WATUMIAJI WA SHISHA HATARINI,KUPATA UGONJWA HUU HAPA,SOMA HAPO KUJUA

WATUMIAJI wa kilevi aina ya “Shisha” wakao hatarini kupata ugonjwa wa  satani zaidi kuriko wavutaji wa sigara.Anaandika KAROLI VINSENT endelea nayo.

Hayo yameelezwa leo jijini Dar es Salaam na Mkurugenzi wa Chama cha Kudhibiti matumizi ya Tumbaku nchini,(UICC)RutiGadi Kagaruki wakati wa seminina kwa wanahabari iliyoandaliwa na shirikisho la vyama vya magonjwa yasiyo  ya kuambukiza(TANCDA) ili kuwajengea uwezo wa kujua magonjwa ya yatokanayo na saratani,

Ambapo  Bi Kagaruki amesema kwa sasa hapa nchini kumekuwa na watumiaji wengi wa kilevi cha Shisha huku Tafiti zikionyesha watumiaji wengi wa kilevi hicho ni vijana ambapo watazamiwa kupatwa ugonjwa wa saratani kuriko watumiaji wa Sigara.

“Matumizi ya Shisha yameonekana kwa sasa ni hatari sana kwani licha ya kuwa na tumbaku nyingi sana lakini watoaji shisha hizo wamekuwa wakichanganya aina flani ya madawa ili kupunguza harufu ya tumbaku,lakini licha ya kufanya hivyo ndio wamekuwa wakiweka madawa ambayo ni hatari zaidi kwa binadamu”amesema Bi Kagaruki.

Bi Kagaruki amesema katika sehemu za starehe kumekuwa na mwamko kwa vijana wamekuwa wakitumia kilevi hicho kwa kasi huku akitahadharisha serikali ni wakati wa kuvizuia vilevi hicho kwa hatari la kuliokoa taifa.

Hata hivyo,Bi Kagaruki amesema Tumbaku huua wavutaji milioni sita kwa mwaka duniani huku wengine wasiovuta laki sita  hufa kutokana na kuvuta moshi huo wa tumbaku.

Amebainisha kuwa matumizi ya tumbaku ni sababishi kubwa la saratani na vifo  vinavyotokana na saratani na pia magonjwa mengine yasioambukiza,kama moyo,magonjwa sugu ya kifua na kisukari.

Bi Kagaruki ameongeza kwa kusema kuwa utafiti mdogo uliofanywa na mwaka 2009 kwenye Taasisi ya saratani ya Ocean Road na Hospitali ya Taifa Muhimbili ulionyesha kuwa asilimia 32% ya saratani zote hapa nchi husababishwa na matumizi ya tumbaku.

Hata hivyo Bi Kagaruki ameitaka serikali kurekebisha sera ya kodi za tumbaku kwa  kuzidisha kodi katika bidhaa zote zitokanazo za tumbako jambo analodai litachangia kupunguza matumizi ya tumbaku.

Vilevile Bi Kagaruki  ametoa wito kwa wananchi kuacha kutumia matumizi ya  sigara,kupunguza ulaji wa nyama nyekundu na zilizosindikwa,kufanya mazoezi mara kwa mara na kuacha kunywa pompe jambo analodai linaweza kuongeza ubora wa afya.