Maren Montovani: Wapalestina wanastahili huruma

 

Mwenyekiti wa Kamati ya mshikamano wa Tanzania na Palestina Abdallah Miraj Othman

Mwanaharaki na msomi wa hali ya juu kutoka nchini Italia anayepigania haki za Wapalestina Bi. Maren Montovani akizungumza na Waandishi wa habari  

Katibu wa Kamati ya mshikamano wa Tanzania na Palestina, Nizar Visram

Mwandishi wetu

Mwanaharaki na msomi wa hali ya juu kutoka nchini Italia anayepigania haki za Wapalestina Bi. Maren Montovani  amewashauri watanzania kuendelea kupaza sauti ili wapalestina wapate ukombozi wa kweli.

Bi Maren ambaye amefika nchini Novemba 30, 2021 akitokea nchini Msumbiji alikoenda kuzungumzia hali ya Palestina amesema kwa sasa wapalestina wanaishi kwa mateso nchini mwao.

Amesema wapalestina wananyanyasika kwa kuvamiwa, kupiga na hata makazi yao kubomolewa  jambo ambalo si haki hata kidogo.

Mtaalamu huyo ambaye ametumia muda mwingi kuonyesha picha kadhaa kwa waandishi wa habri zinazoonyesha ukatili wanaofannyiwa wapalestina amesema hali ni mbaya na kila mwenye huruma anapaswa kupaza sauti.

KAMATI ya mshikamano wa Tanzania na Palestina imetoa rai kwa watanzania kuendelea kupaza sauti zao ili kuvifanya vyombo vya kimataifa kuchukua maamuzi sahihi ya kuwasaidia wapalestina kupata haki yao ya msingi ikiwamo haki ya kuishi katika taifa hilo bila kubughudhiwa.

 

Aidha wametaka Tanzania kama nchi ambayo inahistoria kubwa katika masuala ya harakati za ukombozi wa mataifa ya Afrika na nje ya Afrika wajitahidi kudumisha utamaduni huo wa kusaidia wengine pindi wanapoona wanaonewa.

Akizungumza jijini Dar es Salaam, Mwenyekiti wa Kamati ya mshikamano wa Tanzania na Palestina Abdallah Miraj Othman amesema inauma sana kuona kuna taifa hapa duniani bado linapambana kupata uhuru wake huku mataifa mengine yakiwa hayatoi kipaumbele cha kuwasaidia kwa haraka.

“Tunatoa wito kwa watanzania tupaze sauti zetu kuwasemea ndugu zetu wapalestina, miaka ya nyuma tulikuwa mbele katika kuwasemea Palestina, hivi sasa tumeshuka katika kupaza sauti zetu,” alisema Miraji.

Kuna propaganda nyingi zimeingizwa hapa Tanzania kuhusu suala hili dhamira ikiwa watanzania waache kupaza sauti juu ya kupinga vitendo Aidha amesikitishwa kuona kuna baadhi ya watu wanalichukulia suala la Palestina kama ni jambo la kidini na kusisitiza kuwa  jambo hilo halijakaa kidini japo ni kweli kuna kunabaadhi ya watu wamelivarisha vazi la kidini suala hilo ili watu wengine wasiwasaidie Wapalestina.

“Suala la Palestina halina uhusiano na dini, ni suala ambalo linazungumzia haki ya watu kuporwa ardhi yao, kama tulivyokuwa tunaipigania haki za Wasauzi Africa, Namibia Msumbiji na  nchi zingine za Afrika ni sawasawa na kupigania suala la Palestina, tunachotakiwa kufanya ni kupaza sauti zetu,” aliongeza.

Akizungumzia hatua iliyochukuliwa na serikali ya Tanzania juu ya kupinga Izraeli kupewa siti katika umoja wa Afrika, Miraji amesifu hatua hiyo na kuonyesha kuwa Tanzania bado tunao msimamo uleule ulianzishwa na baba wa taifa wa kupinga vitendo vya kikatili dhidi ya Wapalestina.

“Kama kamati tunaunga mkono msimamo wa serikali ya sita inayoongozwa na mama Samia Suluhu Hassani, yenyewe inaunga mkono juhudi za kuwafanya waisraeli na wapalestina kuishi kwa amani ni jambo kubwa na tunalolitamani kutokea,” alisema.

Amesema sio haki hata kidogo kuona kundi moja linakandamizwa, kunyanyaswa na lingine likifurahi na kucheza kwa amani.

Akizungumiza kasi ya wapalestina kupotea katika ardhi yao, amesema kasi hiyo ni kubwa ambapo mpaka sasa Takwimu zinaonyesha waisraeli washajimilikisha eneno kubwa ukilinganisha na wengine.

 

“Katika miaka ya 1947 ardhi ya Palestina,  ilikuwa inakaliwa na wapalsetina wenyewe kwa asilimia 80, lakini hadi inafika mwaka 2021, ardhi ya hiyo imeshachukuliwa na waislael asilimia 80, kibaya Zaidi hata asilimia chache iliyobakiwa bado bado haina amani, wamekuwa wakafanyiwa ukatili wa kila aina,” alifafanua

Amesema Wapalestina wamekuwa hawana amani, wanavamiwa katika makazi yao, wanavunjiwa, wanateswa lakini kubwa Zaidi wanauliwa, mambo haya yanatia uchungu sana na kushauri watanzania kuungana kupaza sauti ili mambo yaweze kuzuiliwa.

Naye Katibu wa Kamati ya mshikamano wa Tanzania na Palestina, Nizar Visram amesema suala la Palestina ni Suala la ukombozi hivyo kamwe lisinasibishwe na masuala ya kidini.

Amesema ubaguzi wa rangi uliopo Afrika Kusini ni ubaguzi uleule unaoendelea nchini Palestina kwa sasa, Tanzania inayo historia nzuri ya kuunga mkono harakati za ukombozi katika Afrika na Nje ya Afrika, pia tumekuwa tukiunga mkono harakati za Palestina, ni msimamo wetu.

“Nataka niwaambie, ni kweli dunia inabadirika lakini msimamo wa Tanzania haujabadilika, bado tunaunga mkono hrakati za ukombozi za Palestina, Mama MuraMura amethibitisha hilo kwa vitendo.