku akiwataka waandishi wa habari wawe makini.

Naye Theophil Makungu ambaye ni mwenyekiti wa Jukwaa la wahariri amesema kwa sasa wanalisihi jeshi la Polisi kuhakikisha wanamwokoa mwanahabari huyo kutoka  kwa watu waliomteka.

  MAZINGIRA YA KUTEKWA YALIVYOKUWA,

Mwandishi wa Habari wa Radio Deutsche Welle(DW-Swahili), Salma Said jana alikamatwa na watu wasiojulikana kwenye Uwanja wa Ndege wa Kimataifa wa Abeid Amani Karume mjini Unguja, alipokuwa akisafiri kwenda Dar es Salaam kwa ajili ya kuangalia afya yake. 

Akizungumzia tukio hilo jana, mume wa Salma, Ali Salim Khamis ambaye pia ni Mbunge wa Mwanakwerekwe (CUF), alisema alipata ujumbe wa maandishi kutoka kwa mkewe kwamba amekamatwa.

Khamis alisema alipokwenda uwanja wa ndege aliambiwa na mkuu wa polisi wa uwanjani hapo kwamba hana taarifa za tukio hilo jibu ambalo alilipata pia kwa Kamanda wa Polisi wa Wilaya ya Mjini Magharibi.

Alisema aliamua kwenda kwa Kamanda wa Polisi wa Mkoa ambako pia aliambiwa hawana taarifa za kukamatwa kwa Salma. “Hadi sasa sijui mke wangu yuko wapi bado naendelea kumtafuta.”

Khamis alisema Salma alikuwa tayari amepitia taratibu zote na alikuwa akisubiri kuingia ndani ya ndege ambayo haikutajwa, lakini alisema ndege hiyo iliyokuwa iondoke saa 8.05 mchana ilizuiwa na watu hao wanaodaiwa kuwa ni askari hadi saa tisa kasoro, walipoiruhusu lakini ikidaiwa kuwa waliondoka na Salma kwenda kusikojulika