MBUNGE KUBENEA AWACHACHAFYA WABUNGE WA CCM,SOMA HAPO KUJUA

Saed Kubenea, Mbunge wa jimbo la Ubungo

SAED Kubenea, Mbunge wa Ubungo amelieleza Bunge kwamba Serikali ya Tanzania inaendeshwa kidikteta. Anaandika Dany Tibason.

Kauli hiyo ameitoa jana bungeni wakati akichangia Mpango wa Maendeleo wa Mwaka Mmoja na kuongeza, serikali inakamata na kutesa pia hata kuua raia wake na kwamba, usalama wa raia nchini ni kitendawili.

Kubenea amesema, serikali pamoja na kujigamba kuwa upo usalama katika suala la ulinzi lakini imekuwa ikitumika kuwaua raia wake huku watuhumiwa wakishindwa kuchukuliwa hatua yoyote.

Katika mjadala huo ambao wabunge wengi wa Chama Cha Mapinduzi (CCM) walikuwa wakiomba miongozi pia taarifa, Kubenea alitaja majina ya baadhi ya raia waliotesa wakiwa mikononi mwa serikali.

Alimtaja Daudi Mwangosi ambaye alikuwa mwadishi wa Kituo cha Televishen cha Channel Ten pia Mwenyekiti wa Klabu ya Waandishi wa Habari Mkoa wa Iringa (IPC) ambaye aliuawa akiwa mikononi mwa Jeshi la Polisi Septemba 2012.

Wengine waliotajwa kama mfano wa ubabe wa serikali katika kutesa raia wake ni pamoja na Dk Steven Ulimboka ambaye alikuwa Mwenyekiti wa Jumuiya ya Madaktari Tanzania Desemba 2012.

Absalom Kibanda ambaye amemamilaza muda wake hivi karibuni kama Mwenyekiti wa Jukwaa la Wahariri (TEF), alivamiwa Machi 2013 na kujeruhiwa vibaya huku yeye mwenyewe (Kubenea) akiwa miongoni mwa walioshambuliwa mwaka , mpaka sasa hakuna chochote kinachoendelea kutokana na mashambulizi hayo.

Hali hiyo imemsukuma Kubenea kusema kuwa “Tanzania bado haijakuwa na usalama wa kweli kwa raia wake na ndiyo maana wananchi wanapigwa, wananyanyaswa na kupigwa huku serikali ikiendelea kufumbia macho jambo hilo.”

Akizungumzia kuhusu masuala ya Zanzibar amesema kinachoendelea visiwani humo ni ubabe wa watawala licha ya kuwa serikali iliyopo madarakani kujinadi kuwa ni ya kidemokrasia.

Kuhusu uchotwaji wa fedha kwenye akaunti ya Tegeta Escrow Kubenea amesema ni aibu kwa serikali ya sasa ambayo imeonekana kumrudisha Waziri Sospiter Muhongo ambaye alifukuzwa na bunge kwa kashfa hiyo.

Amesema, tume iliyoundwa na bunge na kusababisha mawaziri, wenyeviti wa kamati kujiuzuru imepuuzwa kutokana na wote ambao walituhumiwa kupata nafasi mbalimbali ndani ya serikali akiwemo Andrew Chenge.

Amesema Prof. Muhongo ambaye alifukuzwa na Bunge, ameteuliwa tena kushika wadhifa ule ule aliotuhumiwa nao, na kwa sasa aliyekuwa mwenyekiti wa kamati hiyo ndiye mwenyekiti wa Bunge la 11.

Kauli ya Kubenea ilionekana kuwachoma baadhi ya wabunge hususan CCM ambao mara kwa mara walikuwa wakitaka mwongozo