MAJANGILI WAISHTUA SERIKALI YA MAGUFULI,WAZIRI MAGHEMBE AUNDA KIKOSI KAZI,SOMA HAPO KUJUA

NA KAROLI VINSENT

SIKU moja kupita baada ya Jeshi la polisi Mkoani Simiyu kuwakamata watu 9 pamoja na mtu  aliyetungua ndege (Helikopta) iliyokuwa na ikifanya doria na kupelekea kufa kwa rubani  wake  Rodger  Gower (37) ,

Naye Waziri wa Maliasili na Utalii,Profesa Jumanne Maghembe ameibuka na kutangaza oparesheni kabambe ya kupambana na Majangili wa wanyama  nchini.

Akizungumza na Waandishi wa habari leo Jijini Dar es Salaam,Waziri Maghembe huku akiambatana kwenye mkutano huo na Mkuu wa Jeshi la Polisi nchini,IGP Ernest Mangu ambapo  amesema kwa sasa serikali imesikitika na tukio hilo la kinyama lilofanywa na watu anaowaita ni majangili huku akipanga kuunda kikosi cha kazi cha kupambana na watu hao.

Amesema Kikosi hicho kitakuwa na jukumu la kupambana na Majangili ambao wamekuwa wakiua wanyama pamoja na watu ambao wamekuwa wakiteketeza misuti.

Ametaja Kikosi hicho kitaundwa kwa kushirikisha Taasisi zote za Wizara (Idara ya Wanyamapori, Mamlaka ya Usimamizi wa Wanyamapori Tanzania (TAWA), Hifadhi za Taifa (TANAPA), Mamlaka ya Hifadhi ya Ngorongoro (NCAA) na Wakala wa Huduma za Misitu Tanzania (TFS).

Aidha,Amesema Kikosi hicho  kitafanya kazi kwa karibu na Vyombo vya Ulinzi na Usalama, Sheria, Mamlaka ya Bandari, Viwanja vya Ndege, Mamlaka ya Mapato Tanzania, Taasisi za Uhifadhi za ndani na nje ya Nchi na wadau wengine wa Uhifadhi;

 Waziri Maghembe amesema lengo la kikosi hicho ni kuhakikisha wanapambana na watu wanaohusika na ujangili huku akiwataka majangili kuachana na kazi hizo kwa madai kuwa serikali imepania kuhakikisha wanapambana na majangili hao.

Kwa Upande wa IGP Mangu amesema kwa sasa Jeshi lake limepanga kupambana na majangili  kwa kuzipitia upya vibali vya silaha zinatumika kwa uwindaji.

“Jeshi laPolisi tumejua kuwa hawa waliopewa vibali vya silaha kwa uwindaji ndio hawa  wanatumia silaha hizo kufanya mambo ya Ujangili,nakuhakikishieni tutazipitia silaha zote huku zengine tukizifutia kibali chao ili kupambana na watu wanaohusika na vitendo vya ujangili.