HOMA YA MECHI KATI YA SIMBA NA YANGA.KAMANDA KOVA ATOA ONYO KALI KUHUSU MECHI HIYO

Na Karoli Vinsent

Jeshi la Polisi Kanda Maalum limejipanga vyema kuimarisha ulinzi wakati wa mechi ya Simba na Yanga itakayochezwa Jumamosi ijayo kwenye Uwanja wa Taifa Jijini Dar Es Salaam.

Akithitisha hali ya Usalama wakati wa Mechi hiyo,Kamishna wa Kanda Maalum ya Polisi ya Dar Es Salaam, Suleiman Kova Wakati wa Mkutano na Waandishi wa Habari Leo Jijini hapa,ambapo Kova alisema Mashabiki wanatakiwa kukaa katika sehemu zao kadiri ya tiketi walizokata

Pia Kova aliongeza kuwa  ni marufuku kwa mashabiki kuingia na silaha aina yoyote kwa mfano chupa za maji na kusema Mageti rasmi pekee yatumike kuingia uwanjani na CCTV Camera zitatumika kuangalia na kutunza kumbukumbu kwa matukio yoyote yatakayojitokeza kabla, wakati na baada ya mchezo.

Vilevile  Barabara zote zinazopita uwanja wa Taifa zitafungwa kwa muda mpaka yatakapotolewa maelekezo mengine,

Aidha,Vitengo mbali mbali vya Polisi vitatumika kuhakikisha kwamba Amani na Utulivu vinatawala wakati wote wa mchezo huo.  Mashabiki wanatakiwa kuwa watulivu wakati wote wa mchezo na waheshimu maamuzi ya mwamuzi na utii wa sheria bila shuruti.