HABARI KUBWA LEO,PINDA ASUSIA OFISI YAKE,ACHUKIZWA NA MCHAKATO WA URAIS CCM,SOMA HAPO KUJUA

Waziri Mkuu, Mizengo Pinda akizungumza na Kiongozi wa Upinzani Bungeni, Freeman Mbowe kwenye viwanja
 vya Bunge Mjini Dodom picha na Maktaba

WAZIRI mkuu Mizengo Pinda amemsusia Ofisi Rais Jakaya Kikwete tangu kumalizika mchakato wa kutafuta mgombea wa Urais ndani ya Chama cha Mapinduzi CCM .(Mtandao huu umedokezwa)Anaandika KAROLI VINSENT Endelea nayo.

          Waziri mkuu Pinda ambaye alikuwa mtia nia wa nafasi ya Urais ndani ya CCM na inatajwa kuwa  jina lake lilikatwa katika hatua za mwanzo za mchujo wa wagombe wa chama hicho.

           Taarifa za kuaminika kutoka ndani ya Ofisi ya Waziri mkuu zinasema kwa sasa  Waziri mkuu Pinda ajarudi ofisini tangu mchakato wa Urais wa CCM kumalizikia takribani mwezi mmoja sasa kwa kile kinachoitwa ni “kutorizikia” na mchakato wa Urais ulivyoendesha  ndani ya CCM ambao  unatajwa ulikuwa ni uvunjifu wa kanuni za CCM.

              Taarifa hiyo inasema kwa sasa Pinda ameamua kususia Ofisi hadi masuala ya Siasa na kujichimbia Kijijini kwake,akiendelea na shughuli mbali mbali ikiwemo kilimo.

            Kwa mujibu wa Mtoa taarifa wetu aliyoko Kijijni kwa Pinda anasema waziri mkuu huyo amechukizwa na rafu zilizofanyika wakati wa kuteua mgombea Urais ndani ya CCM.

        “Huyu bwana amekasirika sana na jinsi alivyofanyiwa na Vigogo wa CCM,yaani kitu kinachomuumiza zaidi ni kwamba,Waziri mkuu aliyekaa takribani miaka nane kwenye Utawala wa Kikwete,tena amemsadia kwenye mambo mengi sana,leo aonekane hana maadili,kutokana na kitendo cha Kamati ya Maadili kulikata jina lake,ndio anavyokuwa na Tafriri hiyo kwamba yeye hana maadili anaumia sana”amesema.

         Ameongeza kwa kusema kuwa  “Pinda amepima miaka yote kwaanzia 1995,2005 mawaziri wa wakuu walikuwa wanapita hadi tano bora,anashangaa inakuwaje yeye,yaani bora angechujwa kwenye kwenye kura za Nec,yaani anashangaa yote aliofanyiwa,yaani anajiuliza wema wote aliomfanyia Kikwete kwenye utawala wake ndio malipo anayolipwa ni fedheha hii”

         Mbali na Waziri mkuu Pinda waliochukizwa na hatua zilizotumika katika upatikanaji wa mgombea wa Urais wa CCM ambaye amepatika Waziri wa Ujenzi John Pombe Magufuli,mwengine ni Waziri mkuu wa zamani Edward lowassa aliyejitokeza hadharani na kusema wazi wazi kwamba mwenyekiti wa CCM,Jakaya kikwete alikuwa anawagombea wake mifukoni.

          Viongozi wengine waliopinga mchakato huo ni waziri Ofisi ya Rais asiyekuwa na wizara Maalum Profesa Mark Mwandosya ambaye naye alimtupia Lawama Rais Kikwete pamoja na Kamati ya Maadili kuwa waliokuwa na wagombea wao mifukoni.

         Profesa Mwandosya ambaye ni Mbunge wa Rungwe amesema hata vikao vya vya CCM vilikuwa vimepooza baada ya wanachama kubaini michaakato ya kuteua mgombea Urais viligubikwa na ubabe.