DC MAKONDA AZIDI WAMBWA MSALABANI,NI KWENYE KESI YA MBUNGE KUBENEA,SHAHIDI WAKE AJIKANYAGA,SOMA HAPO KUJUA

Saed Kubenea, Mkurugenzi Mtendaji wa Hali Halisi Publishers Ltd na pia ni Mbunge wa Jimbo la Ubungo (katikati) akizungumza na waandishi wa habari baada ya kutoka mahakamani

DENIS Mujumba, Mratibu Msaidizi wa Jeshi la Polisi, ambaye pia alikuwa Mkuu wa Upelelezi Wilaya ya Kinondoni amefura baada ya kuulizwa maswali wakati akitoa ushahidi wake kwenye kesi ya jinai inayomuhusu Saed Kubenea, Mkurugenzi Mtendaji wa Hali Halisi Publishers Ltd na pia ni Mbunge wa Jimbo la Ubungo. Anaandika Faki Sosi.

Mujumba (39) amefikwa na masaibu hayo baada ya kubanwa kwa maswali na wakili wa Kubenea, Peter Kibatala wakati akitoa utetezi wake huku Thomas Simba ambaye ni hakimu wa kesi hiyo kwenye Mahakama ya Mkazi Kisutu kuingilia kati na kumtaka “acha kupaniki.”

Kesi hiyo ambayo Paul Makonda, Mkuu wa Wilaya ya Kinondoni ndio mlalamikaji, ilifunguliwa tarehe 15 Desemba mwaka jana baada ya viongozi hao wawili kugombana kwenye Kiwanda cha nguo cha TOOKU kilichopo Ubungo, jijini Dar es Salaam tarehe 14 Desemba mwaka jana.

Wakili Kibatala alimuuliza Mujumba kuwa, yeye alikutana na baadhi askari polisi kwenye eneo la tukio, je alikuwa anawafahamu na kwamba walikuwa chini ya nani? Mujumba alijibu kuwa aliwakuta askari hao na kuongeza kwamba, hakufahamu askari hao na kwamba hakujua walikuwa chini ya nani.

Kibatala: Wewe ndio mwenye wajibu wa kuchunguza kesi hiyo, kwani wewe ndio Mkuu wa Mkuu wa Idara hiyo? na kwamba siku hiyo kulikuwepo waandishi wa habari je, ulipata ushahidi wa picha za video na sauti kutoka kwa waandshi wa habari?

Mujumba: Ni kweli kulikuwepo na waandishi na kwamba niliwasiliana na waandishi hao ili wanipe ushahidi wa picha, sauti au video. Waandishi walinijibu kuwa hawana ushahidi huo.

Kibatala: je ulikwenda na askari wangapi?

Mujumba: nilikwenda na askari wanane au tisa.

Kibatala: wataje majina

Mujumba: Ni Sajenti Peter, PC Hamis, Joachim na Doel.

Kibatala: Shahidi hajui askari wake kwani anajua jina moja tu la mwanzo na hajataja wote.

Maswali haya yalisababisha Mjumba kukunja sura na kutoa sauti ya juu huku akitaka kubishana, Hakimu Simba alimwambia “acha kupaniki” na kumtaka aache kubishana na wakili.

Hakimu Simba pia alimwambia Mujumba kwamba hana uwezo wa kubishana na wakili huyo na kuwa, anachotakiwa ni kujieleza kwa kujiamini.

Wakili Kibatala kwa kutumia sheria Namba 155(a) aliiomba mahakama kuonesha picha za ushahidi zilizokuwa zianonesha hali halisi ya tukio.

Wakili huyo aliinesha mahakama picha ambazo zilionesha kuwepo kwa askari walioshika bunduki na kumzingira Kubena, kwenye picha hiyo Mujumba hakuwemo.

Hapo awali Mujumba aliieleza mahakama kwamba yeye ndiye aliyemsihi Kubenea aende naye kwenye Kituo cha Polisi Magomeni, hivyo Wakili Kibatala aliongeza kuwa, kwa kutokuwepo kwenye picha ile Mujumba alitoa maelezo ya uongo. Hakimu Mkazi hata hivyo, baada ya shahidi huyo kutoa ushahidi wake, Hakimu Simba alihairisha kesi hiyo hadi tarehe 15 na 16 Aprili mwaka huu.