TGNP YAWAPIGA MSASA WANAWAKE NCHINI,YATOA DARASA TOSHA SOMA HAPO KUJUA

ISHWA JUU YA SHERIA NA MAKOSA YA MITANDAO

Afisa Sheria wa Wizara ya Mawasiliano, Eunice Masigati akizunzungumza na waandishi wa habari (hawapo pichani) kuhusiana na sheria za makosa ya mitandao, ambapo sheria hii itatumia Tanzania Bara na Tanzania Zanzibar wakati wa Tamasha la mtandao wa wanawake na katiba na uchumi linaloendela TGNP jijini Dar es Salaam.

Afisa Mawasiliano wa Mtandao wa Jinsia Tanzania (TGNP), Melkizdeck Karol akiwaelimisha waandishi wa habari (hawapo pichani) juu ya usalama wa sheria za mitandao wakati wa Tamasha la mtandao wa wanawake na katiba na uchumi linaloendela TGNP jijini Dar es Salaam. Pembeni ni Afisa Sheria wa Wizara ya Mawasiliano, Eunice Masigati.

Afisa Sheria wa Wizara ya Mawasiliano, Eunice Masigati akimsikiliza waandishi wa habari wakichangia mada kuhusiana na sheria za makosa ya mitandao wakati wa Tamasha la mtandao wa wanawake na katiba na uchumi linaloendela TGNP jijini Dar es Salaam.

Wanahabari wakimsilikiza kwa makini Afisa Sheria wa Wizara ya Mawasiliano, Eunice Masigatiwakati wa Tamasha la mtandao wa wanawake na katiba na uchumi linaloendelea TGNP jijini Dar es Salaam.

Wanawake kote nchini wametakiwa kutosubiri kuwezeshwa bali wajiwezeshe wewenywe ili waweze kujikomboa kiuchumi na kuwa na maendeleo yatakayo wawezesha kujikwamua kiuchumi.

Wito huo umetolewa jijini Dar es Salaam na Mbunge mstaafu wa viti maalumu wa mkoani Songea Devotha Likokola katika tamasha la wanawake linalo endelea katika ofisi za TGNP mtandao Mabibo, ambapo amesema wakati uliopo sasa si wanawake kusubiri kuletewa mabadiliko bali wanatakiwa kujishungulisha kwa kujiunga na vikundi mbalimbali ili waweze kujikomboa kiuchumi.

Ameongeza kuwa wanawake wanatakiwa kuungana kwa pamoja ili kuweza kuwezeshwa kiuchumi na serikali, kwani nguvu ya mtu mmoja haiwezi kuleta maendeleo kwa wanawake wote bali ni kwa kuunda vikundi na kuwa kitu kimoja ili kuweza kujikomboa kiuchumi.

Likokola ameongeza kuwa wanawake wanatakiwa kutokuwa waoga kujaribu kujishugulisha katika shuguli mbalimbali kwa kudhani kwamba hawawezi kufanya shughuli hizo na kujenga dhana kuwa wanaume pekee ndio wanaoweza kufanya shughuli za kimaendeleo katika jamii na kuleta maendeleo kwani hata wanawake nao wanaweza kwa juhudi za kujishugulisha kwa bidii.

Kwa upande wake Neema Masanja alisema kuwa yeye kama mwanamke hana dhana ya kusubiri kuwezeshwa kwani ameisha jiwezesha mwenywe kwa kujiunga na vikundi vya Vikoba ambavyo vime muwezesha kuendesha shughuli zake za maendeleo bila kutegemea kuwezeshwa.

Aidha ametoa wito kwa wanawake wenzake kutokuwa na dhana ya kusubiri kuwezeshwa kwani Dunia ya sasa ni ya tofauti sana na wanawake wanatakiwa kutojimbweteka kusubiri kuletewa nyumbani na wanaume wao bali wanaweza kujiunga na vikundi mbalimbali vya Vikoba ili kuweza kupata mikopo ya kuweza kufanya biashara zao bila kuwa tegemezi.

Habari hii imeandikwa na Moshi Shabani Mallema, DAR ES SALAAM