IDADI YA VIFO VYA MASHABIKI WA ARSENO NA MAN U YAONGEZEKA,SOMA HAPO KUJUA

 

IDADI ya watu waliofariki kufuatia shambulio la al-Shabab katika mgahawa mmoja ambapo watu walikuwa wakitazama mechi ya Arsenal na Manchester United mjini Baidoa, Ethiopia imefika 30.

Shirika la Utangazaji la Uingereza (BBC) limeripoti kwamba, watu 50 wanauguza majeraha hospitalini.

Mji wa Baidoa, ambao ndio Makao Makuu ya Jimbo la Kusini Magharibi, ulikuwa chini ya al-Shabab kabla ya kukombolewa na majeshi ya Ethiopia wakishirikiana na wanajeshi wa Somalia mwaka 2012.

Rais wa jimbo hilo, Shariff Hassan ameshutumu shambulio hilo na kuwahimiza wakazi kusaidia na maofisa wa usalama.

Gari lililotegwa mabomu lilitumiwa kulipua mgahawa wa Somali Youth League uliojaa watu waliokuwa wakitazama mechi hiyo ya Ligi ya Premia nchini Uingereza jana jioni. Baadaye, washambuliaji waliingia ndani.

Kwenye shambulio la pili, mshambuliaji wa kujitoa mhanga alijilipua akiwa barabara, eneo lenye watu wengi.

Shambulio hilo lilitekelezwa viongozi wa mataifa yanayochangia majeshi kwenye Kikosi cha Umoja wa Afrika nchini Somalia (Amisom) wakimaliza mkutano wao nchini Djibouti.

Viongozi hao walikubalia kwamba, ipo haja ya kutathmini upya mkakati wa sasa wa kukabiliana na wapiganaji wa Kiislamu wa al-Shabab.

Katika siku za karibuni, kundi hilo limezidisha mashambulio, sana likilenga kambi za jeshi na maeneo ya umma.