Ubungo Islamic: Shule kongwe iliyobaki jina tu!

 

Ubungo Islamic ni shule kongwe ya Kiislamu ambayo ilianzishwa rasmi mwaka 1992, lengo lake likiwa ni kuwaelimisha vijana wote wa Kiislamu, bara na visiwani, kuwaandaa na kuwajenga vijana kiroho na kimwili kuondokana na ujinga, kutambua Mungu wao na kuwa viongozi waadilifu watakaotetea haki za wananchi na kutatatua matatizo ya jamii inayowazunguka, lakini pia imejidhatiti kutoa elimu ya mazingira katika Nyanja zote kwa kiwango cha hali ya juu.

Shule ya Ubungo Islamic imekuwa mstari wa mbele kuwaanda vijana wa kiislamu kuzikabili changamoto za mifumo mbalimbali duniani pasi na kupoteza itikadi sahihi ya kiislamu.

Shule ina mazingira mazuri ya kukua kwa watoto, inamazingira ya kisomo na kimalezi kwa ajili ya ulezi na kusoma, kwa muda mrefu imekuwa ni shule ya jina kubwa katika uso wa Tanzania, inajamii kubwa ambayo imewahi kupita hapa, kwa upande wa walimu shule ina walimu wenye sifa na uzoefu wa kutosha kazini.

Huduma kubwa inayotolewa hapa ni hiyo elimu, tunao wanafunzi wa kuanzia kidado cha kwanza hadi cha sita, lakini pia tunao wa shule ya awali (chekechea).

Kuanza kwake…

Wazo la kuja na shule ya Ubungo Islamic limetoka mbali, shule ilianza kama madras miaka ile ya 90, baadae ikaja fikra ya kuanzishwa kwa masomo ya sekula, Alhamdullah wazo hilo lilifanyiwa kazi, toka ianze kutoa elimu ya dini na mazingira shule ina umri wa takribani miaka 27.

Swali: Wewe ni mdau mkuu katika shule hii, msomaji angependa kufahamu ufaulu ukoje ukilinganisha na miaka mingine? Jitihada za kuondoa daraja sifuli na la nne zimefikia wapi?

Jibu: ni swali zuri sana ndugu mwandishi wa habari, tokea kuanzishwa kwa shule hii tayari wameshapita wakuu wa shule 6, wote kwa wakati wao walipambana kuhakikihs ashule inafanya vizuri,

Wamekuwa wanafnya hivyo bila kuchoka, utakubaliana na mimi kuwa miaka ya nyuma, shule imekuwa ikifanya vizuri sana, lakini taratibu jina lake limekuwa likififia katika masikio ya waislamu, nitakuwaambia kwa nini, lakini elewa kuwa Ubungo Islamic ni ileile, jana leo hadi kesho,

Takribani wakuu wa shule sita wameshapita shuleni hapa, kila mmoja kwa jitihada zake alikuwa anapambana kuhakikisha shule inakuwa na ufaulu mzuri, kuhakikisha inakuwa kimbilio la waislamu wengi, jitihada hizo zimekuwa zikizaa matunda taratibu.

Mfano katika miaka sita ya hivi karibuni (2014-2020) , licha ya kwamba utaratibu wa kuwadahili wananfunzi kwa njia ya kuwachuja ulibadilika na kuja na mfumo wa kudahili wanafunzi kulingana na uwezo wao wa kifedha, yaani kumudu kulipa ada, tumeweza kufanikiwa kufuta kabisa daraja la sifuli na la nne kwa wanafunzi wa kidato cha sita.

Ni mafanikio makubwa ambayo naweza kujifaharisha nayo kwa sababu haikuwa kazi rahisi kufika hapo.

Zamani Ubungo Islamic ilikuwa ni shule ambayo inakimbiliwa na wengi na ilikuwa na ufaulu mkubwa, kilichokuja kuharaibu ufaulu wa shule ni kubadilika kwa sera, tualiacha sera yetu mama ya kuchukua wanafunzi wenye ufaulu mzuri katika mitihani yao ya mwisho, tuliacha sera yetu ya kuwachuja wanafunzi kabala ya kujiunga na shule, shida ilianzia hapo, zamanimwanafunzi hawezi kuingia hivihivi, ilikuwa ni lazima afike alama 41 (cut of point 41) ndio aweze kuchaguliwa kujiunga na Ubungo Islamic, toka kuondolewa kwa mfumo huo mambo yamebadilika kabisa.

Shule sasa imekuwa ikipata watoto wenye uwezo hafifu, kazi imekuwa kubwa Zaidi, yaani walimu wanakuwa na kazi kubwa ya ziada kuwarekebisha ili wawe na uwezo wa kukabiliana na mitihani.

Licha ya kwamba tunayo hiyo changamoto, kama shule tumekuwa tukijitahidi hivyohivyo, tumeweka malengo angalau tufute daraja sifuri na kuondoa daraja la nne, tumekuwa tukifanya hivyo na hakika kuna mwanga tunauona.

 Mikakati yetu ni kuhakikisha kuwa haturudi tena kwenye daraja la nne, tunaishia daraja la kwanza, pili na tatu.

Swali: Ni upi mchango wa wanafunzi wanaopita hapa, (Alumn)

Jibu: Sisi tunavijana wengi ambao wametawanyika katika Taasisi mbalimbali, naweza sema hakuna Taasisi yoyote hapa nchini ambayo haina kijana wetu, iwe ya binafsi au serikali, kifupi tumeenea nchi nzima, hiyo ni kwa sababu ya ukongwe wetu, tuna utaratibu wa kukutana nao kila mwaka na kuwaeleza/kuwakumbusha juu ya uadilifu, na wao pia wanatupa uzoefu wao huko makazini, uhusiano huo na wanafunzi wetu unatupa faraja sana.

 Swali: Unaona changamoto gani katika sekta hii ya elimu, kwa sasa

Jibu: Naona kama changamoto tatu hivi kwa harakaharaka, sekta ya elimu ni pana na inashikiliwa na upande wa walimu, wazazi, wanafunzi na uongozi, kwa mfano hapa Ubungo Islamic tatizo kubwa ambalo tunalo ni aina ya vijana tunao wapata shuleni, walimu wanaoletwa bado wadogo pamoja na gharama za uendeshaji wa shule,

Nikianza na changamoto ya watoto, vijana wengi wanaoletwa ni wadogo sana, ni kama wanakuja kukua, motto anafika hajui hata umuhimu way eye kwenda shule sasa mzigo wote wa kuhimiza mtoto unakuwa kwa mwalimu na mzazi, tunafanya kazi ya kulea watoto kimaadili, saiklojia ili tuwafanye wapende shule.

Kwa upande wa walimu pia kuna changamoto, walimu wengi wanaoletwa umri wao bado ni mdogo, unaona kabisa kunakipindi ambacho anapitia hivyo unahitaji kumlea kimaadili ili asiharibu watoto wetu, kama unavyofahamu kuwa hapa tunao pia wanafunzi wa kike, tunayo kazi kubwa za kuwarekebisha tabia zao.

Changamoto ya kifedha, nafahamu kuwa shule nyngi za kiislamu zinachangamoto ya mitaji, unajua hata katika shule ambazo zinafanya vizuri na kusifiwa ukiangalia mazingira yao unaona kabisa ni watu ambao wamejitoa, wamewekeza fedha nyingi sana

Wana kila kitu, wana walimu wazuri, wanafunzi wazuri lakini pia miundo mbinu mizuri, ni rahisi hata walimu kupanga program kulingana na mahitaji,

Kwa upande wa shule za kiislamu naona kama hiyo ni changamoto, mfano ni hapa Ubungo Islamic, tatizo hilo linaathiri sana utendaji wa shule, mwalimu mkuu kama kocha katika timu anakuwa na wachaezaji wake ambao anaamini anamaliza nao msimu, lakini ghafla wale wachezaji wazuri wanajikuta wanaondoka kwa sabbau ya fedha, kwa hiyo program nzima inaharibika na anayeathirika ni motto pamoja na shule yenyewe.

Unakuta hamuwezi kumaliza mwaka tayari matatizo ya kifedha yanaikabili shule, hiyo ni kwa sababu tunategemea ada za watoto. Imefikia wakati mfanyakazi ambaye uko naye leo huna uhakika wa kesho kama atakuwepo, hakuna uhakika wa ajira,

Walimu wazuri wote hapa wanakuwa kama wamejishikiza, wakipata sehehmu yenye donge nono unakuta wanakiacha kituo na kukimbilia kwenye maslahi makubwa, haya mambo yote ni kwa sbabau ya kukosa mtaji mkubwa kama wanavyofanya wengine.

Tunafukuzana sana tu hapa shuleni, serikalini wakitangaza ajira unakuta walimu wote wanakimbilia huko kwenye usalama wa ajira yao, shule inajikuta inaanza na moja kutafuta walimu, mwalimu anayekuja hawezi kufanana na yule aliyeondoka, hapo inakuwa changamoto kwa mtoto.

Kulegalega kwa shule…

Swali: Ubungo Islamic inaoneka kuendelea kupoteza umaarufu wake wa awali, yaani inalegalega na haina nguvu tena kama zamani, unadhani tatizo liko wapi hasa?

Jibu: Unachosema sio kweli, nitakupa sababu, machoni kwa watu wanadhani shule imepoteza makali yake, lakini je ni kweli imepoteza makali au ni propaganda za kibiashara?

Tukiangalia takwimu zetu, shule yetu bado ipo katika mstari mzuri, bado tuko imara, sasa hiyo hoja ya kwamba shule inashuka imetoka wapi, au wanafuata vigezo gani?  Nitaka nikuhakikishie kuwa shule yetu bado iko vizuri kwa mujibu wa takwimu zetu.

Ukiangalia takwimu za shule zinatuambia ufaulu haujawahi kushuka sana, grafu inaonyesha zigzag stlyle, yaani hakuna kupanda sana wala kushuka sana tupo katikati, sasa kwa takwimu hizo unawezaje kusema kwamba shule imeshuka? Kinachoonekana hapo ni mambo ya kibiashara, ili upate soko ni lazima utumie mbinu ya kupata wateja, sasa wapinzani wetu sokoni wanatufanyia hayo, wanaeneza propaganda chafu kwa watu ili tuonekane hatufanyi vizuri lakini nataka kukwambia hapa sisi tunaendelea vizuri licha ya changamoto zilizopo.

Kadharika, nakubali kukosolewa, najua ili kitu kizuri kitokee lazima tuangalie mapungufu yetu ya ndani, sisi sio malaika inawezekana kabisa tunazo changamoto zetu za ndani zinazotufanya watu watuseme vibaya, hakuna haja ya kujisifu wenyewe, kama hilo lipo kama unavyouliza nadhani tutalifanyia kazi,

Tunaweza kujiangalia wenyewe ndani tumejikwaa wapi hadi shule imekuwa haivumi kama zamani, tusiwe watu wa kujivunia ukongwe wetu bila kujitathmini, kusemwa kwetu kwamba tunapoteza mvuto tuliokuwa nao tusichukie hata kidogo, tuichukue hiyo kama changamoto tufanye mabadiriko ili tusonge mbele.

Athari kutokana na kupoteza mvuto…

Kwa kweli tunapata athari kubwa kwa kwa kupoteza mvuto, kwa mfano idadi ya wananfunzi wanaojiunga na shule yetu imeendelea kushuka mwaka hadi mwaka, mwaka 2016 wanafunzi ambao walijiunga na shule yetu walikuwa 200, mwaka uliofuata walishuka hadi kufikia 130, mwaka 2018 ndio ukawa mbaya zaidi, wanafunzi 50 pekee ndio tuliweza kuwasajili, takwimu hizi zinakuonyesha ukubwa wa tatizo.

Tatizo letu tunadhani kwamba bado tunaeleweka kwa jamii kumbe mambo yamebadilika, hivi sasa kuna shule nyingi za Kiislamu, watu wanatumia matangazo mbalimbali kuwavutia wateja, ni ulimwengu wa mashindano, sisi bado tumejisahau, huwezi kutusikia popote tukitangaza huduma zetu, mara nyingi tumekuwa tukitumia gazetu letu la Taasisi, lakini bado mambo si mazuri.

Kujikwamua na changamoto hizi nadhani tunahaja ya kuingia katika ushindani, tutangaze bidhaa zetu na watu watufahamu kwamba tumerudi kwa ujio mpya, lazima turudi katika nafasi yetu.

Karne ya sasa imekuwa na ushindani mkubwa, miaka ya nyuma tulikuwa tunasikika sana kwa sababu kulikuwa hakuna ushindani, shule pekee iliyokuwa ikitegemewa na waislamu ni Ilala Islamic, lakini leo hii kuna shule nyingi tena zenye uwekezaji wa kuridhisha. Kwa hiyo hata mvuto wetu umepotezwa na ushindani pia.

Enzi hizo kulikuwa hakuna wapinzani katika sekta hiyo ukiachana na Masjid Quba, na kwa mantiki hiyo Ubungo Islamic ilikuwa inachagua nani aingie na nani asiingie, kwa sababu Waislamu wote walikuwa wanaiangalia shule kwa jicho la kipekee, kila Muislamu alikuwa anatamani mtoto wake asome

Ilikuwa ni lazima mwanafunzi afikishe alama 41, mwanafunzi kama hujafikisha alama hizo huwezi kuingia hata iweje, hali hiyo ilikwenda hivyo kwa miaka mingi,

Zimekuja shule mpya za kiislamu zikachukua na sera yetu ya kuchuja, wanaweza kufanya hivyo kwa sababu  hawategemei ada za wanafunzi, sisi tumejisahau, tumekuwa tukiendesha shule kwa mifumo ya zamani, wenzetu wamekuja na mifumo tofauti, unakuta wanamiradi mbalimbali inayowafanya waweze kuendesha shule, ada inakuwa tu sehemu ya kuboresha miundo mbinu lakini haitegemei sana kuendesha shule, ndio maana wanauwezo wa kukataa wanafunzi ambao hawafiki vigezo vyao licha ya kwamba wanafedha za kulipa ada.

Migogoro ya kiongozi, hii inaua shule, hapa nishauri hasa kwa shule zetu za kiislamu, zisiendekeze migogoro, chuki na visasi, vitu hivyo vinaweza kuua shule, hiyo naina kama changamoto katika uongozi, mfano utawala ukipita basi watoe fursa ya utawala mpya kufanya kazi kwa kujinafasi, wasianze kufanya chokochoko ikapelekea kazi kuwa nzito,

Lakini pia wawe tayari kukubali kuachia nyadhifa zao bila chuki, wasianze kusambaza maneno kwa umma kiasi ambacho unaathiri taasisi ambayo ulikuwa unafanyia kazi, nimeliona hilo nikabidi nitoe ushauri wangu hapa.

Unakuta kila kiongozi ambaye amepita katika shule flani akaanza kuissema vibaya shule kwa watu wake wanaomuamini inaleta picha gani kwa jamii, huko ni kuichafua shule.

Kuna baadhi ya viongozi hatujaachana nao vizuri, wengine wamefukuzwa, sasa wanasema vibaya shule na wanaiumiza kwa vitendo vyao hivyo. Tumedumu katika hali hiyo kwa muda mrefu.

Tunaweza tukatoka, lazima tukubali mabadiliko vinginevyo hatuwezi tukatoka, tukubali kuwa sasa hivi shule iwe sehemu ya biashara, maana yake lazima tuitangaze, na kuitangaza lazima tutangaze huduma bora zinazotolewa hapa, ukitangaza huduma laikini watu hawaoni ubora huo watu bado watakukimbia, lazima turudi tujipange upya, tutengeneze huduma zetu na tuzitangaze, shule hii huwezi isikia ikitangazwa sehemu yeyote ile mbali na gazeti la Taasisi, tutoke huko, tujifunze hata kwa wenzetu waliofanikiwa, tusiamini kwamba watu wanaifahamu shule.

Lingine tuwe na utamaduni wa kuwapa uhakika wa kazi kwa walimu wetu, leo we umenikuta hapa kesho huwenda sipo…tunafukuzana sana hapa kwa sababu ndogondogo sana, walimu wengi hapa wana hofu, hawajui kesho yao watakuwa wapi, unakuta mwalimu uliyeanza naye juzi leo hauko naye, shule inakuwa inaanza moja kila kukicha, tusiwafanyie hivyo walimu, tuwatendee haki (treat them fairly)

Umuhimu wa kuwaamini wale uliowapa madaraka

Katika jambo ambalo linanikera ni kukosa nguvu ya maamuzi katika sehemu yangu ya kazi, ili shule iende inahitaji watumishi wake wafuate muundo wa uongozi, lakini linapokuja suala la kuingiliana katika majukumu inakuwa ni changamoto kubwa, mtumishi anakosa kujiamini hali inayopelekea ufanisi wake kupungua.

Prepareb by MAGALI

SOURCE: Mkuu wa Shule Ubungo Islamic, Hudhaifa Abdulmaliki Khouf