USHINDI WA NAPE WAIANGAMIZA CCM MKAONI LINDI,MAMIA YA WANANCHI WAHAMIA CHADEMA,SOMA HAPO KUJUA

Na KAROLI VINSENT

ALIYEKUWA mgombea wa Ubunge kupitia chama cha Mapinduzi CCM kwenye jimbo la Mtama Suleiman Methew pamoja na wanachama zaidi ya elfu moja wamekiahama chama hicho na kujiunga na chama cha Demokrasia na Maendeleo Chadema.

   Ni baada ya kutoridhishwa na matokeo wa kura za maoni ambayo yalimpa ushindi  Katibu wa Itikadi na mwenezi wa CCM Nape Nnauye.

         Akitangaza hatua hiyo leo mkoani Lindi na kushuhudiwa na Maelfu ya wanachama wa CCM, Methew amesema amechukua hatua hiyo baada ya kubaini kutofanyiwa haki kwenye matokeo ya Ubunge na ndio sababu ya kuhamia Chadema.

         Amesema ushindi wa kura alioupata Nape hakuwa kweli kwani kura elfu saba alizopata sio za kwake.

“Leo CCM sio chama cha haki tena,yaani inauma sana mimi ndio mshindi nimepata kura elfu saba na huyo Nape alipata kura elfu tano,lakini cha ajabu kura zangu eflu saba kapewa Nape na elfu tano napewa mimi,jamani hapa haki ipo wapi ndani ya CCM,bora nihame nikatafute haki sehemu nyengine na ni Chadema”amesema Methew.

Kwa upande wake wanachama wa CCM waliohamia Chadema wamesema wamefikia hatua hiyo nao baada ya kutofurahishwa na hatua ya uongozi wa CCM kumkombatia Nape ambaye wanadai kuwa hakushinda kwenye kura hizo za maoni ambazo wanazidi dai kuwa Methew ndio alishindinda na sio Nape.