NARCO YAANZA KUWAFURUSHA WALIOVAMIA MAENEO YAO... YATOA SIKU 30 KWA WALIOVAMIA RANCHI YA RUVU KUHAMA...

Kaimu meneja mkuu wa Kampuni ya Ranchi za Tifa (NARCO) Bwire Kafumu, akifafanua jambo kwa waandishi wa habari katika eneo la Ranchi Ruvu.

Kamati ya ulinzi na usaklama wilaya ya Bagamoyo, wakiwa katika kikao, kijiji cha Kidogozero, kata ya Vigwaza Halmashauri ya Chalinze.

Mkuu wa wilaya ya Bagamoyo, Majidi Hemed Mwanga, mwenye miwani akitafakari baada ya msafara wake kunasa kwenye tope katikati ya msitu wa Ranchi ya Ruvu

Mkuu wa wilaya ya Bagamoyo, Majidi Hemedi Mwanga katikati mwenye miwani, kulia ni meneja wa Ranchi ya Ruvu Dkt. Jemes Elirehema Mtae na wa mwisho kulia ni kaimu meneja mkuu wa Ranchi za Taifa,(NARCO) Bwire Kafumu

Na Athumani Shomari- Bagamoyo.

Kampuni ya Ranchi za Taifa (NARCO) imetoa siku 30 kwa watu wote walovamia Ranchi ya Ruvu iliyopo kata ya Vigwaaza wilayani Bagamoyo kuondoka kwa hiyari katika eneo hilo.

Tamko hilo limetolewa na kaimu meneja mkuu wa Kampuni ya Ranchi za Taifa, Bwilre Kafumu alipokuwa akitoa taarifa ya uvamizi wa ranchi ya Ruvu mbele ya mkuu wa wilaya ya Bagamoyo.

Kafumu amesema Ranchi hiyo ambayo ni moja kati ya Ranchi 14 zilizopo chini ya umiliki wa Kampuni ya Ranchi za Taifa NARCO  imeanzishwa mwaka 1956 na Shirika la Kilimo Tanganyika TAC na baada ya hapo mwaka 1961 ilichukuliwa na wizara ya kilimo chini ya Kampuni ya Ranchi za Taifa NARCO.

Kafumu, amesema kuwa, NARCO ina mipango ya muda merfu, muda mfupi muda wa kati, ambapo mipango ya muda wa kati ni pamoja na ujenzi wa machinjia ya kisasa inayojengwa Ruvu ambayo inatarajiwa kuchinja Ng’ombe elfu thelasini, 30,000 na mbuzi elfu themanini 80,000 kwa mwezi.

Ranchi ya Ruvu imekumbwa na changamoto kadhaa ikiwemo kuvamiwa na wanachi wanofanya shughuli mbalimbali ndani ya eneo hilo ikiwemo ufugaji, kilimo na ukuataji mkaa, ambapo sasa wametakiwa mpaka kufikia tarehe 26 mwezi wa pili wawe wameondoka katika eneo hilo.

Eneo hilo lenye ukubwa wa hekta 44,000 limezunguukwa na vijiji vilivyopo kata ya Vigwaza katika Halmashauri ya Chalinze vikiwemo vijiji vya kwa Zoka, Buyuni, Kitonga, Kidogozero na Mkenge, ambapo wananchi wa vijiji hivyo kupitia serikali zao za vijiji wameiomba serikali kutafuta uwezekano wa kuwaongezea eneo kutoka NARCO ili waweze kufanya shughuli za kilimo na makazi.

Kwa upande wake mkuu wa wilaya ya Bagamoyo Majidi Hemedi Mwanga amewataka viongozi wa vitongoji na vijiji kuorodhosha majina ya wananchi wenye mahitaji ya ardhi na kuyawasilisha kwenye mkutano wa kijiji ambao utahudhuriwa na mkuu wa wilaya, ili kuona uwezekano wa kuomba eneo kutoka NARCO, huku akiwaonya wenyeviti wa vijiji kuepuka udanganyifu katika zoezi hilo.

Amesema katika zoezi hilo majina yote ya wahitaji wa aridhi yatapitiwa mbele ya mkutano mkuu wa kijiji husika na kwamba mwenyekiti atakae orodhesha jina ambalo sio la mkazi wa kijiji husika atachukuliwa hatua za kisheria.

Majidi amesema wenyeviti wengi wana tabia ya kuuza maeneo ambapo amewaonya wenyeviti wa vitongoji au vijiji wenye tabia hiyo waiyache mara moja vinginevyo sheria itachukua mkondo wake.

Aidha, mkuu huyo wa wilaya ametoa wito kwa watu wote wanaotaka Aridhi Bagamoyo kufuata taratibu ikiwa ni pamoja na kufika ofisi za aridhi ili kupewa maelekezo ya eneo gani limetengwa kwa kazi gani badala ya kuuziwa na watu ambao hawajui aridhi husika imetengwa kwa kazi gani.

Mkuu wa wilaya ya Bagamoyo amefanya ziara ya kutembelea vijiji vinavyopakana na Ranchi ya Ruvu ili kupokea mahitaji ya aridhi kutoka kwa wananchi wa vijiji hivyo na kuyawasilisha kwa kampuni ya ya ranchi za taifa ili kuona kama kuna uwezekano wa kuwaongezea wananchi eneo kwaajili ya shughuli za kilimo na mifugo, na makazi