MAUZO KATIKA SOKO LA HISA DSE YASHUKA TENA,SOMA HAPO KUJUA

Meneja Masoko wa DSE Patrick Mususa wakati wa mkutano na waandishi wa Habari 
akielezea hali ya mauzo katika soko la hisa

MAUZO katika soko la hisa (DSE)kwa wiki iliyopita yameshuka kwa asilimia 78 toka bilioni 29.8 hadi bilioni 4.Anaandika KAROLI VINSENT endelea nayo.

          Hayo yamesemwa leo Jijini dare s Salaam na Meneja masoko wa DSE Patrick Mususa wakati wa mkutano na waandishi wa habari ili kuzungumzia hali ya soko katika wiki ilioyopita ambapo amesema mauzo katika soko hilo yamepolomoka kwa kiasi hicho inatokana na wawekezaji kutoa hisa zao kwenye kaunta ya TBL jambo analodai ndio limechangia mauzo hayo kushuka.

         Mususa amesema Mauzo katika wiki mbili iliyopita yalionekana kukua kutokana na Kaunta ya TBL kuongezeka mauzo lakini kwa sasa wawekezaji walipunguza mauzo katika Kaunta hiyo na kupelekea mauzo hayo kushuka.

          Aidha,Mususa amezitaja kampuni tatu zilizongoza kwa mauzo katika wiki iliyopita ni Benk ya CRDB ambayo imeongoza kwa asilimia 91.11 na kufuatia na Kampuni ya Bia ya TBL nayo kwa asilimia 7.13 huku Benki ya NMB pia nayo ikiambulia asilimia 0.54.

        Vilevile Mususa amewataka watanzania kuendelea kununua hisa kupitia njia ya simu kwa kukipiga *150*36# amesema kufanya hivyo  kutawasaidi kuongezeka kwa kipato.