MTIHANI WA DARASA LA SABA KESHO,NECTA YASEMA NENO,SOMA HAPO KUJUA

Katibu mkuu wa baraza la Mitihani nchini NECT Docta CHARLES MSONDE akizungumza na vyombo mbalimbali vya Habari leo jiji

WANAFUNZI  775,729 wa Darasa la saba wanatarajiwa kufanya mtihani wa  kumaliza elimu ya msingi nchi nzima kuanzia kesho tarehe 09 hadi semptemba 10 mwaka huu.Anaandika KAROLI VINSENT endelea nayo

          Hayo yamesemwa leo Jijini Dar es Salaam na Katibu Mtendaji wa Baraza la Mitihani nchini NECTA DKT Chalses  E Msonde wakati wa mkutano na waandishi wa Habari ambapo amesema kati ya wanafunzi hao,Wavulana ni 361,502 sawa na asilimia 46.6 na wasichana 414,227 sawa na asilimia 53.4.

       Sanjari na hao pia nao watahiniwa wasiona ni 76 kati yao wavulana 49 na wasichana 27,huku watahiniwa wenye uono hafifu ambao huhitaji maandishi makubwa ni 698 ambao pia wavulana ni 330 na wasichana 368.

           Msonde amesema Masomo yatakayohiniwa ni Kiswahili,English language,Sayansi,hisabati na maarifa ya Jamii,huku Jumla ya wanafunzi 748,514 watafanya mtihani kwa lugha ya Kiswahili,na watahiniwa wengine 27,215 watafanya mtihani kwa lugha ya kingereza ambayo wamekuwa wakiitumia kama somo la kufundishia.

         Aidha,DK Msonde amesema maandalizi ya mtihani huo yamekamilika kwa asilimia kubwa ikiwa ni pamoja na kusambaza karatasi za mtihani,kusambaza kwa fomu maalum za OMR za kujibia mtihani pamoja na Nyaraka muhimu zinazohusu mtihani .

     Vilevile Dokta Msonge ametoa  wito kwa kamati za mikoa na wilaya kuhakikisha kuwa taratibu zote za mitihani zinazingatiwa ipasavyo ikiwa ni pamoja na kuhakikisha kuwa mazingira ya vituo yapo salama tulivu na kuzuia mianya yote inayoweza kusababisha udanganyifu.

Pia Baraza hilo limesema halitasika kumchukulia hatua za kisheria mtu yoyote atakae husika katika kufanya udanganyifu wowote utakao jitokeza.